بانی پی ٹی آئی کے حکم پر جنید اکبرپبلک اکائو نٹس کمیٹی کی چیئرمین شپ سے مستعفی
اشاعت کی تاریخ: 14th, May 2025 GMT
اسلام آباد (نوائے وقت رپورٹ) پاکستان تحریک انصاف کے رہنما جنید اکبر نے پبلک اکاؤنٹس کمیٹی کی چیئرمین شپ سے استعفیٰ دے دیا۔جنید اکبر نے اپنا تحریری استعفیٰ پی ٹی آئی کے چیئرمین گوہر علی خان کے حوالے کیا، انہوں نے پبلک اکاؤنٹس کمیٹی کی سربراہی کے دوران متعدد اہم حکومتی محکموں اور منصوبوں کی آڈٹ رپورٹس پر کارروائی کی تھی اور کرپشن کے متعدد کیس اجاگر کئے تھے۔اس حوالے سے جنید اکبر نے استعفیٰ کی تصدیق کرتے ہوئے کہا کہ میرے لیے عہدے کوئی اہمیت نہیں رکھتے، پارٹی قائد کا حکم ہوا تو چیئرمین پی ٹی ا?ئی بیرسٹر گوہر خان کو استعفیٰ دے دیا۔علاوہ ازیں بیرسٹر گوہر نے سپیکر قومی اسمبلی سردار ایاز صادق سے ملاقات کی اور پی اے سی کے عہدے سے استعفیٰ پر تبادلہ خیال کیا۔
.ذریعہ: Nawaiwaqt
پڑھیں:
مصر: عمارت میں آتشزدگی سے متعدد افراد ہلاک‘ درجنوں زخمی
data-id="863a0a8" data-element_type="widget" data-widget_type="theme-post-content.default">
قاہرہ: مصر میں ایک عمارت آتشزدگی کے باعث منہدم ہو گئی۔ جس میں متعدد افراد ہلاک اور درجنوں افراد کے زخمی ہونے کی اطلاعات بھی ہیں۔
غیر ملکی میڈیا کی رپورٹ کے مطابق مصر میں ایک عمارت آتشزدگی کی وجہ سے منہدم ہو گئی، جس کے نتیجے میں 11 افراد ہلاک اور 33 زخمی بھی ہو گئے ہیں، جہاں ہلاکتوں میں مزید اضافے کے خدشات بھی پائے جاتے ہیں۔ نیوز ایجنسی کی رپورٹ کے مطابق مذکورہ واقعہ قاہرہ سے تقریباً 103 کلومیٹر شمال میں صوبہ غربیہ میں واقع محلہ ٹیکسٹائل مینوفیکچرنگ کپڑے رنگنے کے کارخانے کی دوسری منزل پر پیش آیا۔
حکام کے مطابق مذکورہ خطرناک واقعہ شارٹ سرکٹ کی وجہ سے بوائلر پھٹنے کے باعث پیش آیا ہے۔ حکام کی ابتدائی رپورٹ کے مطابق آتشزدگی کی وجہ سے عمارت منہدم ہوگئی تھی، جس میں متعدد افراد کی اموات ملبے تلے دبنے کے باعث ہوئیں۔
ڈیپ سیک کا سیاست سے دور رہ کر کام کرنے والا ورژن متعارف