کامیاب معرکہ ’بنیان مرصوص‘، افواج پاکستان کو خراج تحسین پیش کرنے کے لیے راولپنڈی میں جلسہ
اشاعت کی تاریخ: 13th, May 2025 GMT
بھارتی جارحیت کے خلاف ’آپریشن بنیان مرصوص‘ کی کامیابی پر راولپنڈی میں افواج پاکستان کو خراج تحسین پیش کرنے کیلئے عظیم الشان جلسے کا انعقاد کیا گیا ہے، جلسے کو کامیاب بنانے میں کمشنر اور ڈپٹی کمشنر راولپنڈی نے اہم کردار ادا کیا۔
یہ بھی پڑھیں: پنجاب: اسکولوں میں آپریشن بنیان مرصوص کی کامیابی پر پاک فوج سے اظہار یکجہتی
جلسے میں مختلف شعبہ ہائے زندگی سے تعلق رکھنے والی ممتاز شخصیات نے شرکت کی،جلسے میں ریٹائرڈ فوجی افسران، علما کرام، وکلا، سیاسی قائدین، صحافی، نوجوان اور عوام الناس نے بڑی تعداد میں شرکت کی، شرکا نے ہاتھوں میں قومی پرچم تھامے افواج پاکستان سے مکمل یکجہتی اور حمایت کا عہد دہرایا۔
جلسے سے خطاب میں مقررین کا کہنا تھا کہ ’یہ محض ایک جلسہ نہیں بلکہ دشمن کو واضح پیغام ہے کہ پاکستانی قوم اور اس کی افواج اپنے دفاع کے لیے ہردم تیار ہیں، ہم اس جلسے میں اپنی عظیم مسلح افواج کو بھارت جارحیت پر دندان شکن جواب دینے پر خراج تحسین پیش کرتے ہیں، ’معرکہ حق‘ محض ایک فوجی کارروائی نہیں بلکہ ایک قومی پیغام تھا کہ ہم دفاع وطن پر کبھی سمجھوتہ نہیں کریں گے۔‘ دن کے اجالے میں بھارتی جارحیت کا جواب دیکر پاکستان نے واضح کیا کہ وہ اپنے تحفظ کیلئے کسی حدتک بھی جاسکتا ہے۔
یہ بھی پڑھیں: آپریشن بنیان المرصوص کی کامیابی پر زندہ دلان لاہور کی افواج پاکستان سے اظہار یکجہتی کے لیے ریلی
جلسے کے شرکا نے قومی ترانوں کے ساتھ وطن سے وفاداری کا اظہار کیا اور آخر میں اجتماعی دعا کے ساتھ جلسے کا اختتام ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news افواج پاکستان بھارت پاکستان جلسہ راولپنڈی معرکہ بنیان مرصوص معرکہ حق.ذریعہ: WE News
کلیدی لفظ: افواج پاکستان بھارت پاکستان راولپنڈی معرکہ بنیان مرصوص معرکہ حق افواج پاکستان بنیان مرصوص کے لیے
پڑھیں:
تکفیریت، فرقہ واریت، دہشتگردی کیخلاف متحد و بیدار ہیں، متحدہ علماء محاذ
اجلاس میں علماء مشائخ نے کہا کہ پاک ایران مستحکم تعلقات، و تجارت خوش آئند اور استعماری قوتوں کیخلاف وقت کی اہم ترین ضرورت ہے، امن معاہدے کے باوجود فلسطین پر مسلسل اسرائیلی جارحیت معنیٰ خیز اور امریکی صدر وثالثی قوتوں کیلئے کھلا چیلنج اور سوالیہ نشان ہے۔ اسلام ٹائمز۔ متحدہ علماء محاذ کے زیر اہتمام بانی سربراہ مولانا محمد امین انصاری کی زیر صدارت ملک کی موجودہ صوتحال اور فلسطین کشمیر سمیت افواج پاکستان سے اظہار یکجہتی کیلئے منعقدہ اجلاس میں علماء مشائخ نے کہا ہے کہ تکفیریت، فرقہ واریت، دہشتگردی کیخلاف متحد و بیدار ہیں، ملکی امن و سلامتی پر آنچ نہیں آنے دینگے، بھارتی جارحیت، فتنہ خوارج افغانستان کے خلاف افواج پاکستان کے شانہ بشانہ ہیں، پاک ایران مستحکم تعلقات، و تجارت خوش آئند اور استعماری قوتوں کیخلاف وقت کی اہم ترین ضرورت ہے، امن معاہدے کے باوجود فلسطین پر مسلسل اسرائیلی جارحیت معنیٰ خیز اور امریکی صدر وثالثی قوتوں کیلئے کھلا چیلنج اور سوالیہ نشان ہے، حکومت پاکستان کو قائداعظم کے نظریہ و افکار کی روشنی میں فلسطین پر اسرائیلی جارحیت کیخلاف بھرپور قوت کا مظاہرہ کرنا چاہیئے۔
اس موقع پر ممتاز عالم دین مولانا مفتی محمد ہاشم سندھی کو متحدہ علماء محاذ صوبہ سندھ کا سیکریٹری جنرل مقرر کئے جانے کا اعلان کیا گیا اور امن و وحدت کے فروغ کیلئے متحدہ علماء محاذ کی جدوجہد کو مزید تیز ،منظم و فعال کرنے کا عزم کیا گیا۔ اجلاس سے علامہ عبدالخالق فریدی سلفی، علامہ سید سجاد شبیر رضوی، مولانا مفتی محمد ہاشم سندھی،حاجی خداداد خان کاکڑ، مولانا پیر حافظ گل نواز خان ترک، دلاور خان کاکڑ شازلی، احتشام بیگ، مولانا عبدالرحمن سلفی کے پوتے مولانا زھیر سلفی، حافظ دلبر خان کاکڑ، مولانا فہید الحق پشاوری نے شرکت کی اور اپنے خیالات کا اظہار کیا۔ اس موقع پر ملکی امن و استحکام، فلسطین کشمیر و افواج پاکستان کیلئے خصوصی دعا کی گئی۔
وزیراعظم شہباز شریف سے مسلم لیگ (ق) وفد کی ملاقات، 27ویں آئینی ترمیم پر مشاورت