کوئٹہ ہمارا گھر، خدمت اولین ترجیح ہے، ڈی سی مہراللہ بادینی
اشاعت کی تاریخ: 9th, May 2025 GMT
تعارفی اجلاس کے موقع پر نئے ڈی سی کوئٹہ نے کہا کہ ہر شہری کیساتھ خوش اخلاقی اور انصاف پر مبنی رویہ اپنایا جائے۔ کسی بھی سرکاری ملازم کیخلاف شکایت برداشت نہیں کی جائیگی۔ اسلام ٹائمز۔ نئے ڈپٹی کمشنر کوئٹہ کیپٹن (ر) مہراللہ بادینی نے کہا ہے کہ کسی بھی سرکاری ملازم کے خلاف شکایت برداشت نہیں کی جائے گی۔ شکایت موصول ہونے پر ملازم کے خلاف سخت کارروائی کی جائے گی۔ ان خیالات کا اظہار انہوں نے ڈی سی آفس کوئٹہ میں تعارفی اجلاس کے موقع پر شرکاء کو تاکید کرتے ہوئے کیا۔ اجلاس میں تمام اسسٹنٹ کمشنرز، مجسٹریٹس، رجسٹرار اور ڈی سی آفس کی تمام برانچوں کے انچارج نے شرکت کیں۔ تعافی اجلاس کا مقصد ضلعی انتظامیہ کی کارکردگی کا جائزہ لینا اور بہتر عوامی خدمات کی فراہمی کے لیے اہداف کا تعین کرنا تھا۔ ڈپٹی کمشنر مہراللہ بادینی نے اجلاس سے خطاب کرتے ہوئے تمام افسران و ملازمین کو خراج تحسین پیش کیا اور کہا کہ وہ اپنی تمام تر توانائیاں عوامی خدمت کے لیے وقف کریں۔
انہوں نے واضح ہدایات دیتے ہوئے کہا کہ تمام برانچوں میں عوامی مسائل کو ایمرجنسی بنیادوں پر حل کیا جائے اور ہر شہری کے ساتھ خوش اخلاقی اور انصاف پر مبنی رویہ اپنایا جائے۔ ڈپٹی کمشنر نے سختی سے تاکید کی کہ کسی بھی سرکاری ملازم کے خلاف شکایت برداشت نہیں کی جائے گی۔ اگر کسی ملازم کے خلاف شکایت موصول ہوئی تو اس کے خلاف سخت کارروائی کی جائے گی اور وہ ٹیم کا حصہ نہیں رہے گا۔ ڈپٹی کمشنر نے کہا یہ دفتر عوام کی خدمت کے لئے ہے اور کوئٹہ ہمارا گھر ہے۔ اس گھر اور اس کے باسیوں کی خدمت ہمارا اولین فرض ہے۔ جسے ہم بغیر کسی تفریق کے سرانجام دیں گے۔ اجلاس کے اختتام پر تمام افسران اور عملے نے ضلعی انتظامیہ کے ویژن اور مشن کے مطابق اپنی بھرپور محنت، دیانت داری اور لگن سے کام کرنے کے عزم کا اعادہ کیا۔
ذریعہ: Islam Times
کلیدی لفظ: ملازم کے خلاف خلاف شکایت ڈپٹی کمشنر کی جائے گی
پڑھیں:
گمراہ کن اشتہار کرنے کا الزام، بالی ووڈ ہیرو سلمان خان بڑی مشکل میں پھنس گئے
بالی ووڈ سپر اسٹار سلمان خان کو پان مصالحہ کے ایک برانڈ کی تشہیر کرنے پر قانونی مشکلات کا سامنا ہے۔ کوٹا کی کنزیومر کورٹ نے اداکار کو نوٹس جاری کرتے ہوئے ان سے وضاحت طلب کی ہے۔
یہ کارروائی بی جے پی رہنما اور راجستھان ہائی کورٹ کے وکیل اندر موہن سنگھ ہنی کی جانب سے دائر کردہ شکایت پر کی گئی ہے۔ درخواست میں الزام عائد کیا گیا ہے کہ متعلقہ اشتہار گمراہ کن ہے، کیونکہ اس میں دعویٰ کیا گیا ہے کہ الائچی اور پان مصالحہ کی مصنوعات ’زعفران‘ ملی ہوئی ہیں، جبکہ ان کی قیمت صرف پانچ روپے رکھی گئی ہے۔
یہ بھی پڑھیں: بگ باس 19 کی میزبانی کے لیے سلمان خان کتنے سو کروڑ لے رہے ہیں؟ حیران کن انکشاف
شکایت کنندہ کے مطابق زعفران کی فی کلو قیمت تقریباً چار لاکھ روپے ہے، اس لیے اس دعوے کی کوئی عملی بنیاد نہیں بنتی۔ درخواست میں مزید کہا گیا ہے کہ ایسے اشتہارات نوجوانوں کو پان مصالحہ کے استعمال کی ترغیب دیتے ہیں، جو صحت کے لیے مضر اور منہ کے سرطان (کینسر) کا ایک بڑا سبب ہے۔
اندر موہن سنگھ ہنی نے میڈیا سے گفتگو میں کہا کہ ’سلمان خان لاکھوں نوجوانوں کے رول ماڈل ہیں۔ ہم نے ان کے خلاف شکایت دائر کی ہے کیونکہ مشہور شخصیات کو اپنی سماجی ذمہ داری کا احساس ہونا چاہیے۔ دوسرے ممالک کے فلمی ستارے کولڈ ڈرنکس تک کی تشہیر نہیں کرتے، مگر ہمارے یہاں تمباکو اور پان مصالحہ کی تشہیر عام ہے‘۔
یہ بھی پڑھیں: ’باپ بننا چاہتا ہوں اور بنوں گا بھی‘، سلمان خان نے خواہش کا اظہار کردیا
کوٹا کنزیومر کورٹ نے سلمان خان کے ساتھ ساتھ پان مصالحہ بنانے والی کمپنی کو بھی نوٹس جاری کر دیا ہے۔ فریقین کو آئندہ سماعت کے موقع پر، جو کہ 27 نومبر کو مقرر ہے، اپنا مؤقف پیش کرنے کی ہدایت کی گئی ہے۔
دوسری جانب، سلمان خان ان دنوں ریئلٹی شو ’بگ باس‘ کے تازہ سیزن کی میزبانی کر رہے ہیں اور اپنی نئی فلم ’بیٹل آف گالوان‘ کی شوٹنگ میں مصروف ہیں۔ ذرائع کے مطابق، فلم کو جون 2026 میں ریلیز کرنے کا امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ بگ باس بیٹل آف گالوان سلمان خان سلمان خان عدالت سلمان خان فلم
پنجاب میں بیٹی دھی رانی پروگرام کے تحت 4857 جوڑوں کی باعزت رخصتی