بنگلادیش خطے میں استحکام چاہتا ہے، ہائی کمشنر محمد اقبال حسین
اشاعت کی تاریخ: 14th, May 2025 GMT
— فائل فوٹو
پاکستان میں بنگلادیش کے ہائی کمشنر محمد اقبال حسین نے کہا ہے کہ بنگلادیش خطے میں استحکام چاہتا ہے، امید ہے ڈائیلاگ سے خطے میں امن اور استحکام آئے گا۔
لاہور پریس کلب میں میڈیا سے گفتگو کرتے ہوئے محمد اقبال حسین نے کہا کہ پاکستان اور بنگلادیش کے درمیان پچھلے 15 سال کے دوران تعلقات بہتر نہیں رہے۔
محمد اقبال حسین نے کہا کہ پاکستان اور بنگلادیش کے درمیان تعلقات اب معمول پر آ رہے ہیں، دونوں ممالک کے عوام ایک دوسرے سے پیار کرتے ہیں۔
انہوں نے کہا کہ لاہور، کراچی اور پاکستان کے دیگر شہروں میں گرمجوشی دیکھی ہے، دونوں ممالک کے درمیان تجارت کے شعبے میں تعلقات کو فروغ دیا جاسکتا ہے۔
محمد اقبال حسین نے کہا کہ آبادی میں اضافہ جنوبی ایشیائی خطے کا سب سے بڑا مسئلہ ہے۔
.ذریعہ: Jang News
کلیدی لفظ: محمد اقبال حسین نے کہا نے کہا کہ
پڑھیں:
پاکستان کی سلامتی و استحکام کیلئے ریاست اور فوج کے ساتھ: علماء مشائخ
لاہور (خصوصی نامہ نگار) ملک کے تمام مکاتب فکر کے علماء و مشائخ نے وطن عزیز کی سلامتی و استحکام اور فرقہ وارانہ تشدد و انتہا پسندی کے خاتمے کیلئے حکومت سے تعاون کا اعلان کرتے ہوئے کہا ہے کہ پاکستان کی سلامتی و استحکام کے لئے ہم ریاست و افواج پاکستان کے شانہ بشانہ کھڑے ہیں۔ انتہا پسندانہ و متشدد رویوں کے خاتمے کیلئے کل بھی مدارس و مساجد نے کردار ادا کیا اور آئندہ بھی کرتے رہیں گے۔ پیغام پاکستان کے نفاذ کیلئے ہر سطح پر عملی اقدامات کرنے کی ضرورت ہے۔ مساجد و مدارس کا تحفظ ماضی میں بھی کیا ہے ، اب بھی کریں گے۔ انہوں نے ان خیالات کا اظہار لاہور کے مقامی ہوٹل میں چیئرمین پاکستان علماء کونسل حافظ محمد طاہر محمود اشرفی کی زیر صدارت علماء و مشائخ کنونشن سے خطاب کرتے ہوئے کیا۔ حافظ طاہر اشرفی نے کہا کہ پاکستان میں موجود اتحاد بین المسلمین کی فضا سے کسی کو کھیلنے نہیں دیں گے۔ فرقہ وارانہ فسادات کی غرض سے دشمن نے جو پروپیگنڈا مہم شروع کی ہے اسے تمام مکاتب فکر کے علماء باہمی اتحاد سے ناکام بنائیں گے۔ حکومت کسی مدرسے یا مسجد کو بند نہیں کر رہی اور نہ ہی پچیس ہزار روپے کی وظیفے سے علماء کرام کو خریدا جا سکتا۔ حکومت کسی کو زبردستی یہ وظیفہ نہیں دے رہی اگر کوئی لینا چاہتا ہے تو یہ اس کی اپنی مرضی پر منحصر ہے۔ مساجد و مدارس سے اللہ اور اس کے رسول کے نام کی صدائیں بلند ہوتی ہیں اور قیامت تک ہوتی رہیں گی۔ مدارس کے 15 وفاق ہیں ہر مدرسہ کو آزادی ہے کہ ہو جس کو چاہے اختیار کرے۔ انہوں نے کہاکہ افغانستان ہمارا بھائی ہے۔ لیکن اس کے بدلے ہمیں دہشت گردی اور خود کش دھماکے ملے۔ وہ افغان وزراء جو پاکستان میں پلے ،بڑھے اور یہاں تعلیم حاصل کرتے رہے وہ آج بھارت کی شہ پر پاکستان کے خلاف اشتعال انگیز بیانات دے رہے ہیں، باقاعدہ بھارت کی پراکسی کا حصہ بن گئے ہیں انہیں ہوش کے ناخن لینے چاہئیں، افغانستان سے دہشت گردی کا سلسلہ بند نہ ہوا تو افواج پاکستان وطن کا دفاع کرنا جانتی ہے، پاکستان کی فوج ایمان ، تقویٰ ، جہاد فی سبیل اللہ والی فوج ہے۔ پوری قوم بالخصوص علماء و مشائخ فاتح فیلڈ مارشل جنرل حافظ سید عاصم منیر اور افواج پاکستان کے ساتھ کھڑے ہیں۔ نہ ابراہام اکارڈ کو تسلیم کیا نہ اسرائیل کو تسلیم کر رہے ہیں۔
پاک روس سیکیورٹی مشاورتی اجلاس، علاقائی امن و تعاون پر گفتگو