ریاست مخالف پروپیگنڈہ مہم میں ملوث 5 سو سوشل میڈیا اکاؤنٹس کے خلاف گھیرا تنگ
اشاعت کی تاریخ: 9th, May 2025 GMT
اسلام آباد:
نیشنل سائبر کرائم انویسٹی گیشن ایجنسی کی جانب سے ریاست مخالف پروپیگنڈہ مہم میں ملوث 5 سو سوشل میڈیا اکاؤنٹس کی نشاندہی کی گئی ہے۔
ایجنسی نے اس معاملے کی تحقیقات کا باقاعدہ آغاز کردیا ہے اور اس بات کا انکشاف کیا ہے کہ یہ اکاؤنٹس ملک بھر میں ریاست مخالف ایک مربوط آن لائن مہم چلانے میں سرگرم ہیں۔
یہ سوشل میڈیا اکاؤنٹس 8 مئی 2025 کو ایک منظم ریاست مخالف پروپیگنڈہ مہم کا حصہ بنے تھے، جس کا مقصد قومی اداروں اور حکومت کے خلاف منفی رائے عامہ پیدا کرنا تھا۔
مزید پڑھیں: پاکستان میں سوشل میڈیا پلیٹ فارم ’ایکس‘ کی سروسز ایک سال سے زائد عرصے بعد بحال
سائبر کرائم ونگ کی خصوصی ٹیمیں ان اکاؤنٹس کی ڈیجیٹل سرگرمیوں کا گہرائی سے تجزیہ کر رہی ہیں۔
ذرائع کے مطابق، اس معاملے میں ملوث افراد اور اداروں کی شناخت کے لیے نادرا سے ڈیٹا حاصل کرنے کے لیے کارروائی کی جا رہی ہے تاکہ ذمہ دار عناصر کو انصاف کے کٹہرے میں لایا جا سکے۔
ایجنسی کے ذرائع نے کہا ہے کہ آن لائن پلیٹ فارمز کے ذریعے ریاست کو غیر مستحکم کرنے کی کوشش کرنے والے افراد کے خلاف فیصلہ کن اور سخت قانونی کارروائی کی جائے گی۔
.ذریعہ: Express News
کلیدی لفظ: ریاست مخالف سوشل میڈیا
پڑھیں:
بھارتی میڈیا کا جھوٹ بے نقاب: پاکستان مخالف پراپیگنڈے کا پول کھل گیا
بھارت کی جانب سے پاکستان مخالف جھوٹے بیانیے اور سفارتی پراپیگنڈے کا ایک اور باب عالمی سطح پر بے نقاب ہو گیا۔ بھارتی وزیر خزانہ نرملا سیتھارامن کی ایشیائی ترقیاتی بینک (ADB) کے صدر سے ملاقات کو بھارتی میڈیا نے اپنی روایتی گودی صحافت کے تحت پاکستان کے خلاف سفارتی کامیابی کے طور پر پیش کیا، تاہم بین الاقوامی حلقوں نے اس بیانیے کو سراسر جھوٹا اور گمراہ کن قرار دیا۔
بھارتی میڈیا نے اس ملاقات کو پاکستان پر دباؤ ڈالنے اور اسے عالمی سطح پر تنہا کرنے کی مہم کے طور پر پیش کیا۔ لیکن جب عالمی میڈیا نے اس ملاقات کے پس منظر اور ایجنڈے پر سوالات اٹھائے تو بھارتی حکومت اور وزارتِ خارجہ نے فوراً ہی یہ کہہ کر لاتعلقی اختیار کرلی کہ ایسی کوئی بات زیر بحث نہیں آئی۔
سیاسی تجزیہ کاروں کا کہنا ہے کہ یہ بھارت کی روایتی دوغلی پالیسی کا واضح ثبوت ہے، جہاں اندرونی ناکامیوں اور عالمی سطح پر خراب ہوتی ساکھ سے توجہ ہٹانے کے لیے پاکستان کو قربانی کا بکرا بنایا جاتا ہے۔
مزید پڑھیں: پہلگام حملہ: بھارت کی سفارتی تنہائی، پاکستان کا مؤقف عالمی سطح پر تسلیم
ان کا مزید کہنا تھا کہ بھارتی گودی میڈیا کی خبریں اکثر زمینی حقائق کے برعکس ہوتی ہیں، جن کا مقصد صرف عوامی جذبات کو بھڑکانا اور سرکاری بیانیے کو طاقت دینا ہوتا ہے۔
پاکستانی ذرائع کے مطابق ADB صدر اور بھارتی وزیر خزانہ کی ملاقات میں پاکستان یا کسی مخصوص ملک کے خلاف کوئی بات نہیں کی گئی۔ یہ مکمل طور پر ایک تکنیکی اور معاشی نوعیت کی ملاقات تھی۔
یہ پہلا موقع نہیں کہ بھارت نے پاکستان کے خلاف فالس نیریٹیو گھڑا ہو۔ ماضی میں بھی پہلگام حملے، کلبھوشن یادیو کیس، ابھینندن واقعہ اور اوڑی حملے جیسے معاملات کو سیاسی فوائد کے لیے استعمال کیا گیا۔
بین الاقوامی میڈیا اور اداروں کی جانب سے بارہا بھارت کے اس پراپیگنڈہ ماڈل پر سوالات اٹھائے گئے ہیں، جس کا مقصد اندرونی مسائل جیسا کہ کسان تحریک، اقلیتوں پر ظلم، کشمیر کی صورتحال، اور معیشت کی بگڑتی حالت سے توجہ ہٹانا ہوتا ہے۔
بھارت چاہے جتنا بھی پراپیگنڈا کرے، بین الاقوامی سطح پر سچائی جلد یا بدیر سامنے آ ہی جاتی ہے۔ یہ واقعہ ایک بار پھر ثابت کرتا ہے کہ پاکستان کو بدنام کرنے کی مہمات خود بھارت کے لیے شرمندگی کا باعث بن رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اٹلی ایشیائی ترقیاتی بینک بھارت بھارتی وزیر خزانہ پاکستان نرملا سیتھارامن
کیا ٹھنڈا پانی پینا وزن میں اضافے کا سبب بن سکتا ہے؟