وزیراعظم نے وفاقی کابینہ کا ہنگامی اجلاس آج ساڑھے تین بجےطلب کر لیا
اشاعت کی تاریخ: 7th, May 2025 GMT
اویس کیانی:وزیراعظم شہباز شریف نے موجودہ کشیدہ صورتحال کے پیش نظر وفاقی کابینہ کا اہم اجلاس آج شام ساڑھے تین بجے طلب کر لیا ہے۔
ذرائع کے مطابق اجلاس میں قومی سلامتی کمیٹی کے حالیہ فیصلوں کی باقاعدہ توثیق کی جائے گی۔ اس کے ساتھ ساتھ وزیراعظم وفاقی کابینہ کو ملک کی موجودہ سیکیورٹی صورتحال اور اس سے نمٹنے کے لیے حکومت کی حکمت عملی پر اعتماد میں لیں گے۔
اجلاس میں مختلف وزارتوں اور سیکیورٹی اداروں کے سربراہان کی جانب سے بریفنگ بھی دیے جانے کا امکان ہے جس میں تازہ ترین دفاعی اقدامات اور سفارتی محاذ پر پیش رفت پر روشنی ڈالی جائے گی۔
میچ کے دوران بولر دل کا دورہ پڑنے سے انتقال کرگیا
حکام کے مطابق وفاقی کابینہ کی منظوری کے بعد قومی سلامتی سے متعلق اہم فیصلے عوامی سطح پر لائے جا سکتے ہیں۔
واضح رہے کہ حالیہ دنوں میں پاک بھارت کشیدگی میں اضافے کے بعد ملکی سیکیورٹی صورتحال نہایت حساس ہو چکی ہے جس کے باعث اعلیٰ سطح پر مشاورت اور فیصلوں کا سلسلہ جاری ہے۔
.ذریعہ: City 42
کلیدی لفظ: وفاقی کابینہ
پڑھیں:
صدرِ مملکت اور وزیراعظم کا فتنہ الہندوستان کے خلاف کامیاب آپریشن پر سیکیورٹی فورسز کو خراج تحسین
صدرِ مملکت آصف علی زرداری اور وزیراعظم محمد شہباز شریف نے بلوچستان کے ضلع قلات میں فتنہ الہندوستان کے خلاف سیکیورٹی فورسز کی کامیاب کارروائی پر انہیں خراجِ تحسین پیش کیا ہے۔
صدرِ مملکت آصف علی زرداری نے بلوچستان کے ضلع قلات میں سیکیورٹی فورسز کے کامیاب انٹیلی جنس بیسڈ آپریشن پر خراجِ تحسین پیش کرتے ہوئےچار بھارتی پشت پناہی یافتہ دہشت گردوں کے خاتمے کو قومی سلامتی کے لیے اہم کامیابی قرار دیا۔آصف علی زرداری نے سیکیورٹی فورسز اور قانون نافذ کرنے والے اداروں کے عزم و استقلال کو سراہا۔ان کا کہنا تھا کہ قوم سیکیورٹی فورسز کے ساتھ ہے اور دہشت گردی کے ناسور کے مکمل خاتمے کے عزم پر قائم ہے۔صدرِ مملکت نے وطن دشمن عناصر کے خلاف آپریشن ’’عزمِ استحکام‘‘ کے تسلسل کو قومی سلامتی کیلئے ناگزیر قرار دیا۔
وزیرِاعظم محمد شہباز شریف نے قلات میں فتنہ الہندوستان کے خلاف کامیاب آپریشن پر سیکیورٹی فورسز کے افسران و اہلکاروں کی پزیرائی کی اور کہا کہ دہشتگردی کی عفریت کے ملک سے مکمل خاتمے تک اس کے خلاف جنگ جاری رکھیں گے۔وزیرِ اعظم کی بھارتی پشت پناہی میں سرکردہ 4 دہشتگردوں کو جہنم رسید کرنے پر سیکیورٹی فورسز کے افسران و اہلکاروں کی پیشہ ورانہ صلاحیتوں کی تعریف کی۔شہباز شریف نے مزید کہا کہ ارض وطن کی حفاظت کے غیر متزلزل عزم میں مجھ سمیت پوری قوم افواج پاکستان کے شانہ بشانہ کھڑی ہے۔
پی پی کشمیر کاز کی علمبردار،کبھی حقوق پر سودا نہیں کریں گے،بلاول بھٹو