آزاد کشمیر کے صدر کا بھارتی جارحیت کا منہ توڑ جواب دینے پر پاک فوج کو خراج تحسین
اشاعت کی تاریخ: 11th, May 2025 GMT
سماہنی سے آئے وفد سے گفتگو کرتے ہوئے صدر آزاد کشمیر کا کہنا تھا کہ پاکستانی فوج کے اچانک حملے نے نہ صرف بھارت کی اہم فوجی تنصیبات کو تباہ کر دیا بلکہ مودی کے غرور کو بھی خاک میں ملا دیا ہے۔ اسلام ٹائمز۔ آزاد جموں و کشمیر کے صدر بیرسٹر سلطان محمود چوہدری نے بھارتی جارحیت کا منہ توڑ جواب دینے پر پاک فوج کو زبردست خراج تحسین پیش کیا ہے۔ ذرائع کے مطابق بیرسٹر سلطان محمود چوہدری نے آج مظفرآباد میں سماہنی سے تعلق رکھنے والے چوہدری رزاق کے ہمراہ آئے وفد سے گفتگو کرتے ہوئے کہا کہ پاکستانی فوج کے اچانک حملے نے نہ صرف بھارت کی اہم فوجی تنصیبات کو تباہ کر دیا بلکہ مودی کے غرور کو بھی خاک میں ملا دیا ہے۔ انہوں نے کہا کہ پاکستان اور آزاد کشمیر کے عوام بھارتی فسطائیت کے خلاف لڑنے کے لیے پاک فوج کے شانہ بشانہ کھڑے ہیں۔ انہوں نے کنٹرول لائن پر شہری آبادیوں کو جان بوجھ کر نشانہ بنانے، شہری انفراسٹرکچر پر بمباری اور بے گناہ لوگوں کو شہید کرنے پر بھارت کی مذمت کی۔ انہوں نے انسانی حقوق کی عالمی تنظیموں اور بااثر عالمی حکومتوں پر زور دیا کہ وہ بھارت کی ریاستی دہشت گردی کا نوٹس لیں اور خطے کو جنگ سے بچانے کے لیے اپنا کردار ادا کریں۔ صدر آزاد کشمیر نے تنازعہ کشمیر کو پاکستان اور بھارت کے درمیان کشیدگی کی بنیادی وجہ قرار دیتے ہوئے کہا کہ جنوبی ایشیا میں پائیدار امن کا انحصار دیرینہ تنازعے کے منصفانہ اور پائیدار حل پر ہے۔ اس موقع پر چوہدری رزاق نے صدر کو کنٹرول لائن پر سماہنی سیکٹر کی تازہ ترین صورتحال سے آگاہ کیا۔
.ذریعہ: Islam Times
کلیدی لفظ: بھارت کی
پڑھیں:
بھارتی فورسز نے مقبوضہ جموں و کشمیر میں دو خواتین سمیت مزید 10 شہریوں کو گرفتار کر لیا
یہ کارروائیاں کالے قوانین کے تحت کی گئیں جن کے تحت متنازعہ علاقے میں تعینات بھارتی فورسز کو بے پناہ اختیارات اور استثنیٰ حاصل ہے۔ اسلام ٹائمز۔ غیر قانونی طور پر بھارت کے زیر قبضہ جموں و کشمیر میں بھارتی فورسز نے مختلف علاقوں میں محاصرے اور تلاشی کی کارروائیوں اور گھروں پر چھاپوں کے دوران دو خواتین سمیت مزید 10 شہریوں کو گرفتار کر لیا۔ ذرائع کے مطابق بھارتی پیراملٹری فورسز اور پولیس نے سرینگر، کولگام، بارہمولہ، شوپیاں اور پلوامہ سمیت مختلف اضلاع میں چھاپہ مار کارروائیاں کیں۔ ان کارروائیوں کے دوران دو خواتین سمیت دس شہریوں کو گرفتار کیا گیا۔ فورسز کے اہلکاروں نے سم کارڈ، موبائل فون, لیپ ٹاپ، دستاویزات اور کتابیں بھی قبضے میں لے لیں۔ دریں اثناء ایک خاتون کو جس کی شناخت روبینہ کے نام سے ہوئی ہے، بھارتی پولیس نے ضلع پلوامہ کے علاقے پدگام پورہ میں گرفتار کر لیا۔ یہ کارروائیاں کالے قوانین کے تحت کی گئیں جن کے تحت متنازعہ علاقے میں تعینات بھارتی فورسز کو بے پناہ اختیارات اور استثنیٰ حاصل ہے۔واضح رہے بھارتی فورسز نے مقبوضہ علاقے میں اپنی ظالمانہ کارروائیاں تیز کر دی ہیں اور گزشتہ چند دنوں میں سینکڑوں بے گناہ شہریوں کو گرفتار کیا گیا ہے۔
پنجاب اسمبلی: اسموگ اور موسمی بیماریوں کے تدارک سے متعلق قرارداد منظور