مظفرآباد: لطیف اکبر کی قیادت میں افواج پاکستان سے اظہار یکجہتی کے لیے ریلی
اشاعت کی تاریخ: 14th, May 2025 GMT
پاکستان پیپلز پارٹی آزاد کشمیر کی جانب سے دارالحکومت مظفرآباد سے لائن آف کنٹرول چکوٹھی تک پاک فوج سے اظہارِ تشکر و یکجہتی کے لیے ریلی کا انعقاد کیا گیا، جس کی قیادت پارٹی کے مرکزی رہنما اور اسپیکر قانون ساز اسمبلی چوہدری لطیف اکبر نے کی۔
ریلی میں ممبران اسمبلی سید بازل علی نقوی اور جاوید ایوب سمیت عوام کی بڑی تعداد شریک ہوئی۔ شرکا نے بینرز اور پلے کارڈز اٹھا رکھے تھے جن پر پاک فوج کے حق میں نعرے درج تھے۔ مظفرآباد سے چکوٹھی تک کے سفر میں شرکا وطن سے محبت اور فوج سے عقیدت کے جذبات سے سرشار نظر آئے۔
چکوٹھی پہنچ کر ریلی ایک جلسے میں تبدیل ہوگئی، جہاں مقررین نے آپریشن ’بنیان مرصوص‘ کی شاندار کامیابی پر افواج پاکستان کو خراج تحسین پیش کیا۔
ریلی کے اختتام پر چکوٹھی میں اسپیکر لطیف اکبر اور دیگر وزرا نے فوجی جوانوں کو گلدستے پیش کیے اور ان پر پھولوں کی پتیاں نچھاور کیں۔
وطنِ عزیز کے دفاع میں پاک فوج کا کردار قابلِ فخر ہے، چوہدری لطیف اکبراس موقع پر اسپیکر اسمبلی چوہدری لطیف اکبر نے خطاب کرتے ہوئے کہاکہ وطنِ عزیز کے دفاع میں پاک فوج کا کردار قابلِ فخر ہے۔ پوری قوم اپنی بہادر افواج کے شانہ بشانہ کھڑی ہے۔ اگر بھارت نے دوبارہ کوئی مذموم حرکت کی تو قوم اور افواج متحد ہو کر اس سے بھی سخت جواب دیں گے۔
انہوں نے کہاکہ پاکستان اور بھارت کے درمیان پائیدار امن کے لیے ضروری ہے کہ مسئلہ کشمیر کو بنیاد بنا کر بامقصد مذاکرات کا آغاز کیا جائے اور کشمیری قیادت کو ان میں شامل کیا جائے۔
چوہدری لطیف اکبر نے عالمی برادری سے مطالبہ کیاکہ وہ خطے میں امن کے لیے دونوں ایٹمی ممالک کے درمیان ثالثی کا کردار ادا کرے۔
انہوں نے چیئرمین پیپلز پارٹی بلاول بھٹو زرداری کی عالمی سطح پر پاکستان کے مؤقف کو مؤثر انداز میں اجاگر کرنے پر انہیں خراج تحسین پیش کرتے ہوئے کہاکہ بلاول بھٹو نے عالمی میڈیا کے ذریعے پاکستان کا روشن چہرہ دنیا کے سامنے پیش کیا۔
چکوٹھی میں ریلی کے اختتام پر فضا ’پاکستان زندہ آباد‘، ’افواج پاکستان زندہ آباد‘، اور ’چیف آف آرمی سٹاف جنرل عاصم منیر زندہ آباد‘ کے جذباتی نعروں سے گونج اٹھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسپیکر اسمبلی اظہار یکجہتی ریلی افواج پاکستان لطیف اکبر مظفرآباد وی نیوز.ذریعہ: WE News
کلیدی لفظ: اسپیکر اسمبلی اظہار یکجہتی ریلی افواج پاکستان لطیف اکبر وی نیوز چوہدری لطیف اکبر افواج پاکستان پاک فوج کے لیے
پڑھیں:
وفاقی وزیراحد چیمہ کی عالمی بینک کی قیادت کے ساتھ ملاقاتیں ، معاشی صورتحال پرگفتگو
