9 مئی واقعات: کیسز کو تیزی سے نمٹانے کیلئے انسداد دہشتگردی عدالتوں کا بڑا فیصلہ
اشاعت کی تاریخ: 14th, May 2025 GMT
لاہور کی انسداد دہشت گردی کی عدالتوں میں زیرسماعت 9 مئی واقعات کے کیسز کو تیزی سے نمٹانے کے لیے ہفتے میں 4 دن سماعت کا فیصلہ کرلیا گیا۔
سانحہ 9 مئی کے مقدمات کا جلد فیصلہ کرنے کے لیے ہفتے میں 4 دن جیل ٹرائل کرنے کا فیصلہ کرلیا گیا۔
لاہور کی انسداد دہشت گردی کی خصوصی عدالت کے ایڈمن جج منظر علی گل نے 9 مئی کے کیسز کو جلد نمٹانے کے لیے باقاعدہ نوٹیفکیشن جاری کردیا۔
نوٹیفکیشن کے مطابق جناح ہاؤس حملہ، عسکری ٹاور حملہ اور تھانہ شادمان نذر آتش سمیت 14 مقدمات کا جیل ٹرائل جاری ہے، اب منگل ، بدھ، جمعرات اور ہفتے کے دن جیل ٹرائل ہوا کریں گے۔
نوٹیفکیشن میں کہا گیا کہ اے ٹی سی کورٹ نمبر ایک میں 8 اور اے ٹی سی کورٹ نمبر 3 میں 6 مقدمات کا ٹرائل جاری ہے۔
ایڈمن جج منظرعلی گل کے مطابق 9 مئی کے مقدمات کا جلد ٹرائل مکمل کیا جائے گا، جناح ہاؤس حملہ ، عسکری ٹاور اور تھانہ شادمان نذر آتش سمیت 8 مقدمات کا ٹرائل کورٹ نمبر ون میں جاری ہے۔
مسلم لیگ ن کا آفس جلانے اور شیر پاؤ پل تقاریر و جلاؤ گھیراؤ اور کلمہ چوک پر کنٹینر جلانے کے مقدمات کا ٹرائل کورٹ نمبر 3 کر رہی ہے۔
مقدمات میں پراسیکیوشن کے گواہان کی شہادت ریکارڈ کرائی جا رہی ہے اور شہادت مکمل ہونے پر فیصلے ہوں گے۔
عدالت نے مقدمات میں پی ٹی آئی رہنماؤں پر فرد جرم عائد کر رکھی ہے، ان مقدمات میں عالیہ حمزہ ، خدیجہ شاہ اور صنم جاوید سمیت دیگر برضمانت ملزمان نامزد ہیں جبکہ پی ٹی آئی رہنماؤں پر کارکنان کو 9 مئی بغاوت اور فسادات پر اکسانے کا الزام ہے۔
دوسری جانب پاکستان تحریک انصاف کے وائس چیئرمین شاہ محمود قریشی سمیت کوٹ لکھپت جیل میں قید پی ٹی آئی رہنماؤں نے 9 مئی کیسز کی آج کی عدالتی کارروائی سے لاتعلقی کا اظہار کردیا۔
پی ٹی آئی رہنما شاہ محمود قریشی، اعجاز چوہدری، محمود الرشید، یاسمین راشد اور عمر سرفراز چیمہ نے جیل سے خط لکھ دیا۔
خط میں تحریر کیا کہ ہم اس وقت تک عدالتی کارروائی سے اظہارِ لا تعلقی کرتے ہیں، جب تک 9 مئی کے گواہان کو ملزمان اور وکلا سے سامنے گواہی کے لیے نہیں بلایا جاتا۔
خط میں کہا گیا کہ ہمارا مطالبہ فئیر ٹرائل ہے، نا انصافی سے حالات بگڑیں گے اور یکجہتی کی فضا پارہ پارہ ہو جائے گی، کل اے ٹی سی میں پیش آنے والے واقعے نے انصاف کے تابوت میں آخری کیل ٹھونک دیا ہے، کل مختلف مقدمات میں جھوٹی سازش میں جھوٹے گواہ پیش کیے گئے۔
خط میں مزید کہا گیا کہ وکلا اور ملزمان کے جانے کے بعد 2 اسٹار گواہان نے پیش ہوکر گواہی دی، ان گواہان کی گواہی عدالتی تاریخ کی سب سے بڑی نا انصافی ہے، ہمارا عدالتوں پر پہلے ہی اعتماد متزلزل تھا، اب رہتی کسر بھی ختم ہو گئی ہے، یہ وہی سٹار گواہ ہیں جن کے باعث پی ٹی آئی قیادت 2 سال سےکال کوٹھریوں میں قید ہے۔
Post Views: 6.ذریعہ: Daily Mumtaz
کلیدی لفظ: مقدمات میں مقدمات کا کورٹ نمبر پی ٹی ا ئی کے لیے مئی کے
پڑھیں:
عدالتوں پر حملہ پاکستان پر وار، دہشتگردی کے معاملے پر سیاست نہیں کی جائےگی، بیرسٹر گوہر
چیئرمین پاکستان تحریک انصاف (پی ٹی آئی) بیرسٹر گوہر نے کہا ہے کہ دہشتگردی کے معاملے میں کوئی سیاست نہیں کی جائےگی۔
مزید پڑھیں: اسلام آباد کچہری کے باہر خودکش دھماکا، 12 افراد جاں بحق، متعدد زخمی
اسلام آباد میں صحافیوں سے بات چیت کرتے ہوئے انہوں نے کہاکہ عدالتوں پر حملہ دراصل پورے پاکستان پر حملہ ہے اور وہ تمام سیکیورٹی اداروں کو یقین دلاتے ہیں کہ دہشتگردی کے موضوع پر سیاست نہیں ہوگی۔
بیرسٹر گوہر کا اسلام آباد خودکش دھماکے کے مقام کا دورہ pic.twitter.com/DD1a5yUFee
— PTI (@PTIofficial) November 11, 2025
بیرسٹر گوہر نے مزید کہاکہ دشمن نے ہماری عبادت گاہوں اور عدالتی اداروں کو نشانہ بنایا، اور جہاں بھی دھماکہ ہوگا اسے پاکستان پر حملہ تصور کیا جائے گا۔
انہوں نے یہ بھی کہاکہ جس طرح مئی 2025 میں دشمن کو شکست کا سامنا کرنا پڑا تھا، اسی طرح اس بار بھی دشمن کو ناکامی ہوگی۔
واضح رہے کہ اسلام آباد کی ضلعی کچہری کے باہر خود کش دھماکا ہوا ہے، جس کے نتیجے میں 12 افراد شہید اور متعدد زخمی ہوگئے ہیں۔
مزید پڑھیں: اسلام آباد میں بھارت نواز اور افغان طالبان کی پشت پناہی کے حامل فتنہ الخوارج کا خودکش دھماکا
اس کے علاوہ گزشتہ روز کیڈٹ کالج وانا میں خود کش حملہ ناکام بناتے ہوئے سیکیورٹی فورسز نے 2 دہشتگردوں کو ہلاک کردیا، جبکہ کالج کی عمارت میں موجود 3 دہشتگردوں کو محصور کرکے ان کے خلاف آپریشن جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام آباد دھماکا بیرسٹر گوہر چیئرمین پی ٹی آئی دہشتگردی ناسور وی نیوز
وزیراعظم سے ترک وزیر داخلہ کی ملاقات، مضبوط اور برادرانہ تعلقات کا اعادہ