پاکستان نے بھارتی جارحیت کا منہ توڑ جواب دیا ہے: بلاول بھٹو
اشاعت کی تاریخ: 10th, May 2025 GMT
پاکستان پیپلز پارٹی کے چیئرمین بلاول بھٹو زرداری—فائل فوٹو
پاکستان پیپلز پارٹی کے چیئرمین بلاول بھٹو زرداری کا کہنا ہے کہ پاکستان نے بھارتی جارحیت کا منہ توڑ جواب دیا ہے۔
پاکستان اور بھارت کے درمیان سیز فائر ہونے کے بعد جاری کیے گئے بیان میں ان کا کہنا ہے کہ پاکستان نے اپنے دفاع میں بھارتی جارحیت کا جواب دیا، پاک فضائیہ نے بھارت کے 5 طیارے مار گرائے۔
بلاول بھٹو زرداری نے کہا ہے کہ پاکستان دہشت گردی کے خلاف بھرپور کردار ادا کر رہا ہے۔
پاکستان میں دہشت گردی کروانے والا راجواڑی میں بھارتی ملٹری انٹیلی جنس کا تربیتی مرکز بھی تباہ کردیا گیا، سیکیورٹی ذرائع
انہوں نے کہا ہے کہ پاکستان ایک ذمے دار ریاست ہے جس نے 3 روز تحمل کا مظاہرہ کیا۔
چیئرمین پی پی پی نے کہا ہے کہ عالمی برداری نے ذمے دار کا مظاہرہ کرتے ہوئے پاکستان کی حمایت کی، بھارت پہلگام واقعے کی بین الاقوامی تحقیقات سے کیوں ہچکچا رہا ہے؟
ان کا مزید کہنا ہے کہ بھارت بلوچستان میں دہشت گردوں کی پشت پناہی کر رہا ہے، ہم نے اپنے سر زمین سے بھارتی جاسوس کلبھوشن کو گرفتار کیا۔
بلاول بھٹو زرداری کا یہ بھی کہنا ہے کہ بھارت مسلسل پاکستان میں دہشت گردی کی حمایت کر رہا ہے۔
.ذریعہ: Jang News
کلیدی لفظ: بلاول بھٹو زرداری ہے کہ پاکستان کہنا ہے کہ رہا ہے
پڑھیں:
مئی میں پاک فوج نے بھارت کو جواب دیا تو اُسے امریکا کی منتیں کرنا پر گئیں: تنویر الیاس، عتیق احمد
سابق وزرائے اعظم آزاد کشمیر سردار عتیق احمد خان اور سردار تنویر الیاس —فائل فوٹوسابق وزرائے اعظم آزاد کشمیر سردار تنویر الیاس اور سردار عتیق احمد خان نے کہا ہے کہ مئی میں پاک فوج نے بھارت کو ایسا جواب دیا کہ اُسے امریکا سے منتیں کرنا پڑ گئیں۔
راولاکوٹ میں کنونشن سے خطاب میں تنویر الیاس نے کہا کہ آج کا یہ عظیم الشان اجتماع تمام سیاسی جماعتوں پر مشتمل اور معرکۂ حق کی مناسبت سے ہے۔
انہوں نے کہا کہ فروری میں فیلڈ مارشل سید عاصم منیر نے مظفر آباد میں کہا تھا کہ کشمیر اور پاکستان لازم و ملزوم ہیں، پاک فوج کی آپ کے لیے بہت قربانیاں ہیں، اس کی قدر کریں اور سبز ہلالی پرچم کی عزت کریں۔
اُن کا کہنا ہے کہ مئی میں پاک فوج نے بھارت کو ایسا جواب دیا کہ اسے امریکا کی منتیں کرنا پڑیں، پاکستان اور سعودی عرب کے درمیان ایک عظیم الشان معاہدہ ہوا ہے۔
تنویر الیاس نے مزید کہا کہ اس دھرتی پر مہاراجہ بھی ہمارے بزرگوں سے سلامی نہیں لے سکا تھا، اب ریاست بچانے کا وقت آ گیا ہے، سب کو اپنا کردار ادا کرنا ہو گا۔
سردار عتیق احمد خان نے کہا کہ پونچھ کی دھرتی اپنی بہادری کی وجہ سے مشہور ہے۔
سابق وزیرِ آزاد کشمیر اور پی پی رہنما عابد حسین عابد نے کہا کہ یہ وہ سرزمین ہے، جسے غازیوں شہداء کی سر زمین کہتے ہیں۔
انہوں نے کہا کہ پاکستان کی بہادر افواج نے بھارت کو منہ توڑ جواب دے کر ہمارے وقار میں اضافہ کیا۔
خطاب میں راجہ فیصل ممتاز راٹھور نے کہا کہ معرکۂ حق کے بعد پاکستان ترقی کی منزلیں طے کر رہا ہے، پونچھ کی دھرتی کے باسی پاکستان سے بے حد محبت کرتے ہیں۔
اُن کا کہنا ہے کہ عوام طاقت کا سر چشمہ ہیں، لیکن یہاں پر خوف کی فضا پیدا کی گئی، راولاکوٹ کی سر زمین پر آج کا تاریخی پروگرام کا انعقاد خوش آئند ہے۔
ن لیگی رہنما اور سابق وزیر سردار طاہر انور ایڈووکیٹ نے کہا کہ معرکۂ حق آپریشن بنیان مرصوص نےکشمیری قوم کو پاکستان سے جوڑ دیا ہے، پاک فوج سے کشمیری عوام کا خون کا رشتہ ہے۔
مودی کی ناکام پالیسیوں کے باعث بھارت میں نئی دراڑ