پاک فوج نے بھارتی جارحیت کا مؤثر اور دندان شکن جواب دیا، انوارالحق
اشاعت کی تاریخ: 10th, May 2025 GMT
پریس کانفرنس سے خطاب کرتے ہوئے وزیراعظم آزاد کشمیر کا کہنا تھا کہ کل بھارتی آبی جارحیت کی انفارمیشن چیرمین واپڈا نے ہم سے شئیر کی، بھارتی حملے سے نوسیری ڈیم کو جزوی نقصان پہنچا ہے، ایل او سی پر بھارتی جارحیت دن بدن بڑھتی جا رہی ہے۔ اسلام ٹائمز۔ وزیراعظم آزاد جموں و کشمیر چوہدری انوار الحق نے کہا ہے کہ پاک فوج نے گزشتہ 72 گھنٹوں میں بھارتی جارحیت کا مؤثر اور دندان شکن جواب دیا ہے، ہمارے جذبے اور جنون جواں ہیں، بھارت کی بین الاقوامی سرحد سے دراندازی کا مسلح افواج پاکستان اپنے وقت پر جواب دیں گی، پھر اس رسپانس کو دنیا دیکھے گی، کل بھارتی آبی جارحیت کی انفارمیشن چیرمین واپڈا نے ہم سے شئیر کی، بھارتی حملے سے نوسیری ڈیم کو جزوی نقصان پہنچا ہے، ایل او سی پر بھارتی جارحیت دن بدن بڑھتی جا رہی ہے، ہمیں اپنے ازلی دشمن کے مائنڈ سیٹ کا ادراک ہے، ہم نے بھارتی ذہنیت کو سمجھتے ہوئے بر وقت اقدامات اٹھا دیے تھے، کسی شہری کی رپورٹنگ اور حکومت کی رپورٹنگ میں فرق ہوتا ہے، جب ہم آپ کو کوئی انفارمیشن دیں گے تو ذمہ دارانہ رپورٹنگ ہو گی، آزاد کشمیر حکومت کے موقف اور میڈیا کو مستند معلومات کے لیے ڈی جی پی آر ڈیجیٹل DGPR DIGiTAL کو فالو کیا جائے، بھارتی میڈیا جھوٹا ہے، بھارت کا میڈیا جنگ کا بیانیہ لے کر چل رہا ہے، بھارت کی کمینگی کا ادراک ہے، بھارت نے آج پھر آبی جارحیت کی ہے، میں نے آزاد جموں و کشمیر قانون ساز اسمبلی میں کہا تھا کہ اگر حالات بدلے تو آزاد حکومت کے جملہ وسائل کا رخ ہنگامی صورتحال سے نمٹنے کے لیے موڑ دیں گے، کل قانون ساز اسمبلی سے خطاب میں بھی میں نے کہہ دیا تھا کہ ایمرجنسی کی صورت حال پیدا ہوئی تو بروقت اقدامات اٹھائیں گے، حکومت آزاد کشمیر نے ایمرجنسی رسپانس فنڈ کے لیے ایک ارب روپے مختص کر دیے ہیں، بھارت کی جانب سے آزاد کشمیر میں مساجد کو نشانہ بنایا گیا۔ ان خیالات کا اظہار وزیراعظم آزاد کشمیر چوہدری انوار الحق نے مظفر آباد میں پر ہجوم پریس کانفرنس میں کیا۔
انھوں نے کہا بھارت کی جانب سے ایل او سی پر کئی دنوں سے جاری بھارتی شدید جارحیت کے باعث کل 16 شہادتیں ہوئی ہیں، جن میں سے کل 5 نہتے شہری شہید ہوئے ہیں، حکومت آزاد کشمیر نے ایمرجنسی رسپانس فنڈ کے تحت شہداء اور زخمیوں کے ورثاء کو ادائیگیاں بھی بروقت کی ہیں، ایمرجنسی ہیلتھ سروسیز ادویات کی فراہمی اور ملحقہ علاقوں کے ہسپتالوں کی ضروریات کے لیے وسائل فراہم کر دیے گئے ہیں، حکومت آزاد کشمیر نے نقل مکانی کے لیے نیلم میں 319 افراد کو محفوظ مقامات پر منتقل کر دیا ہے، اس کے لیے حکومت نجی و سرکاری وسائل کو بھی استعمال کر رہی ہے، علاؤہ ازیں 119 افراد شاردہ سے اور 79 باغ سے نقل مکانی کر کے محفوظ مقامات پر منتقل کیے گے ہیں، گزشتہ رات بھارتی شدید گولہ باری کے باعث آزاد کشمیر میں کل 5 شہادتیں ہوئی ہیں، ان میں سے 4 کھوئی رٹہ اور ایک باغ میں ہوئی ہے، ہم کوئیک رسپانس کو 24 گھنٹوں سے 3 گھنٹوں پر لے آئے ہیں، موسٹ سنئر وزیر کی سربراہی میں کابینہ کی کمیٹی بھی تشکیل دے دی گئی ہے، عوام کے تحفظ اور ہنگامی اقدامات کے لیے ڈویژنل انتظامیہ مکمل طور پر متحرک ہے، ایمرجنسی ہیلتھ سروسز کے لیے 4 ایمبولینسیں نیلم میں ایل او سی کے ملحقہ علاقوں کے لیے مہیا کر دی گئی ہیں، ہمارا عوامی فلاح سے متعلق رسپانس سپیڈی ہے، اس حوالے سے دفاتر میں حاضری کو یقینی بنانے کے لیے آج ایک نوٹیفیکشن بھی جاری کر دیا گیا ہے۔
اس موقع پر موسٹ سینئر وزیر وقار احمد نور، پیر محمد مظہر سعید شاہ، میاں عبدالوحید، چوہدری محمد رشید، چوہدری اکبر ابراہیم، عبدالماجد خان، جاوید ایوب، اظہر صادق، اکمل سرگالہ بھی موجود تھے۔ وزیراعظم آزاد کشمیر چوہدری انوار الحق نے کہا کہ نبی پاکﷺ کا ارشاد ہے کہ جنگ کی خواہش نہ کرو، اگر جنگ مسلط ہو جائے تو پھر پوری قوت سے لڑو۔ وزیراعظم آزاد کشمیر چوہدری انوار الحق نے کہا ہے کہ دفتر خارجہ پاکستان سفارتکاری کے معاملات کو بہتر انداز میں دیکھ رہا ہے، آئینی طور پر میں انتظامی معاملات اور حربی قوت کی تیاری کا ذمہ دار ہوں، میں بھارتی جارحیت سے شہید ہونے والی مسجد بلال میں گیا ہوں اور وہاں نماز بھی ادا کی۔
وزرات اطلاعات میں ایمرجنسی رسپانس سینٹر قائم کر دیا گیا ہے، ہنگامی حالات کے پیش نظر ایمرجنسی ڈیزاسٹر رسپانس سینٹر کے نمبرز بھی شائع کر دیے جائیں گے، کل رات شہید ہونے والوں کے امدادی چیک ورثاء کے حوالے کر دیے گئے ہیں، ہمارے لیے مشکل یہ ہے کہ ہر سوشل میڈیا کی خبر کو چیک کرنا ممکن نہیں، بھارت کے ہزاروں فیک اکائونٹس انارکی کو ہوا دینے کے لیے استعمال کیے گئے ہیں، بھارتی میڈیا کے پاس قوت گفتار ہے قوت للکار نہیں۔ انہوں نے کہا کہ گزارش ہے کہ آزادکشمیر حکومت کے موقف اور میڈیا کے اظہار کے لیے ڈی جی پی آر ڈیجیٹل کو فالو کیا جائے، مظفر آباد میں ایک وزیراعظم کے طرز زندگی میں اور عام شہری کے طرز زندگی میں کوئی فرق نہیں، وزیراعظم آزادکشمیر نے کہا کہ بھارتی بربریت کی محبوبہ مفتی نے بھی بات کی ہے، وزیراعظم نے کہا کہ حکومت آزاد کشمیر دونوں اطراف کے لوگوں کی نمائندہ حکومت ہے، حالات کا جائزہ لیتے ہوئے اقدامات اٹھائے جا رہے ہیں۔
