پی ٹی آئی کا اہم اعلامیہ، مودی حکومت کو سبق سیکھانے کیلئے بڑا مطالبہ کردیا
اشاعت کی تاریخ: 9th, May 2025 GMT
طیب سیف: پاکستان تحریک انصاف کی کور کمیٹی اور سیاسی کمیٹی کے مشترکہ اجلاس کا اعلامیہ, پاکستان تحریک انصاف کی کورکمیٹی اور سیاسی کمیٹی کی پاکستان کے خلاف بزدلانہ، بلااشتعال اور مجرمانہ جارحیت کی شدید مذمت, بزدلانہ بھارتی حملے کے نتیجے میں شہید ہونے والے معصوم شہریوں کے لواحقین سے دلی ہمدردی اور تعزیت کا اظہار کیا گیا۔
پاکستان تحریک انصاف کی کور کمیٹی اور سیاسی کمیٹی کے مشترکہ اجلاس کے اعلامیے میں کہا گیا کہ شہادتوں اورمسجدوں کی بے حرمتی کا حساب ہندتوا کے مراکز اور پیروکاروں سے لینا باقی ہے۔ مسلط نااہل اور ناجائز حکومت ایسا کرنے کا حوصلہ نہیں رکھتی۔
پنجاب بھر کے سکولوں میں تعطیلات کا اعلان
شرانگیز بھارتی جارحیت کے مقابلے میں بروقت، مؤثر اور فیصلہ کن جوابی کارروائی ناگزیر قرار اور حکومتی صفوں میں نمایاں کنفیوژن پر گہری تشویش کا اظہار ہے۔
بھارتی جارحیت کے جواب میں کھلی بےعملی، کنفیوژن اور گومگو کی کیفیت سے نکلنے کر قومی امنگوں، ضروریات اور زمینی حقائق کے تقاضوں سے ہم آہنگ حکمت عملی اختیار میں فارم سینتالیس زدہ شہباز شریف اور ان کی مینڈیٹ چور سرکار کی واضح ناکامی شرانگیز بھارت سرکار کی دلیری اور جسارت کی بڑی وجہ قرار دی گئی۔
علی امین گنڈا پور کا اڈیالہ جیل کی جانب پیدل مارچ، پولیس سے تلخ کلامی
انتخاب پر کھلے ڈاکے کے نتیجے میں وجود پذیر قوم کی غیرنمائندہ، غیرمنتخب اور ناجائز سرکار سے خوابِ غفلت سے فوری بیداری اور احمقانہ روش ترک کرکے پاکستان کو درپیش سنگین خطرات کے پیشِ نظر سنجیدگی اختیار کرنے کا مطالبہ کیا گیا۔
جنگ کے ماحول میں ملک و قوم کی ٹھوس صف بندی اور بھارتی جارحیت کے مقابلے میں کثیرالجہتی قومی پالیسی کی تشکیل کے لئے سابق وزیر اعظم عمران خان کی فوری رہائی عمل میں لاکر کل جماعتی کانفرنس کے انعقاد اور عمران خان کی اس میں شمولیت کو یقینی بنانے کا بھی پرزور مطالبہ کیا گیا۔
بھارتی جارحیت سے شہریوں کی شہادت؛ سپریم کورٹ کے تمام ججز کا ایک رسمی تعزیتی اجلاس منعقد
موجودہ حالات دشمن کے مقابلے میں قومی یکجہتی کا تقاضا کرتے ہیں مگر خیبرپختونخوا کے وزیراعلیٰ کو عمران خان سے ملاقات کی اجازت نہ دے کر قومی یکجہتی کو نقصان پہنچایا گیا۔
پرامن شہریوں اور وفاقِ پاکستان کی سب سے بڑی سیاسی جماعت کے کارکنوں کے خلاف غیرقانونی ظلم، جبر اور انتقام کی گزشتہ تین برس سے جاری لاقانونیت پر مبنی ریاستی مہم ختم کرکے ریاستی وسائل اور توجہ پاکستان کی سلامتی، سالمیت، خودمختاری، زمینی، فضائی، بحری سرحدات اور 24 کروڑ پاکستانیوں کے دفاع پر مرکوز کرنے کا پرزور مطالبہ کیا گیا۔
ہنگامی صورتحال سے نمٹنے کیلئے ہسپتالوں میں انتظامات مکمل
مشترکہ اعلامیے میں فوجی عدالتوں میں عام شہریوں (سول آبادی) کے ٹرائلز پر عدالتِ عظمیٰ کے آئینی بنچ کے فیصلے پر شدید تنقید اور اس کے خلاف ہرممکن قانونی مزاحمت پر مکمل اتفاق ہوا، پاک سرزمین پر بھارتی جارحیت اور نہتے معصوم پاکستانیوں کے قتلِ عام کا معاملہ ہر لحاظ سے سنگین ہے، اسے کسی طور ہلکا نہیں لے سکتے۔
