پنجاب: بھارت کے بزدلانہ حملوں کے تناظر میں ایمرجنسی حفاظتی انتظامات کیلئے 2 ارب روپے جاری
اشاعت کی تاریخ: 10th, May 2025 GMT
ترجمان محکمہ داخلہ پنجاب کا کہنا ہے کہ بھارت کے بزدلانہ حملوں کے تناظر میں صوبے کے ڈپٹی کمشنرز کو ایمرجنسی حفاظتی انتظامات کیلئے 2 ارب روپے جاری کردیے گئے۔
ترجمان کے مطابق ضلعی انتظامیہ کو راشن، ادویات، فیول اور ضروری سامان کی دستیابی یقینی بنانے کی ہدایت کی گئی۔
وزیر دفاع خواجہ آصف نے کہا ہے کہ پچھلے دو تین روز میں بھارت نے امن کی بات ضرور کی لیکن جارحیت بھی جاری رکھی۔
یہ فنڈز عوامی فلاح کے لیے ایمرجنسی انتظامات کےلیے دیے گئے ہیں۔
ترجمان کے مطابق قانون نافذ کرنے والے ادارے، سول ڈیفنس اور ریسکیو ہائی الرٹ پر ہیں۔ افواجِ پاکستان بھارتی جارحیت کا منہ توڑ جواب دے رہی ہیں۔
.ذریعہ: Jang News
پڑھیں:
بھارتی بزدلانہ حملہ، شاہد آفریدی بھی میدان میں آگئے، دنیا کیلئے پیغام جاری کردیا
کراچی: قومی کرکٹ ٹیم کے سابق کپتان شاہد آفریدی نے حالیہ کشیدگی پر بھارت کو تنقید کا نشانہ بناتے ہوئے دنیا سے اپیل کی ہے کہ وہ پاکستان کی علاقائی خود مختاری کی تحقیقات کرے اور انسانی بحران کو جنم لینے سے روکے۔
ٹوئٹر پر جاری اپنے ایک بیان میں شاہد آفریدی نے کہا “دنیا گواہ بنے۔ ایک جانب نے اپنے ہمسایہ ملک کی علاقائی خودمختاری کی سنگین خلاف ورزی کی اور اندھیرے میں بزدلانہ انداز میں حملہ کرتے ہوئے عام شہریوں کو نشانہ بنایا، جن میں خواتین اور بچے بھی شامل تھے۔ 25 سے زائد ڈرون شہری علاقوں پر داغے گئے، جن میں فوڈ سٹریٹس، عوامی پارکس، اور رہائشی علاقے شامل تھے۔ اس قسم کے حملے نہ صرف اخلاقی لحاظ سے ناقابلِ دفاع ہیں بلکہ بین الاقوامی انسانی قانون کی صریح خلاف ورزی اور جنیوا کنونشنز کے تحت جنگی جرائم کے زمرے میں آ سکتے ہیں۔”
ہمیں وہ دوست بننا ہے جو آگ کے 100 امتحانوں سے گزر کر فولاد جیسے بنے ہوں” شی جن پنگ اور پیوٹن کا امریکہ کے خلاف ساتھ کھڑے ہونے کا اعلان
انہوں نے مزید کہا ” ایسی سنگین اشتعال انگیزی کے باوجود، پاکستان نے غیر معمولی تحمل کا مظاہرہ کیا اور حکمتِ عملی کے تحت بھرپور اور ذمہ دارانہ جواب دیا۔ پاکستانی فضائی دفاع نے 5 دشمن لڑاکا طیارے اور 25 ڈرونز کو کامیابی سے تباہ کیا جو مختلف علاقوں میں پاکستانی فضائی حدود کی خلاف ورزی کر رہے تھے۔”
شاہد آفریدی نے عالمی برادری کو مخاطب کرتے ہوئے کہا ” بین الاقوامی برادری پر لازم ہے کہ وہ فوری اور فیصلہ کن اقدامات کرے تاکہ ان خلاف ورزیوں کی تحقیقات کی جا سکیں، شہری آبادیوں کا تحفظ کیا جا سکے، اور دو ایٹمی طاقتوں کے درمیان کسی بھی مزید کشیدگی کو روکا جا سکے۔”
انہوں نے کہا “پاکستان کا جواب نہایت نپا تلا اور پُرعزم تھا، یہ اس کی عسکری پیشہ ورانہ صلاحیت اور اخلاقی ذمہ داری کا مظہر ہے، جو ایک غیر قانونی اور شہریوں کو نشانہ بنانے والے حملے کے جواب میں دیا گیا۔آئیے آج ایک اور انسانی بحران کو جنم لینے سے روکیں۔”
پہلگام فالس فلیگ آپریشن، بھارت سفارتی سطح پر تنہائی کا شکارہوگیا