حماس نے امریکی نژاد اسرائیلی یرغمالی کو رہا کر دیا
اشاعت کی تاریخ: 12th, May 2025 GMT
امریکہ کے ساتھ براہِ راست مذاکرات کے بعد حماس نے امریکی نژاد اسرائیلی یرغمالی ایڈن الیگزینڈر کو رہا کر دیا۔
عالمی خبر رساں ادارے کے مطابق حماس نے معاہدے کے تحت 21 سالہ ایڈن الیگزینڈر کو ریڈ کراس کے حوالے کردیا۔
ریڈ کراس امریکی نژاد ایڈن الیگزینڈر کو اسرائیلی فوج کے سپرد کرے گا جو اسے امریکا سے آئے ہوئے ان کے والدین سے ملائیں گے۔
حماس امید ظاہر کی ہے کہ امریکی نژاد اسرائیلی یرغمالی کی رہائی سے جنگ زدہ غزہ کی پٹی میں سیز فائر مذاکرات کی بحالی کی راہ ہموار ہوسکتی ہے۔
ایڈن الگزینڈر کو حماس نے 7 اکتوبر 2023 کو اسرائیل پر حملے کے وقت جھڑپ کے بعد یرغمال بنایا تھا اور دیگر 250 یرغمالیوں کے ہمراہ غزہ لے آئے تھے۔
امریکی نژد اسرائیلی فوجی نے حماس کی قید میں 584 دن گزارے اور بالکل تندرست حالت میں واپس لوٹے ہیں۔
خیال رہے کہ یہ رہائی امریکا اور حماس کے درمیان ہونے والے براہِ راست مذاکرات کے نتیجے میں عمل میں لائی گئی ہے۔
امریکا کے خصوصی ایلچی نے کہا ہے کہ ایڈن الیگزینڈر کی رہائی غزہ میں دو سال سے جاری جنگ کے خاتمے کا باعث بنے گی۔
.
ذریعہ: Express News
کلیدی لفظ: امریکی نژاد
پڑھیں:
پاکستانی نژاد لڑکی کی چین میں وائرل کہانی، مداح سے شادی نے دل جیت لیے
پاکستانی نژاد چینی سوشل میڈیا انفلوئنسر فین زیہے (Fan Zihe) کی کہانی نے چین اور پاکستان دونوں ممالک کے عوام کو اپنے سحر میں جکڑ لیا ہے۔ 20 سالہ فین زیہے بچپن میں پاکستان میں ایک کارڈ بورڈ کے ڈبے میں لاوارث حالت میں ملی تھیں، بعد ازاں انہیں ایک چینی جوڑے نے گود لے لیا جو اس وقت پاکستان میں ملازمت کر رہا تھا۔
یہ بھی پڑھیں: حسن سے آگے کی کہانی: مس پاکستان گلوبل مثبت تبدیلی کی مثال بن گئیں
فین زیہے کو چین کے صوبہ ہینان کے دیہی علاقے میں پالا گیا، جہاں ان کی زندگی سادہ مگر محنت طلب رہی۔ ان کی قسمت کا دھارا اس وقت بدلا جب 2023 کے آخر میں ان کی ایک مختصر ویڈیو، جس میں وہ ہینان لہجے میں نوڈلز کھاتے ہوئے نظر آئیں۔
ان کی ویڈیو سوشل میڈیا پر وائرل ہو گئی۔ اس ایک ویڈیو نے انہیں یکدم شہرت کی بلندیوں پر پہنچا دیا اور دیکھتے ہی دیکھتے ان کے فالوورز کی تعداد 18 لاکھ سے تجاوز کر گئی۔
فین زیہے اپنی دلکش شخصیت اور دیہی زندگی کے روزمرہ مناظر شیئر کرنے کے باعث مشہور ہوئیں۔ وہ مقامی کسانوں کی پیداوار کو آن لائن فروغ دے کر ان کی مدد بھی کرتی ہیں۔ ان کے عاجزانہ مزاج اور نرمی نے انہیں لاکھوں دلوں میں جگہ دی۔
یہ بھی پڑھیں: پاکستانی نژاد طالبہ کی تحقیق اسپین کے شہریوں کی زندگیاں کیسے بدل رہی ہے؟
ان کے مداحوں میں سے ایک لیو شیاوشوائی بھی تھے، جو ان کی کہانی اور حوصلے سے متاثر ہوئے۔ باہمی دوستوں کے ذریعے ہونے والی ملاقات نے آہستہ آہستہ محبت کا روپ اختیار کیا۔
لیو شیاوشوائی نے فین زیہے کے ساتھ زندگی گزارنے کا فیصلہ کیا، اپنی ملازمت چھوڑ دی اور فین کے آن لائن کیریئر میں ان کے سب سے بڑے معاون بن گئے۔ وہ ویڈیوز کی ایڈیٹنگ سے لے کر آلات کے انتظام اور فین کے گود لینے والے والدین کی کھیتوں پر مدد تک سب کچھ کرتے ہیں۔
تین سال کے رشتے کے بعد 17 ستمبر کو فین اور لیو نے شادی کر لی۔ یہ شادی ایک سادہ مگر روایتی تقریب پر مشتمل تھی جس میں دونوں خاندان شریک ہوئے۔ اس موقع پر کسی قسم کا ’بریڈ پرائس‘ (حق مہر نما رقم) نہیں رکھا گیا، بلکہ تقریب میں سادگی اور خلوص نمایاں رہا۔ لیو نے تقریب میں سمندر سے متعلق تھیم شامل کیا کیونکہ فین نے اپنی زندگی میں کبھی سمندر نہیں دیکھا تھا۔
یہ بھی پڑھیں: محبت کی خاطر بھارت جانے والی پاکستانی لڑکی واپس وطن پہنچ گئی
شادی کی تصاویر اور لائیو اسٹریمز نے سوشل میڈیا پر دھوم مچا دی۔ لاکھوں مداحوں نے اس محبت بھری کہانی کو ایک ’پریوں کی داستان‘ قرار دیا۔ صارفین نے لیو کو یاد دلایا کہ وہ اپنی ’ہینان پرنسز‘ کی ہمیشہ قدر کریں۔
فین زیہے کی زندگی کی یہ جدوجہد اور محبت کی کہانی اب چین میں نہ صرف ایک متاثر کن مثال سمجھی جا رہی ہے بلکہ پاکستان میں بھی اسے دلچسپی اور محبت کے ساتھ دیکھا جا رہا ہے۔ یہ کہانی اس بات کی علامت ہے کہ قسمت اور محبت مل کر کیسے زندگی کو ایک نئی شکل دے سکتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستانی نژاد لڑکی چینی جوڑا شادی فین زیہے گود ہینان ہینان پرنسز
ایک ہفتے قبل نالے میں کودنے والی ڈاکٹر مشعال کا کوئی سراغ نہ مل سکا، شوہر گرفتار