پہلگام حملے کی تحقیقات سے قبل بھارت پاکستان پر حملہ کے عالمی قوانین کی خلاف ورزی کا مرتکب
اشاعت کی تاریخ: 13th, May 2025 GMT
بھارت نے پہلگام حملے کی تحقیقات مکمل ہونے سے قبل پاکستان پر حملہ کرکے بین الاقوامی قوانین کی سنگین خلاف ورزی کی۔
آج ایک سوال کے جواب میں وزارت خارجہ کے ترجمان رندھیر جیسوال نے کہاکہ 22 اپریل کو پہلگام میں ہونے والے حملے کی تحقیقات ابھی جاری ہیں۔
یہ بھی پڑھیں پاک بھارت کشیدگی: عالمی سطح پر چینی جنگی ہتھیاروں کی مانگ میں اضافہ
بھارت نے اپنی تحقیقات کے نتائج کا انتظار کیے بغیر 6 سے 10 مئی کے درمیان پاکستان پر سینکڑوں سپرسونک میزائل اور ملٹری ڈرون فائر کردیے، جو بین الاقوامی قوانین کی سنگین خلاف ورزی ہے۔
واضح رہے کہ 6 اور 7 مئی کی درمیانی شب بھارت نے پاکستان کے مختلف شہروں پر میزائلوں سے حملہ کیا، جس کے جواب میں پاکستان نے فوری جوابی کارروائی کرتے ہوئے دشمن ملک کے 5 جنگی جہاز تباہ کردیے تھے۔
بھارت کی جانب سے اس کے بعد بھی کارروائی جاری رکھی گئی، اور پاکستان پر ڈرونز کے ذریعے حملے کرنے شروع کردیے۔
10 مئی کی رات کو بھارت نے پاکستان کے 3 ایئربیسز کو نشانہ بنانے کی کوشش کی جسے ناکام بنانے کے بعد پاکستان نے بھارت پر جوابی حملہ کردیا۔
پاک فوج نے اسی رات فجر کی نماز کے بعد ’بنیان مرصوص‘ کے نام سے آپریشن شروع کرتے ہوئے بھارت میں گھس کر کارروائیاں کرتے ہوئے دشمن کی فوجی تنصیبات کو نشانہ بنایا، جبکہ ایک اور جنگی جہاز بھی تباہ کردیا گیا۔
پاک فوج کی اس کارروائی کے بعد امریکی صدر ڈونلڈ ٹرمپ میدان میں آگئے اور دونوں ملکوں کے درمیان سیز فائر کرا دیا۔
یہ بھی پڑھیں پاکستان کے ہاتھوں رافیل گرنے کا بھارتی اعتراف، فرانسیسی کمپنی کے شیئرز مزید گرگئے
ڈی جی آئی ایس پی آر لیفٹیننٹ جنرل احمد شریف چوہدری نے پریس کانفرنس کے دوران بتایا تھا کہ پاکستان نے سیز فائر کی کوئی درخواست نہیں کی، یہ بھارت کی خواہش پر ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بھارت پاک بھارت کشیدگی پاکستان بھارت جنگ پہلگام حملہ تحقیقات کے نتائج خلاف ورزی عالمی قانون وی نیوز.ذریعہ: WE News
کلیدی لفظ: بھارت پاک بھارت کشیدگی پاکستان بھارت جنگ پہلگام حملہ تحقیقات کے نتائج خلاف ورزی عالمی قانون وی نیوز پاکستان پر خلاف ورزی بھارت نے کے بعد
پڑھیں:
آئرلینڈ کی اسرائیل پر تنقید، غزہ فلوٹیلا پر حملہ بین الاقوامی بحری قوانین کیخلاف ورزی قرار
data-id="863a0a8" data-element_type="widget" data-widget_type="theme-post-content.default">
ڈبلن :آئرلینڈ کے وزیراعظم (تاؤسیخ) میہل مارٹن نے غزہ کی جانب امداد لے جانے والےگلوبل صمود فلوٹیلا پر اسرائیلی حملے کو سخت تنقید کا نشانہ بناتے ہوئے اسے بین الاقوامی بحری قوانین کی کھلی خلاف ورزی قرار دیا ہے۔
بین الاقوامی میڈیا رپورٹس کے مطابق آئرلینڈ کے وزیراعظم نے کہا کہ اگر یہ حملہ بین الاقوامی پانیوں میں کیا گیا ہے تو یہ یقیناً عالمی قانون کی سنگین خلاف ورزی ہے۔
وزیراعظم مارٹن کا کہنا تھا کہ یہ مشن خالصتاً انسانی بنیادوں پر تھا جس سے کسی کو کوئی خطرہ نہیں تھا، اس کا مقصد صرف غزہ کے عوام تک امداد پہنچانا اور دنیا کو ان کی حالتِ زار کی طرف متوجہ کرنا تھا، غزہ میں فوری طور پر انسانی ہمدردی کی امداد پہنچانا وقت کی اہم ترین ضرورت ہے۔
انہوں نے مزید کہا کہ آئرش شہریوں سمیت تمام گرفتار کارکنوں کو قونصلر مدد فراہم کی جائے گی اور یہ نہایت اہم ہے کہ انہیں انسانی وقار کے مطابق برتاؤ ملے۔
خیال رہےکہ فلوٹیلا منتظمین کے مطابق اسرائیلی بحریہ نے غزہ جانے والے بین الاقوامی قافلے پر حملہ کرکے کم از کم 223 کارکنوں کو گرفتار کیا، جن کا تعلق مختلف ممالک سے تھا،گلوبل صمود فلوٹیلا نے امریکی سوشل میڈیا پلیٹ فارم انسٹاگرام پر ان کارکنوں کے نام اور قومیتوں کی تفصیلات جاری کیں۔ گرفتار کارکنوں میں اسپین، اٹلی، برازیل، ترکی، یونان، امریکا، جرمنی، سویڈن، برطانیہ اور فرانس سمیت متعدد ممالک کے شہری شامل ہیں۔
یاد رہے کہ غزہ گزشتہ 18 برس سے اسرائیلی محاصرے میں ہے اور مارچ 2025 میں اسرائیل نے ناکہ بندی کو مزید سخت کرتے ہوئے سرحدی گزرگاہیں بند کر دی تھیں۔ اس اقدام نے خوراک اور ادویات کی ترسیل روک کر علاقے میں بھوک اور بیماریوں کو خطرناک حد تک بڑھا دیا ہے۔ اقوام متحدہ اور انسانی حقوق کی تنظیمیں بارہا خبردار کر چکی ہیں کہ غزہ تیزی سے ناقابلِ رہائش خطہ بنتا جا رہا ہے۔
’بلوچ یکجہتی کمیٹی‘ کس طرح دہشتگردوں کی پشت پناہی کر رہی ہے؟ آئی آئی سی آر کی ہوشربا رپورٹ