وادی نیلم میں بھارت کی بلااشتعال فائرنگ، نقصانات کی تفصیلات جاری
اشاعت کی تاریخ: 10th, May 2025 GMT
آزاد کشمیر کی وادی نیلم میں گزشتہ رات بھارتی فائرنگ سے نقصانات کی تفصیلات جاری کردی گئی ہیں۔
ڈپٹی کمشنر نیلم کے مطابق گزشتہ رات وادی نیلم میں بھارتی فوج کی بلا اشتعال فائرنگ سے 2 افراد شہید 5 زخمی ہوئے ہیں،3 مکانات مکمل تباہ ،19 مکانات کو جزوی نقصان پہنچا ہے۔
یہ بھی پڑھیں: وادی نیلم جاری گولہ باری میں ٹھہراؤ کے بعد مرکزی شاہراہ ٹریفک کے لیے بحال
؛بھارتی فائرنگ سے تین دکانیں مکمل تباہ جبکہ 14 دکانوں کو جزوی نقصان پہنچا، شیل لگنے سے ایک ٹرک اور سوزوکی کو بھی نقصان پہنچا ہے۔
زخمیوں کو علاج معالجے کے لیے ڈسٹرکٹ ہیڈ کوارٹر اسپتال آٹھمقام منتقل کر دیا گیا ہے۔
یہ بھی پڑھیں: وادی نیلم: بھارتی فوج کی جانب سے بلااشتعال فائرنگ جاری، پاک فوج کا بھرپور جواب
ڈپٹی کمشنر نیلم ندیم جنجوعہ کا کہنا ہے کہ کسی بھی ایمرجنسی صورتحال سے نمٹنے کے لیے ڈسٹرکٹ ڈیزاسٹر مینجمنٹ اتھارٹی اور دیگر ریسکیو ادارے الرٹ ہیں، کشیدہ صورت حال کے دوران خوراک اور ادویات کی فراہمی کو یقینی بنائی جائے گی۔
وادی لیپہ اور لمنیاں سے لوگوں کی نقل مکانیدوسری جانب گزشتہ 24 گھنٹوں کے دوران لائن آف کنٹرول (ایل او سی) پر بھارتی افواج کی بلا اشتعال فائرنگ اور گولہ باری میں خطرناک اضافہ ہوا ہے۔
وادی لیپہ اور لمنیاں کے متعدد دیہات کو جان بوجھ کر نشانہ بنایا گیا، جس کے نتیجے میں مقامی آبادی شدید خوف و ہراس کا شکار ہو گئی ہے۔
سیکیورٹی خطرات کے باعث درجنوں خاندانوں نے اپنی جانوں کے تحفظ کے لیے محفوظ مقامات کی طرف ہجرت شروع کردی ہے۔
یہ بھی پڑھیں: پاک بھارت کشیدگی: لائن آف کنٹرول پر پاک فوج کے جوان ہر دم تیار
مقامی افراد کے مطابق بھارتی فورسز کی گولہ باری رات گئے شروع ہوئی جو وقفے وقفے سے مسلسل جاری رہی۔
مقامی افراد نے بتایا کہ راکٹ اور مارٹر شیل ان کے گھروں کے آس پاس گرے، جس سے کئی مکانات تباہ اور مویشی ہلاک ہوئے۔
ایک مقامی بزرگ کا کہنا تھا: ’ہمیں اپنی جان بچانے کے لیے اپنا سب کچھ چھوڑ کر جانا پڑا۔‘
انتظامیہ حرکت میں، امدادی سرگرمیاں جاریضلعی انتظامیہ نے صورتحال کی نزاکت کو دیکھتے ہوئے فوری ہنگامی اقدامات اٹھائے ہیں۔ ریسکیو ٹیموں کو متاثرہ علاقوں میں بھیجا گیا ہے، جبکہ عارضی کیمپ قائم کرکے متاثرین کو خوراک، پانی، طبی امداد اور پناہ دی جارہی ہے۔
ڈپٹی کمشنر مظفرآباد نے بات کرتے ہوئے کہا ’عوام کی سلامتی ہماری اولین ترجیح ہے۔ تمام متعلقہ ادارے ہم آہنگی سے کام کررہے ہیں تاکہ متاثرہ خاندانوں کو ہر ممکن سہولت دی جاسکے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آزاد کشمیر بھارتی فوج ڈپٹی کمشنر فائرنگ وادی نیلم.ذریعہ: WE News