عمران خان نے اقوامِ متحدہ اور پلوامہ واقعے کے بعد بھارتی جارحیت کے جواب میں دنیا پر واضح کیا تھا کہ اگر پاکستان پر جنگ مسلط کی گئی تو صرف ہمارے جوان نہیں، ہر پاکستانی لڑے گا،بھارتی جارحیت کے جواب میں عوامی مینڈیٹ سے محروم فارم47 زدہ حکومت کے اقدامات ناکافی، اور وزیردفاع سمیت نکمے، نااہل اور نالائق وزیروں کے بیانات و رویے صورتحال کی سنگینی میں اضافہ کررہے ہیں۔
آزاد کشمیر کے پہاڑ’پاک فوج زندہ باد‘ کے نعروں سے گونج اُٹھے
قابض حکومت وہ لب و لہجہ اختیار کرے جسے سمجھنے کا بزدل ہندوستان اور مودی کی ہندوتوا سرکار عادی ہے،پاکستان تحریک انصاف امن کی داعی، عمران خان پوری دنیا میں امن کے پیامبر ہیں، تاہم مادرِ وطن کے دفاع اور قومی سلامتی پر کسی قسم کی کنفیوژن یا کمزوری گوارا نہیں کرسکتے، عمران خان کی سکیورٹی کو ہر لحاظ سے یقینی بناتے ہوئے انہیں فی الفور رہا کیا جائے تاکہ بھارتی عزائم کے خلاف قوم کو متحد کرتے ہوئے ملکی دفاع و سلامتی کو ناقابلِ دست درازی بنانے کیلئے ناگزیر قیادت کا اہتمام ممکن ہوسکے۔
وقت آگیا ہے ہماری مقتدرہ بھی پاکستان کے ان عوام کے ساتھ کھڑی ہو جو ہر مشکل وقت میں غیرمشروط طور پر ان کی پشت پناہی کرتے ہیں،کورکمیٹی اور سیاسی کمیٹی کے مشترکہ اجلاس میں 9 مئی کے واقعات کی آڑ میں پاکستان تحریک انصاف کے بےگناہ مرد و خواتین کارکنوں کے خلاف بدترین، انسانیت سوز اور درندہ صفت ریاستی یلغار کی بھی شدید ترین الفاظ میں مذمت کی گئی۔
9 مئی کے واقعات کی آڑ میں نشانہ انتقام بنائے جانے والے بے گناہ کارکنان خصوصاً مرد و خواتین اسیران کو فراہم انصاف اور ان کی بلاتاخیر رہائی کا مطالبہ بھی کیا گیا۔
.
ذریعہ
ذریعہ: City 42
کلیدی لفظ: کمیٹی اور سیاسی کمیٹی پاکستان تحریک انصاف بھارتی جارحیت کے کے خلاف کیا گیا
پڑھیں:
میڈ اِن پاکستان الیکٹرک گاڑی کی مارکیٹ میں آمد جلد متوقع، بی وائی ڈی نے اہم اعلان کردیا
چین کی معروف الیکٹرک اور نیو انرجی وہیکل ساز کمپنی ’بی وائی ڈی ‘ نے کہا ہے کہ سندھ کے علاقے غارو میں قائم کیا جانے والا اس کا 150 ملین ڈالر مالیت کا اسمبلنگ پلانٹ تکمیل کے آخری مرحلے میں داخل ہو چکا ہے۔
جبکہ کمپنی پاکستان میں تیار ہونے والی پہلی مقامی بی وائی ڈی گاڑی کو جلد از جلد مارکیٹ میں متعارف کرانے کے لیے کام تیز کر رہی ہے۔
کمپنی کے مطابق پلانٹ میں تعمیراتی کام تقریباً مکمل ہو چکا ہے، جبکہ اس وقت جدید مشینری کی تنصیب، کمیشننگ اور دیگر تکنیکی مراحل جاری ہیں تاکہ عالمی معیار کے مطابق پیداوار کا آغاز کیا جا سکے۔
پلانٹ کی سالانہ پیداواری صلاحیت 25 ہزار گاڑیاں ہوگیبی وائی ڈی پاکستان، میگا موٹر کمپنی (ایم ایم سی ) کے وائس پریزیڈنٹ سیلز اینڈ اسٹریٹجی، دانش خالق نے بتایا کہ تقریباً 2 سال سے بھی کم عرصے میں تیار ہونے والا یہ منصوبہ پاکستان میں اپنی نوعیت کے تیز ترین آٹو مینوفیکچرنگ منصوبوں میں شمار ہوتا ہے۔
یہ بھی پڑھیں:چینی کمپنی پاکستان میں الیکٹرک گاڑیاں تیار کرے گی، شارک 6 پلگ اِن ہائبرڈ پک اپ آج مارکیٹ میں آئے گی
انہوں نے کہا کہ پلانٹ مکمل طور پر فعال ہونے کے بعد سالانہ تقریباً 25 ہزار نیو انرجی وہیکلز اسمبل کرنے کی صلاحیت رکھے گا، جس سے ملک میں ماحول دوست گاڑیوں کی بڑھتی ہوئی طلب پوری کرنے میں مدد ملے گی۔
پہلی مقامی بی وائی ڈی گاڑی جلد متعارف کرانے کا ہدفدانش خالق کے مطابق کمپنی کی اولین ترجیح پاکستان میں تیار ہونے والی پہلی بی وائی ڈی گاڑی کو جلد از جلد صارفین تک پہنچانا ہے۔
تاہم انہوں نے واضح کیا کہ باقاعدہ پیداوار شروع کرنے سے قبل مشینری کی جانچ، پیداواری آزمائش اور معیار کی تصدیق کے متعدد مراحل مکمل کیے جائیں گے تاکہ ہر گاڑی کمپنی کے عالمی معیار پر پوری اترے۔
2 ہزار سے زیادہ گاڑیوں کی سب سے بڑی کھیپ پاکستان پہنچ گئیاس پیش رفت سے قبل بی وائی ڈی پاکستان نے گزشتہ ہفتے بحری جہاز کے ذریعے 2 ہزار سے زیادہ گاڑیوں کی اب تک کی سب سے بڑی کھیپ درآمد کی۔
کمپنی کا کہنا ہے کہ اس درآمد کا مقصد صارفین کو بروقت گاڑیوں کی فراہمی یقینی بنانا اور ملک بھر میں موجود ڈیلر نیٹ ورک میں مطلوبہ تعداد میں گاڑیاں دستیاب رکھنا ہے۔
ایندھن کی بڑھتی قیمتوں سے الیکٹرک گاڑیوں کی طلب میں اضافہبی وائی ڈی کے مطابق پاکستان میں گزشتہ ایک سال کے دوران نیو انرجی وہیکلز میں صارفین کی دلچسپی مسلسل بڑھی ہے، جبکہ حالیہ عرصے میں ایندھن کی قیمتوں میں اضافے نے اس رجحان کو مزید تقویت دی ہے۔
مزید پڑھیں:چین کی سب سے بڑی کارساز کمپنی پاکستان میں الیکٹرک گاڑیاں لانچ کرنے کے لیے پُرعزم
کمپنی کا دعویٰ ہے کہ اس کی جدید ٹیکنالوجی کی بدولت بی وائی ڈی گاڑیوں کے آپریٹنگ اخراجات روایتی پیٹرول یا ڈیزل گاڑیوں کے مقابلے میں 75 فیصد تک کم ہو سکتے ہیں، جبکہ حفاظت، کارکردگی اور قابلِ اعتماد معیار بھی برقرار رہتا ہے۔
چارجنگ انفراسٹرکچر میں بھی سرمایہ کاری جاریدانش خالق نے بتایا کہ بی وائی ڈی پاکستان نے ہبکو گرین پرائیویٹ لمیٹڈ (ایچ جی ایل) کے ساتھ شراکت داری کے ذریعے ملک بھر میں نیو انرجی وہیکلز کے لیے چارجنگ نیٹ ورک کی توسیع کا کام بھی جاری رکھا ہوا ہے۔
انہوں نے کہا کہ اب تک کراچی سے پشاور تک تقریباً 1,300 کلومیٹر طویل روٹ پر 19 پبلک ڈی سی فاسٹ چارجنگ اسٹیشنز قائم کیے جا چکے ہیں، جبکہ آئندہ مرحلے میں مزید شہروں، اہم شاہراہوں اور دوسرے درجے کے شہری مراکز تک اس نیٹ ورک کو توسیع دی جائے گی۔
بی وائی ڈی نے 2024 میں مقامی شراکت دار میگا موٹر کمپنی (ایم ایم سی) کے ساتھ اشتراک کے ذریعے پاکستان کی مسافر گاڑیوں کی مارکیٹ میں باضابطہ طور پر قدم رکھا تھا۔
گزشتہ سال کمپنی نے اعلان کیا تھا کہ پاکستان میں اسمبل ہونے والی پہلی بی وائی ڈی گاڑی جولائی یا اگست 2026 تک متعارف کرانے کا ہدف رکھا گیا ہے۔
یہ بھی پڑھیں:پاکستان میں 2030 تک فروخت ہونے والی 30 فیصد نئی گاڑیاں الیکٹرک ہوں گی
ماہرین کے مطابق پاکستان میں الیکٹرک اور نیو انرجی وہیکلز کی مارکیٹ تیزی سے ترقی کر رہی ہے۔
حکومت کی جانب سے ماحول دوست ٹرانسپورٹ کی حوصلہ افزائی، ایندھن کی بڑھتی قیمتیں اور چارجنگ انفراسٹرکچر میں بہتری ایسے عوامل ہیں جو اس شعبے میں سرمایہ کاری اور صارفین کی دلچسپی میں اضافے کا سبب بن رہے ہیں۔
بی وائی ڈی کا غارو پلانٹ بھی اسی بدلتے ہوئے رجحان کا اہم حصہ تصور کیا جا رہا ہے، جس سے مقامی آٹو انڈسٹری، روزگار کے مواقع اور جدید ٹیکنالوجی کی منتقلی کو بھی فروغ ملنے کی توقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکٹر گاڑیوں الیکٹرک گاڑیاں ایندھن بی وائی ڈی پیداواری ٹیکنالوجی نیو انرجی وہیکلز
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا