رافیل طیارے کی تباہی پر چینی میمرز کی طنزیہ ویڈیو وائرل، بھارتی فوج کا مذاق بن گیا
اشاعت کی تاریخ: 9th, May 2025 GMT
پاکستانی فوج کی جانب سے رافیل طیاروں کی تباہی نے بھارتی فوج کا تمسخر اُڑا دیا، چینی میمرز کی طنزیہ ویڈیو سوشل میڈیا پر وائرل ہوگئ۔
جہاں پاک بھارت جنگ کی مختلف ویڈیوز سوشل میڈیا پر وائرل ہو رہی ہیں وہیں چائنہ سے تعلق رکھنے والے میمرز کی بھی ایک ویڈیو نے صارفین کی توجہ سمیٹ لی ہے جس میں چینی میمرز نے بھارت کے رافیل طیاروں کے گرنے کے واقعے پر طنزیہ انداز اپناتے ہوئے رقص کیا ہے۔
اس ویڈیو میں چار چینی نوجوانوں کو بھارت کے روایتی لباس اور پگڑی پہنے دیکھا جاسکتا ہے کہ جو مقبول بھارتی گانے کی دھن پر بھارتی رافیل طیارے کے گِرنے پر طنز کرتے ہوئے رقص کررہے ہیں۔
View this post on InstagramA post shared by Seeking Forgivness ???????? (@pakistanicelebritieshub)
ویڈیو میں چینی میمرز کی جانب سے نہ صرف بھارتی طیاروں کی تباہی کا مذاق اڑا گیا ہے بلکہ بھارتی فوج کے بیانات اور دعوؤں پر بھی طنز کرتے ہوئے بھارتی فوج کو آڑے ہاتھوں لیا گیا ہے۔
یہ ویڈیو خاص طور پر پاکستانی سوشل میڈیا صارفین میں مقبول ہو رہی ہے جو اسے مختلف پلیٹ فارمز پر ری شیئر کرتے ہوئے اس پر دلچسپ ردعمل دے رہے ہیں۔ بھارتی اور پاکستانی سوشل میڈیا صارفین کے درمیان اس ویڈیو کو لے کر ایک نئی بحث چھڑگئی ہے۔
.
ذریعہ: Express News
کلیدی لفظ: سوشل میڈیا بھارتی فوج چینی میمرز میمرز کی
پڑھیں:
رافیل کیسے گرائے تھے؟ حارث رؤف نے بھارتی شائقین کو بتادیا
ایشیا کپ 2025ء کے سپر فور مرحلے میں پاکستان اور بھارت کے ہائی وولٹیج میچ کے دوران حارث رؤف کے بھارتی شائقین کو رافیل گرانے کے دلچسپ اشارے خبروں کی زینت بن گئے۔
پاکستان کے فاسٹ بالر حارث رؤف نے بھارتی شائقین کے جملوں کا جواب ایک منفرد اور طنزیہ انداز میں دیا، وہ میدان میں اپنی گیند کا جادو چلاتے رہے ساتھ ہی اپنے اشاروں سے بھارتی شائقین کو تڑپاتے بھی رہے۔
باؤنڈری لائن پر فیلڈنگ کے دوران حارث نے اپنے ہاتھ کی انگلیوں سے 0-6 کا اشارہ بنایا اور پھر ہاتھ کو ہوائی جہاز کی مانند اُڑا کر اسے نیچے گرتے ہوئے دکھایا۔
Haris Rauf never disappoints, specially with 6-0. pic.twitter.com/vsfKKt1SPZ
— Ihtisham Ul Haq (@iihtishamm) September 21, 2025
یہ منظر دیکھتے ہی شائقین کے ذہن فوراً پاکستان ایئر فورس کی اُس تاریخی کامیابی کی طرف چلے گئے جب رواں سال مئی میں ہونے والی پاک بھارت جنگ میں بھارتی فضائیہ کے 6 لڑاکا طیارے، جس میں 3 فرانسیسی رافیل طیارے تھے مار گرائے گئے تھے۔ تاہم میچ کے موقع پر گراؤنڈ میں موجود شائقین نے ’رافیل رافیل‘ کے نعرے بھی لگائے۔
Love you Haris rauf for this. pic.twitter.com/1R5Y5aeVmK
— Abdullah (@Rflx_56_) September 21, 2025
بھارتی شائقین کے مسلسل آوزیں کسنے پر حارث رؤف اپنے دلچسپ اشاروں سے جواب دیتے رہے، کبھی کان میں انگلی ڈال کر اشارہ کرتے رہے کہ آواز نہیں آرہی تو کبھی پیر سے دھول اڑا کر بھارتیوں کا منہ بند کرواتے رہے۔
سوشل میڈیا پر ویڈیوز جنگل کی آگ کی طرح پھیل گئیں، پاکستانی شائقین نے اسے جرات مندانہ اور برجستہ جواب قرار دیا اور حارث رؤف کو رافیل ہنٹر کا خطاب دے ڈالا، جبکہ بھارتی شائقین سخت برہم دکھائی دیے اور نفرت کا اظہار کرنے لگے۔
Post Views: 1
ہالی ووڈ کے لیجنڈری اداکار رابرٹ ریڈفورڈ 89 برس کی عمر میں انتقال کر گئے