ادارہ منہاج الحسینؑ لاہور میں پاک فوج کیساتھ اظہار یکجہتی کیلئے سیمینار کا انعقاد
اشاعت کی تاریخ: 12th, May 2025 GMT
سیمینار سے خطاب میں علامہ محمد حسین اکبر کا کہنا تھا کہ آپریشن کا نام ’’بنیان مرصوص‘‘ غزوہ احد میں جب کفار و مشرکین نے رسول اللہ ﷺ کو شہید کرنا چاہا اور شیر خدا علی علیہ السلام نے اپنی ذوالفقار حیدری کے ذریعے مسلمانوں کی عارضی شکست کو فتح میں بدل دیا۔ اسلام ٹائمز۔ ادارہ منہاج الحسینؑ جوہر ٹاون لاہور کے زیراہتمام دفاع پاکستان اور تحفظ مملکت خداداد پاکستان کیلئے افواج پاکستان کی کارکردگی کو سراہنے اور خراج تحسین پیش کرنے کیلئے سیمینار کا انعقاد کیا گیا۔ جس کی صدارت علامہ ڈاکٹر محمد حسین اکبر نے کی جبکہ علامہ غلام مصطفی نیئر علوی، علامہ حسن رضا باقر، علامہ محمد سبطین اکبر، علامہ سجاد حسین جوادی سمیت دیگر نے خطاب کیا۔ مقررین نے خطاب کرتے ہوئے افواج پاکستان سے یکجہتی کا اظہار کیا اور شرکاء پر ملک سے وفاداری اور اس کی ترقی و سربلندی کیلئے اپنا کردار ادا کرنے کیلئے زور دیا۔ بانی و سرپرست اعلیٰ ادارہ منہاج الحسینؑ و سابق رکن اسلامی نظریاتی کونسل علامہ ڈاکٹر محمد حسین اکبر نے کہا کہ پاکستان کی افواج کے شعار ان کی استقامت اور ہمت و حوصلہ اور ثابت قدمی کے مورال کو بلند کرتے ہیں۔ جہاں نعرہ تکبیر ’’اللہ اکبر‘‘ اور نعرہ رسالت یارسول اللہ ؐ‘‘ شرک اور کفر کے بتوں کو زمین بوس کرنے کا جذبہ پیدا کرتے ہیں وہاں نعرہ حیدری ’’یاعلیؑ‘‘ لگانے سے شجاعت حیدری سے رگوں میں خون جوش مارتا ہے اور دشمن کو زیر کرنے کیلئے حیدری متوالے سپاہی بے تاب نظر آتے ہیں۔
انہوں نے کہا کہ ہمیں اپنے ملک کی مسلح افواج پر بھروسہ ہے کہ کوئی اس سرزمین کو میلی آنکھ سے نہیں دیکھ سکتا۔ پاک افواج کے سربراہ اور چیف آف آرمی سٹاف حافظ عاصم منیر نے اس آپریشن کا نام ’’بنیان مرصوص‘‘ غزوہ احد میں جب کفار و مشرکین نے رسول اللہ ﷺ کو شہید کرنا چاہا اور شیر خدا علی علیہ السلام نے اپنی ذوالفقار حیدری کے ذریعے مسلمانوں کی عارضی شکست کو فتح میں بدل دیا اور اسی جنگ میں اللہ تعالیٰ نے جبرائیلؑ کے ذریعے اسداللہ مولا علی علیہ السلام کو ذوالفقار حیدری عطا فرمائی۔ گویا کہ ایک مرتبہ پھر پاک افواج کے سربراہ سید زادہ نے اپنے جدِ امجد قرآن کی روشنی میں اپنے بھائی کا دفاع کرکے قیامت تک کیلئے (بنیان مرصوص) سیسہ پلائی ہوئی دیوار کے نعرہ کو زندہ کرکے علی والوں کے قلوب اطہر کو محبت علیؑ سے منور کیا اور کفار و مشرکین و منافقین کے دلوں کو اس نعرے کے ذریعے جہنم کی راکھ بنا دیا۔ ہمیں فرقہ واریت سے بچتے ہوئے اپنی صفوں میں اتحاد قائم رکھنا چاہیے تاکہ سیسہ پلائی دیوار کی طرح اس کے دشمن کی راہ میں رکاوٹ بنیں اور سب مل کر اس سرزمین کیلئے اپنی جان مال اور اولاد کو قربان کرنے کیلئے کسی بھی قربانی سے دریغ نہ کریں۔
سیمینار میں ادارہ منہاج الحسینؑ کے دیگرشعبہ جات جامعہ زینبیہ سے خانم شمائلہ اظہر، خانم فوزیہ بانو، خانم فروہ سبطین، خانم صائمہ رباب اور طوسی ماڈل سکول سے خانم سدرہ ذیشان، قاری مصطفیٰ حسین، حبیب رضا، طلبا و طالبات و دیگر نےشرکت کی۔ آخر میں پاکستان کی سلامتی ،ترقی اور اس کے دشمنوں کی نابودی کیلئے دعا کی گئی۔
ذریعہ
ذریعہ: Islam Times
کلیدی لفظ: ادارہ منہاج الحسین پاکستان کی کرنے کیلئے کے ذریعے
پڑھیں:
چوہدری شوکت منظور چیمہ کی چھٹی برسی، سعودی عرب میں یادگاری تقریب کا انعقاد