واشنگٹن (اُردو پوائنٹ اخبارتازہ ترین - این این آئی۔ 27 جون2025ء)وفاقی وزیر اقتصادی امور احد چیمہ نے کہاہے کہ سب سے بڑے ترقیاتی شراکت دار کے طور پر عالمی بینک نے پاکستان کی سماجی و اقتصادی ترقی اور ہمارے شہریوں کی زندگیوں کو بہتر بنانے میں کلیدیکردار ادا کیا ہے،کنٹری پارٹنرشپ پروگرام پرموثرعمل درآمدکیلئے پاکستان فریم ورک بنارہاہے۔انہوں نے یہ بات اپنے سرکاری دورہ امریکا کے دوران عالمی بینک کی قیادت کے ساتھ اعلیٰ سطح کی ملاقات میں کہی۔ عالمی بینک کی منیجنگ ڈائریکٹر آپریشنز اینا بیجرڈی اور جنوبی ایشیا کے علاقائی نائب صدر مسٹر مارٹن ریزر کے ساتھ ایک نتیجہ خیز ملاقات میں احد چیمہ نے گزشتہ سال کے دوران پاکستان اورعالمی بینک گروپ کے درمیان مضبوط تعاون کو سراہا۔(جاری ہے)
وفاقی وزیر احد چیمہ نے کہا کہ سب سے بڑے ترقیاتی شراکت دار کے طور پر، عالمی بینک نے پاکستان کی سماجی و اقتصادی ترقی اور ہمارے شہریوں کی زندگیوں کو بہتر بنانے میں ایک ناگزیر کردار ادا کیا ہے۔
انہوں نے 2022 کے سیلاب اور کووڈ۔ 19کی عالمگیر وبا سے نمٹنے کے لئے عالمی بینک کی جانب سے فراہم کردہ مدد کو قابل تعریف کراردیا۔ احد چیمہ نے مزید کہا کہ اس اہم شراکت داری کو آگے بڑھانے میں اینا بیجرڈی اور مارٹن ریزر کا کردار قابل تعریف ہے۔ سی پی ایف کے آغاز کو مدنظر رکھتے ہوئے وفاقی وزیر نے کہا کہ حکومت پاکستان عالمی بینک کے تعاون سے ایک عملدرآمد فریم ورک بنارہی ہے تاکہ سی پی ایف سے بھرپور فائدہ اٹھایا جاسکے۔ احد چیمہ نے عالمی بینک کے مشرق وسطیٰ اور شمالی افریقہ ریجن میں پاکستان کی منتقلی کا خیر مقدم کرتے ہوئے کہا کہ اس اقدام سے علم کے تبادلے اور علاقائی ہم آہنگی کے لیے قیمتی مواقع پیدا ہوں گے۔ عالمی بینک کے ایگزیکٹو ڈائریکٹر عبدالحق بیدجاوئی کے ساتھ ایک الگ ملاقات میں احد چیمہ نے پاکستان کے حوالے سے ہمیشہ مثبت کردار ادا کرنے پر ان کی تعریف کی۔ بات چیت میں عالمی بینک کی حالیہ منظوریوں بشمول 700 ملین ڈالر کا ریکوڈک کان کنی منصوبہ اور 400 ملین ڈالر کی رسک پارٹیسیپیشن فیسیلٹی، جو اعتراضات کے باوجود آگے بڑھی پر بھی روشنی ڈالی گئی۔ وزیر وفاقی احد چیمہ نے عالمی بینک کی ملکی ٹیم کے ساتھ مل کر کام کرنے کے پاکستان کے عزم کا اعادہ کیا تاکہ سی پی ایف کے ترقیاتی مقاصد کو حاصل کیا جاسکے۔ عالمی بینک کی قیادت نے وفاقی وزیر احد چیمہ کی بصیرت کی تعریف کی اور کنٹری پارٹنرشپ فریم ورک کے موثر نفاذ کے لیے اپنے مکمل تعاون کی یقین دہانی کرانے کے ساتھ ساتھ پاکستان کی پائیدار اقتصادی ترقی کے لئے ادارے کے مسلسل عزم کو اجاگر کیا۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی