کشمیری عوام پاکستان کو مضبوط اور مستحکم بنانے کیلئے کسی بھی قربانی سے دریغ نہیں کریں گے، وزیراعظم آزاد کشمیر
اشاعت کی تاریخ: 10th, May 2025 GMT
اسمبلی اجلاس سے خطاب کرتے ہوئے ان کا کہنا تھا کہ چونکہ بھارت نے پاکستان کی علاقائی خودمختاری کی خلاف ورزی کی ہے اس لیے پاکستان کی مسلح افواج کو جواب دینے کا پورا حق ہے اور وہ بھارت کو ضرور جواب دیں گے۔ اسلام ٹائمز۔ آزاد جموں و کشمیر کے وزیراعظم چوہدری انوار الحق نے کہا ہے کہ کشمیری عوام پاکستان کو مضبوط اور مستحکم بنانے کے لیے کسی بھی قربانی سے دریغ نہیں کریں گے۔ ذرائع کے مطابق چوہدری انوار الحق نے قانون ساز اسمبلی کے اجلاس سے خطاب کرتے ہوئے کہا کہ تمام اختلافات کو بھلا کر ہر سطح پر مکمل اتحاد کو فروغ دینے کی اشد ضرورت ہے۔ انہوں نے کہا کہ ایک مضبوط اور خوشحال پاکستان کشمیریوں کی امیدوں کا مرکز ہے اور کشمیری پاکستان کی خاطر ہر قسم کی قربانی دینے کو تیار ہیں۔ انہوں نے کہا کہ چونکہ بھارت نے پاکستان کی علاقائی خودمختاری کی خلاف ورزی کی ہے اس لیے پاکستان کی مسلح افواج کو جواب دینے کا پورا حق ہے اور وہ بھارت کو ضرور جواب دیں گے۔ پاکستانی قوم اور مسلح افواج کے ساتھ مکمل یکجہتی کا اظہار کرتے ہوئے انہوں نے واضح کیا کہ کشمیری پاکستان کے لیے جییں گے اور مریں گے۔ آزاد جموں و کشمیر میں آبی ذخائر کو نشانہ بنانے کی بھارت کی مذموم کوششوں کی مذمت کرتے ہوئے وزیراعظم آزاد کشمیر نے کہا کہ اگر بھارت آبی جارحیت کرتا ہے اور ہمارے ڈیموں کو نشانہ بناتا ہے تو ان کے ڈیموں کو بھی نہیں بخشا جائے گا۔ انہوں نے کہا کہ آزاد کشمیر حکومت نے بھارتی جارحیت سے متاثرہ افراد کی امداد کے لیے بجٹ مختص کیا ہے اور ڈپٹی کمشنرز کو فنڈز منتقل کر دیے گئے ہیں۔ ریاستی حکومت متاثرہ خاندانوں کی مکمل دیکھ بھال یقینی بنائے گی۔
.
ذریعہ
ذریعہ: Islam Times
کلیدی لفظ: پاکستان کی کرتے ہوئے نے کہا کہ انہوں نے ہے اور
پڑھیں:
مقبوضہ کشمیر میں تیز بارشیں، بھارت نے پانی کا بڑا ریلہ پاکستان کی جانب چھوڑ دیا
مظفر آباد(ڈیلی پاکستان آن لائن)مقبوضہ کشمیر میں تیز بارشوں کے بعد بھارت نے پانی کا بڑا ریلہ پاکستان کی جانب چھوڑ دیا ہے۔بھارت نے مقبوضہ کشمیر میں ہونے والی تیز بارشوں کے بعد سلال ڈیم کے تمام گیٹ کھولے دیے اور پانی کا بڑا ریلہ پاکستان کی جانب چھوڑ دیا۔
بھارت کی جانب سے پانی چھوڑے جانے کے بعد پاکستان میں بڑے سیلاب کا خدشہ ہے اور اس حوالے سے سیالکوٹ اور وزیرآباد کے علاقوں میں سیلابی صورتحال پر ہائی الرٹ جاری کیا گیا ہے۔محکمہ ایریگیشن پنجاب کے مطابق سلال ڈیم کےگیٹ کھلنے سے دریائے چناب میں پانی کی سطح بلند ہونےلگی ہے ریلا آئندہ 48 گھنٹوں میں دریاِئے چناب وزیرآباد پہنچنے کا امکان ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی