‘اتنے کم عرصے میں اتنا بڑا نقصان کسی ایئرفورس کا نہیں ہوا، جتنا بھارت کا چند گھنٹوں میں ہو’
اشاعت کی تاریخ: 13th, May 2025 GMT
اسلام آباد (نیوز ڈیسک) سابق وزیر فواد چوہدری کا کہنا ہے کہ اتنے کم عرصے میں اتنا بڑا نقصان کسی ایئرفورس کا نہیں ہوا جتنا بھارت کا چند گھنٹوں میں ہوا، جس نے جنوبی ایشیا میں طاقت کا توازن بدل کر رکھ دیا ہے۔
تفصیلات کے مطابق سابق وزیر فواد چوہدری نے میڈیا سے گفتگو کرتے ہوئے کہا کہ اتنےکم عرصےمیں اتنا بڑا نقصان کسی ایئرفورس کا نہیں ہوا جتنا بھارت کا چند گھنٹوں میں ہوا۔
سابق وزیر کا کہنا تھا کہ بھارت نے چند گھنٹوں میں 5 جہاز اور 20 ایئر بیس تباہ کرالیے، پھر بھارت کو منتیں ترلے کرکے جنگ بندی کرنا پڑی۔
انھوں نے مزید کہا کہ ایٹمی جنگ تو دور بھارت روایتی جنگ میں پاکستان کامقابلہ نہیں کرسکتا، عوام پاک افواج خصوصاً پاک فضائیہ کی شکرگزارہے۔
سابق وزیر کا کہنا تھا کہ پاک افواج نے جنوبی ایشیا میں طاقت کا توازن بدل دیا ہے، دنیامیں تاثر تھا بھارت جنوبی ایشیا کا اسرائیل ہے، جو بدل گیا، آج پاکستان جنوبی ایشیا کی سیاست لکھ رہا ہے۔
یاد رہے پاکستان نے بھارت کے بزدلانہ حملے کا منہ توڑ جواب دیتے ہوئے چند گھنٹوں میں 5 طیارے اور بریگیڈ ہیڈ کوارٹر تباہ کردیا تھا۔
بھارتی طیاروں کو جنرل ایریا بھٹنڈا، اکھنور، اونتی پور اور ایک مقبوضہ سری نگر میں بھارتی طیاروں کو مار گرایا گیا تھا، ان طیاروں کو اس وقت گرایا گیا جب ان طیاروں نے پاکستان پر حملہ کیا، تباہ ہونے والے بھارتی طیاروں میں 3 رافیل، ایک مگ 29، ایک سکوئی اور ایک کمبیٹ ڈرون شامل ہے۔
مزیدپڑھیں:بھارتی ماہر کا پاکستان کی ‘کرپٹو ڈپلومیسی’ کی کامیابی کا اعتراف
ذریعہ: Daily Ausaf
کلیدی لفظ: چند گھنٹوں میں جنوبی ایشیا
پڑھیں:
پاکستانی طیارے گرانے کے بھارتی دعو ے پرچین کاسخت ردعمل
چینی تھنک ٹینک “چارہار انسٹیٹیوٹ” کے سینیئر ریسرچ فیلو پروفیسر چِنگ شی ژونگ نے بھارتی فضائیہ کے سربراہ ایئر چیف مارشل امر پریت سنگھ کے پاکستانی طیارے گرانے کے دعوے کو بے بنیاد قرار دے دیا ہے۔
بھارتی ایئر چیف کا دعویٰ
ایئر چیف مارشل امر پریت سنگھ نے مئی 2022 کے اوائل میں “آپریشن سندور” کے دوران بھارت کے 5 پاکستانی جنگی طیارے اور ایک بڑا جہاز مار گرانے کا دعویٰ کیا تھا۔ تاہم، پروفیسر چِنگ شی ژونگ نے اس دعوے کو “بے بنیاد” اور “مضحکہ خیز” قرار دیتے ہوئے کہا کہ بھارتی حکام نے اپنے دعوے کے حق میں کوئی ٹھوس ثبوت پیش نہیں کیے۔
ثبوت کی عدم موجودگی
پروفیسر چِنگ نے کہا کہ بھارتی حکام نے طیاروں کے ملبے کی تصاویر یا ریڈار مانیٹرنگ ڈیٹا جیسے ثبوت فراہم نہیں کیے، جب کہ پاکستان نے بھارتی طیاروں کو مار گرانے کے حوالے سے تفصیلی اور مستند شواہد پیش کیے تھے۔ ان کے مطابق، بھارتی فضائیہ کے سربراہ کے بیانات “خود ساختہ تفریح” کے سوا کچھ نہیں ہیں۔
پاکستان کے شواہد
پروفیسر چِنگ نے کہا کہ تین ماہ گزر جانے کے باوجود بھارت پاکستان کے طیارے مار گرائے جانے کے کوئی شواہد فراہم نہیں کر سکا۔ اس کے برعکس، پاکستان نے جھڑپ کے فوراً بعد بین الاقوامی میڈیا کو تفصیلی تکنیکی رپورٹ فراہم کی، جس میں بھارتی طیاروں کے مار گرائے جانے کے شواہد شامل تھے۔
بین الاقوامی تصدیق
پروفیسر چِنگ نے یہ بھی بتایا کہ عالمی رہنما، بھارتی سیاستدان اور غیر ملکی انٹیلی جنس رپورٹس نے اس بات کی تصدیق کی ہے کہ بھارت کو متعدد طیاروں کا نقصان ہوا۔ اس کے برخلاف، پاکستان نے 6 بھارتی جنگی طیارے مار گرانے کے علاوہ بھارت کے ایس-400 فضائی دفاعی نظام کی پوزیشنوں کو بھی تباہ کیا، جو ایک ناقابلِ تردید حقیقت ہے۔
چینی تھنک ٹینک نے بھارتی ایئر چیف کے دعوے کو صرف جھوٹ اور حقیقت سے دور قرار دیا ہے، جبکہ پاکستان کے موقف کو عالمی سطح پر تسلیم کیا جا چکا ہے۔
کارگو کمپنیوں کے ذریعے موبائل فون سمگلنگ میں ملوث نیٹ ورک پکڑا گیا، 2 ملزمان گرفتار