کلیدی لفظ: بھارتی فوج ڈپٹی کمشنر فائرنگ وادی نیلم ڈپٹی کمشنر وادی نیلم کے لیے
پڑھیں:
سردار جی 3 میں ہانیہ شامل، بھارت تلملا اٹھا
بھارتی گلوگار دلجیت دوسانجھ کی پاکستانی اداکارہ ہانیہ عامر کے ساتھ فلم پر بھارت میں تنازع کھڑا ہوگیا، ایف ڈبلیو آئی سی ای نے فلم کے مکمل بائیکاٹ کا اعلان کردیا، فلم کے ٹریلر کو بھی یوٹیوب انڈیا پر بلاک کر دیا گیا۔
بھارت کے مشہور گلوکار و اداکار دلجیت دوسانجھ کی نئی فلم سردار جی 3 کے ٹریلر نے جہاں شائقین کو تفریح کی نوید دی، وہیں فلم میں پاکستانی اداکارہ ہانیہ عامر کی موجودگی سے ایک نیا تنازع جنم لے چکا ہے۔
بھارت اور پاکستان کے درمیان حالیہ کشیدگی کے تناظر میں بھارتی فلم ورکرز یونین فیڈریشن آف ویسٹرن انڈیا سنی ایمپلائز (FWICE) نے دلجیت دوسانجھ اور ان کے تمام آئندہ منصوبوں پر مکمل پابندی کا مطالبہ کیا ہے، اس کے ساتھ ہی فلم کے پروڈیوسرز پر بھی پابندی کی اپیل کی ہے۔
FWICE کے صدر بی این تیواڑی نے ہندوستان ٹائمز کو دیے گئے انٹرویو میں کہا کہ دلجیت دوسانجھ نے ایک پاکستانی اداکارہ کے ساتھ کام کر کے بھارتی عوام کے جذبات کو ٹھیس پہنچائی ہے اور ساتھ ساتھ ہمارے بہادر سپاہیوں کی قربانیوں کی توہین کی ہے، ایسے وقت میں جب ملک حساس حالات سے گزر رہا ہے، ان کا پاکستانی فنکار کو ترجیح دینا ان کی وفاداری پر سوال کھڑے کرتا ہے۔
فلم سردار جی 3 کی ٹیم نے بھارت میں ممکنہ مخالفت اور احتجاج کے خدشے کے پیش نظر فلم کو صرف اوورسیز میں ریلیز کرنے کا فیصلہ کیا ہے۔
فلم کے ٹریلر کو بھی یوٹیوب انڈیا پر بلاک کر دیا گیا ہے، یعنی بھارتی صارفین اسے یوٹیوب پر نہیں دیکھ سکتے، تاہم دلجیت دوسانجھ کے انسٹاگرام اکاؤنٹ پر یہ اب بھی دستیاب ہے۔
اس ٹریلر کی ریلیز سے یہ افواہیں بھی دم توڑ گئیں کہ ہانیہ عامر کو فلم سے نکال دیا گیا ہے، ٹریلر میں انہیں ایک مرکزی کردار گھوسٹ بسٹر کے طور پر دکھایا گیا ہے۔
یاد رہے کہ پہلگام واقعے کے بعد بھارتی حکام نے متعدد پاکستانی فنکاروں کے سوشل میڈیا اکاؤنٹس پر پابندی لگادی تھی۔
سردار جی 3 ایک کامیڈی، فینٹسی اور ہارر سے بھرپور فلم ہے، اس میں دلجیت دوسانجھ کو ایک ایسے کردار میں دکھایا گیا ہے جو بھوتوں کا پیچھا کرتا ہے۔
فلم کی کہانی برطانیہ میں ایک آسیب زدہ حویلی کے گرد گھومتی ہے، جہاں دلجیت، ہانیہ عامر، نیرو، گلشن گروور، جسمین اور دیگر فنکار ناصر چنیوٹی، سلیم البیلا اور دانیل خاور کے ہمراہ ایک مہم پر نکلتے ہیں۔
سردار جی 3 کو دنیا بھر میں 27 جون 2025ء کو ریلیز کیا جا رہا ہے، تاہم بھارت میں اس کی ریلیز نہیں ہوگی۔
Post Views: 4
مالیاتی نگران قوانین اور دیگر احتیاطی میکانزم کو مزید مستحکم کیا گیا ہے، گورنر چینی مرکزی بینک