چوہدری شوکت منظور چیمہ کی چھٹی برسی، سعودی عرب میں یادگاری تقریب کا انعقاد WhatsAppFacebookTwitter 0 3 June, 2026 سب نیوز
جدہ( خالد نواز چیمہ )3 جون 2020 کو اس دنیا سے رخصت ہونے والے وزیرآباد کے ہر دلعزیز رہنما، محسن و معمارِ وزیرآباد، سابق ممبر صوبائی اسمبلی چوہدری شوکت منظور چیمہ مرحوم کو بچھڑے آج چھ برس بیت گئے، مگر ان کی یادیں، خدمات اور عوام دوستی آج بھی لوگوں کے دلوں میں اسی طرح زندہ ہیں جیسے وہ آج بھی اپنے حلقے کے درمیان موجود ہوں۔
چوہدری شوکت منظور چیمہ مرحوم نے اپنی سیاسی اور سماجی زندگی عوام کی خدمت، علاقے کی تعمیر و ترقی اور لوگوں کے مسائل کے حل کے لیے وقف کیے رکھی۔ وزیرآباد اور گردونواح کے عوام آج بھی ان کے دورِ خدمت کو عزت اور محبت سے یاد کرتے ہیں۔ ان کی شخصیت شرافت، خلوص، محبت اور عوامی خدمت کی علامت تھی، یہی وجہ ہے کہ ان کے چاہنے والے آج بھی انہیں فراموش نہیں کر سکے۔
ان کی چھٹی برسی کے موقع پر سعودی عرب میں مقیم اوورسیز پاکستانیوں اور ان کے چاہنے والوں کی جانب سے ایک پُروقار یادگاری تقریب کا انعقاد کیا گیا، جس میں مختلف سماجی، سیاسی اور کاروباری شخصیات نے شرکت کی اور چوہدری شوکت منظور چیمہ مرحوم کی سیاسی، سماجی اور عوامی خدمات کو بھرپور انداز میں خراجِ عقیدت پیش کیا۔
تقریب کے شرکاء نے کہا کہ چوہدری شوکت منظور چیمہ صرف ایک سیاستدان نہیں بلکہ عوام کے حقیقی خیرخواہ اور وزیرآباد کی ترقی کے معمار تھے۔ انہوں نے ہمیشہ ذاتی مفادات سے بالاتر ہو کر عوام کے حقوق اور علاقے کی بہتری کے لیے جدوجہد کی۔ ان کی وفات سے پیدا ہونے والا خلا آج بھی محسوس کیا جاتا ہے۔
تقریب میں شرکاء نے حکومتِ پنجاب اور وزیر اعلیٰ پنجاب محترمہ مریم نواز سے مطالبہ کیا کہ چوہدری شوکت منظور چیمہ مرحوم کی سیاسی خدمات اور عوامی کردار کو مدنظر رکھتے ہوئے ان کی اہلیہ سابق ممبر صوبائی اسمبلی محترمہ طلعت شوکت منظور چیمہ کو پنجاب میں ایک باوقار اور اعلیٰ مقام دیا جائے، کیونکہ یہ نہ صرف ان کا حق ہے بلکہ عوامی خدمت کے اس تسلسل کا اعتراف بھی ہوگا جس کی بنیاد چوہدری شوکت منظور چیمہ نے رکھی تھی۔
تقریب کے اختتام پر مرحوم کے ایصالِ ثواب کے لیے خصوصی دعا کی گئی اور شرکاء نے اس عزم کا اظہار کیا کہ چوہدری شوکت منظور چیمہ کے خدمتِ خلق، محبت اور عوامی فلاح کے مشن کو ہمیشہ یاد رکھا جائے گا۔
اللہ تعالیٰ چوہدری شوکت منظور چیمہ مرحوم کے درجات بلند فرمائے، ان کی قبر کو نور سے بھر دے اور جنت الفردوس میں اعلیٰ مقام عطا فرمائے۔ آمین۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرتحصیلدار فتح جنگ چوہدری شفقت محمود کی جانب سےاپنےعملے کے اعزاز میں عید ملن پارٹی کا اہتمام ایرانی جزیرے پر امریکی حملے کے بعد ایران کا جوابی وار، بحرین، عراق اور قطر میں سائرن بج گئے سابق وزیرِ اعلی پنجاب چوہدری پرویز الہی سے چیئرمین انوسٹر فورم اور سربراہ یارانِ جدہ چوہدری اظہر وڑائچ کی ملاقات *قومی اسمبلی کی قائمہ کمیٹی برائے کابینہ سیکرٹریٹ نے وفاقی حکومت کی جائیداد کے انتظام سے متعلق اتھارٹی کے قیام کیلئے قانون سازی کی... وزیراعظم محمد شہباز شریف کا بلوچستان میں کامیاب انسدادِ دہشت گردی کارروائیوں پر سیکیورٹی فورسز کو خراجِ تحسین سیکیورٹی فورسز کی بلوچستان کے مختلف علاقوں میں کارروائیاں، 17 دہشتگرد ہلاک ایران-امریکا مجوزہ معاہدہ، عالمی مارکیٹ میں تیل کی قیمت میں کمیCopyright © 2026, All Rights Reserved
رابطہ کریں ہماری ٹیم
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