ذریعہ
ذریعہ: Islam Times
کلیدی لفظ: کشمیر چوہدری انوار الحق نے حکومت آزاد کشمیر بھارتی جارحیت ایل او سی نے کہا کہ بھارت کی کے لیے کر دیے
پڑھیں:
مودی کا امتحانی پرچے لیک کرنے والوں کے خلاف فاسٹ ٹریک عدالتیں قائم کرنے کا اعلان
بھارتی وزیراعظم نریندر مودی نے امتحانی پرچوں کے لیک ہونے کے بڑھتے ہوئے واقعات کے خلاف سخت اقدامات کا اعلان کرتے ہوئے کہا ہے کہ ایسے جرائم میں ملوث افراد کو جلد انصاف کے کٹہرے میں لانے کے لیےفاسٹ ٹریک عدالتیںقائم کی جائیں گی۔ انہوں نے واضح کیا کہ طلبہ کے مستقبل سے کھیلنے والوں کے ساتھ کسی قسم کی رعایت نہیں برتی جائے گی۔
سوشل میڈیا پلیٹ فارم ایکس (X) پر جاری اپنے بیان میں وزیراعظم مودی نے کہا کہ نوجوانوں کا مستقبل حکومت کی اولین ترجیح ہے اور امتحانی نظام میں بدعنوانی یا پرچے لیک کرنے جیسے جرائم میں ملوث عناصر کو سخت اور فوری سزا دی جائے گی۔
یہ امتحانی پرچوں کے لیک ہونے کے معاملے پر وزیراعظم مودی کا پہلا عوامی بیان ہے۔ تاہم ان کے ردعمل کے بعد بھی ملک بھر میں جاری طلبہ احتجاج میں کمی نہیں آئی۔ متعدد طلبہ اور سماجی حلقوں نے سوال اٹھایا کہ حکومت نے اس حساس معاملے پر ردعمل دینے میں اتنی تاخیر کیوں کی۔
دوسری جانب لوک سبھا میں قائد حزب اختلاف راہل گاندھی نے وزیراعظم کے بیان کو تنقید کا نشانہ بناتے ہوئے حکومت پر تعلیمی نظام کو کمزور کرنے کا الزام عائد کیا۔
راہل گاندھی نے ایکس پر اپنی پوسٹ میں لکھا کہ نوجوانوں کے مستقبل کو سب سے زیادہ نقصان موجودہ حکومت نے پہنچایا ہے۔ ان کے مطابق حکومت نے نہ صرف تعلیمی نظام کو تباہ ہونے دیا بلکہ ذمہ دار افراد کو بھی تحفظ فراہم کیا۔
انہوں نے کہا کہ احتجاج کرنے والے طلبہ کے تین بنیادی مطالبات ہیں، جن میں وزیر تعلیم دھرمندر پردھان کو عہدے سے ہٹانا، طلبہ سے باضابطہ معافی مانگنا اور احتجاج کے دوران طلبہ پر مبینہ تشدد میں ملوث افراد کے خلاف کارروائی شامل ہے۔
واضح رہے کہ ملک میں تعلیمی اصلاحات اور امتحانی نظام میں شفافیت کے مطالبات کے حوالے سے احتجاجی تحریک جاری ہے۔ حالیہ دنوں میں طلبہ اور پولیس کے درمیان جھڑپوں کے بعد یہ معاملہ مزید شدت اختیار کر گیا ہے، جبکہ امتحانی پرچے لیک ہونے کے واقعات نے بھارت کے تعلیمی نظام پر سنجیدہ سوالات کھڑے کر دیے ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی