نوشکی میں 4 افراد کی گولیاں لگی لاشیں برآمد، تعلق پنجاب سے تھا
اشاعت کی تاریخ: 13th, May 2025 GMT
کوئٹہ:
بلوچستان کے علاقے نوشکی سے چار افراد کی گولیاں لگی لاشیں برآمد ہوئی ہیں، مقتولین کا تعلق پنجاب سے بتایا جارہا ہے۔
تفصیلات کے مطابق نوشکی گلنگور کے علاقے سے چار افراد کی نعشیں برآمد ہوئیں جن کی اطلاع ملنے پر پولیس اور دیگر قانون نافذ کرنے والے اداروں کی نفری وقوعہ پر پہنچی۔
لیویز فورس نے مقتولین کی لاشوں کو ٹیچنگ اسپتال منتقل کیا جہاں اُن کی شناخت غلام مظفیِ حذیفہ، عمران اور عرفان کے ناموں سے ہوئی۔ دو ، دو مقتولین آپس میں بھائی تھے اور دو کا تعلق پاکپتن، رحیم یار خان سے تھا۔
بلوچستان حکومت کے ترجمان شاہد رند نے واقعے کی تصدیق کرتے ہوئے اسے بربریت قرار دیا اور واقعے کی شدید الفاظ میں مذمت کی۔ انہوں نے کہا کہ قاتلوں کو قانون کے کٹہرے میں لایا جائے گا اور ملزمان کی گرفتاری کیلیے حکومت تمام وسائل بروئے کار لارہی ہے۔
انہوں نے کاہ کہ بلوچستان میں امن کے دشمنوں کو ہرگز معاف نہیں کیا جائے گا، قتل کا یہ سفاک واقعہ انسانیت سوز اور قابل افسوس ہے۔
.ذریعہ: Express News
پڑھیں:
آزاد کشمیر سے تعلق رکھنے والی پاکستانی کرکٹر نتالیہ پرویز کے تعارف پر بھارتی میڈیا کا پروپیگنڈا شروع
data-id="863a0a8" data-element_type="widget" data-widget_type="theme-post-content.default">
کولمبو: آئی سی سی ویمن ون ڈے ورلڈکپ کے تیسرے میچ میں پاکستانی بیٹر نتالیہ پرویز کے تعارف پر بھارت نے نیا تنازع کھڑا کردیا۔ معاملہ اس وقت شروع ہوا جب سابق کپتان اور کمنٹیٹر ثنا میر نے میچ کے دوران نتالیہ پرویز کا تعلق آزاد کشمیر سے بتایا، جس پر بھارتی میڈیا نے شدید ردعمل ظاہر کیا۔
بنگلہ دیش اور پاکستان کے درمیان کولمبو میں کھیلے گئے میچ کے دوران انٹرنیشنل کرکٹ کونسل (آئی سی سی) کی جانب سے کمنٹری کے فرائض انجام دیتے ہوئے ثنا میر نے کہا کہ قومی بیٹر نتالیہ پرویز آزاد کشمیر سے تعلق رکھتی ہیں۔
یہ جملہ بھارتی میڈیا پر ’’ایٹم بم‘‘ ثابت ہوا اور مختلف ٹی وی چینلز نے اسے تنازع میں بدلنے کی کوشش کی۔ بھارتی اینکرز نے آئی سی سی سے ثنا میر کے خلاف کارروائی کا مطالبہ بھی کیا۔
دوسری جانب ثنا میر نے فوٹو اور ویڈیو شیئرنگ کی ایپلیکیشن انسٹاگرام پر جاری بیان میں وضاحت دی کہ کھلاڑیوں کے تعارف میں ان کے آبائی علاقے کا ذکر کرنا کمنٹری کا حصہ ہے، جیسا کہ دیگر دو ریجنز کی کھلاڑیوں کے حوالے سے بھی بتایا گیا۔
ثنا میر نے مزید کہا کہ افسوس کی بات ہے کہ اس معاملے کو غیر ضروری طور پر سیاسی رنگ دیا جارہا ہے، حالانکہ مقصد صرف کھلاڑی کے سفر اور مشکلات کو اجاگر کرنا تھا۔
سابق کرکٹر نے کہا کہ کھیل کو سیاست سے دور رکھا جانا چاہیے اور غیر ضروری دباؤ کھیل سے وابستہ افراد پر نہیں ڈالنا چاہیے۔ ان کے مطابق کسی کے جذبات کو ٹھیس پہنچانا ہرگز مقصد نہیں تھا۔
واضح رہے کہ نتالیہ پرویز کا تعلق آزاد کشمیر کے ضلع بھمبر کی وادی بنڈالہ سے ہے، اور وہ کئی مواقع پر پاکستان ویمن ٹیم کی نمائندگی کر چکی ہیں۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