پاک آرمی اور سیکیورٹی اداروں کی معاون کیلئے سول ڈیفنس بھی ہائی الرٹ
اشاعت کی تاریخ: 7th, May 2025 GMT
سٹی42: ملک میں بڑھتی ہوئی سیکیورٹی صورتحال کے پیش نظر سول ڈیفنس کو بھی ہائی الرٹ کر دیا گیا ہے، جو پاک آرمی اور دیگر سیکیورٹی اداروں کی معاونت کے لیے متحرک ہو چکا ہے۔
سول ڈیفنس حکام کے مطابق لاہور کے مختلف مقامات پر 150 سے زائد سائرن نصب کر دیے گئے ہیں تاکہ کسی بھی ایمرجنسی کی صورت میں عوام کو بروقت خطرے سے آگاہ کیا جا سکے۔
میچ کے دوران بولر دل کا دورہ پڑنے سے انتقال کرگیا
ناصرباغ میں سول ڈیفنس کے دستے جمع ہو گئے ہیں جہاں ایمرجنسی مشقوں کا سلسلہ بھی جاری ہے۔ ان مشقوں کا مقصد کسی بھی ہنگامی صورتِ حال میں فوری ردِ عمل دینا اور سیکیورٹی اداروں کے ساتھ مکمل ہم آہنگی سے کام کرنا ہے۔
سول ڈیفنس کے ترجمان نے بتایا کہ سائرن سسٹم مکمل طور پر فعال ہے اور عوام کو ہدایت کی گئی ہے کہ سائرن بجنے کی صورت میں فوری طور پر محفوظ مقامات کی جانب منتقل ہو جائیں۔
.ذریعہ: City 42
پڑھیں:
سردار مسعود خان کا تنازعہ کشمیر کے پرامن حل کیلئے سلامتی کونسل کی قراردادوں پر مکمل عملدرآمد پر زور
ذرائع کے مطابق سردار مسعودخان نے اسکالرز اور طلبہ کے ایک اجتماع سے خطاب کرتے ہوئے کہا کہ کشمیر کے نصب العین کو نظرانداز نہیں کیا جا سکتا بلکہ یہ وقار، آزادی اور بین الاقوامی انصاف کیلئے ایک زندہ و جاوید جدوجہد ہے۔ اسلام ٹائمز۔ آزاد جموں و کشمیر کے سابق صدر اور اقوام متحدہ، امریکہ اور چین میں پاکستان کے سابق سفیر سردار مسعود خان نے اقوام متحدہ کی سلامتی کونسل کی قراردادوں پر عملدرآمد کے ذریعے دیرینہ تنازعہ کشمیر کے پرامن حل پر زور دیا ہے۔ ذرائع کے مطابق سردار مسعودخان نے اسکالرز اور طلبہ کے ایک اجتماع سے خطاب کرتے ہوئے کہا کہ کشمیر کے نصب العین کو نظرانداز نہیں کیا جا سکتا بلکہ یہ وقار، آزادی اور بین الاقوامی انصاف کیلئے ایک زندہ و جاوید جدوجہد ہے۔سردار مسعود خان نے اس بات پر زور دیا کہ حالیہ پاک بھارت جنگ کی بنیادی وجہ بھی حل طلب تنازعہ کشمیر ہے۔ انہوں نے کہا کہ جنگ پہلگام واقعہ سے شروع ہوئی اور مسئلہ کشمیر کی مرکزی حیثیت کے اعادے پر اختتام پذیر ہوئی۔ انہوں نے کہا کہ جنگ کے بعد صدر ڈونلڈ ٹرمپ کے بیانات سے عالمی سطح پر کشمیر کے مسئلے کی حیثیت بحال ہوئی۔ سردار مسعود خان نے کہا کہ بھارت کشمیریوں کے ناقابل تنسیخ حق خودارادیت سے مسلسل انکار کر کے جنوبی ایشیا کے امن کو مسلسل دائو پر لگا رہا ہے۔ انہوں نے کہا کہ حل طلب تنازعہ کشمیر سے خطے کو دو ہمسایہ جوہری طاقتوں کے درمیان جنگ کا مسلسل خطرہ لاحق ہے۔ انہوں نے کہا کہ کشمیریوں کو ان کا حق خودارادیت دیے بغیر جنوبی ایشیاء میں پائیدار امن قائم نہیں ہو سکتا۔ آزاد کشمیر کے سابق صدر نے کہا کہ کشمیر کا مستقبل نوجوانوں کے ہاتھ میں ہے۔ انہوں نے نوجوانوں پر زور دیا کہ وہ کشمیریوں کی منصفانہ جدوجہد آزادی کو علمی، ڈیجیٹل اور سفارتی سمیت ہر پلیٹ فارم پر اجاگر کریں۔انہوں نے کشمیریوں کے حق خودارادیت کے حصول تک انکی سیاسی، سفارتی اور اخلاقی حمایت جاری رکھنے کے پاکستان کے غیر متزلزل عزم کا اعادہ کیا۔
ڈاکٹر عافیہ صدیقی کیس،اسلام آباد ہائیکورٹ کا وزیراعظم سمیت وفاقی کابینہ کو طلب کرنے کا عندیہ