قومی ویمنز ٹی ٹوئنٹی ٹورنامنٹ، انونسیبلز اور اسٹرائیکرز کی کامیابی
اشاعت کی تاریخ: 14th, May 2025 GMT
قومی ویمنز ٹی ٹوئنٹی ٹورنامنٹ کے چھٹے مرحلہ میں انونسیبلز اور اسٹرائیکرز نے کامیابی کو گلے لگا لیا۔
نیشنل بینک اسٹیڈیم میں انونسیبلزنے کانکررز کو 8 وکٹوں سے ہرادیا۔کانکرز نے پہلے بیٹنگ کرتے ہوئے مقررہ 20 اوورز میں 8 وکٹوں پر 107 رنز بنائے۔
کپتان فاطمہ ثنا نے بہترین فارم کا تسلسل برقرار رکھتے ہوئے 7 چوکوں کی مدد سے 41 رنز اسکور کیے۔ نیہا شرمین نے 14 رنز دے کر 3 وکٹیں حاصل کیں۔
جواب میں انونسیبلز نے 16 ویں اوور میں دو وکٹیں کھوکر ہدف پالیا۔عائشہ ظفر 8 چوکوں کی مدد سے 47 رنز جوڑے عمیمہ سہیل 7 چوکوں کی مدد سے 44 رنز بناکر ناٹ آؤٹ رہیں۔ دونوں نے دوسری وکٹ کی شراکت میں 91 رنز کا اضافہ کیا۔ نیہا شرمین پلیئر آف دی میچ قرار پائیں۔
اوول اکیڈمی گراؤنڈ میں اسٹرائیکرزنے اسٹارز کو 9 وکٹوں سے ہرادیا۔اسٹارز نے پہلے بیٹنگ کرتے ہوئے 20 اوورز میں 7 وکٹوں کے نقصان پر97 رنز اسکور کیے، طوبیٰ حسن نے 30 رنزکے ساتھ نمایاں رہیں۔ عائشہ بلال اور انعم امین نے دو دو وکٹیں حاصل کیں۔
اسٹرائیکرز نے 13 ویں اوورمیں ایک وکٹ گنوا کر ہدف پالیا۔گل فیروزہ 37 اور ایمان فاطمہ 28 رنز کے ساتھ ناقابل شکست رہیں،نورین یعقوب نے 28 رنز بنائے اورپلیئرآف دی میچ قرار پائیں۔
.ذریعہ: Express News
پڑھیں:
گلگت بلتستان کی آئینی حیثیت میں کئی چیلنجز درپیش ہیں، فیض اللہ فراق
ترجمان گلگت بلتستان حکومت نے نیشنل سکیورٹی ورکشاپ سے خطاب کرتے ہوئے کہا کہ گلگت بلتستان جیو اسٹریٹجک کے اعتبار سے بہت اہم خطہ ہے، اس خطے سے جہاں گلوبل سیکورٹی جڑی ہوئی ہے وہاں پر دو عالمی قوتوں کا مرکز نگاہ بھی ہے، ایسے میں یہاں کی نوجوان نسل کے کندھوں پر بھاری ذمہ داری عائد ہوتی ہے کہ وہ حالات کی نزاکت کو سمجھتے ہوئے قومی وحدت اور ترقی کے لئے مشترکات پر بات کریں۔ اسلام ٹائمز۔ ترجمان حکومت گلگت بلتستان فیض اللہ فراق نے ایف سی این اے ہیڈکوارٹر میں نینشنل سیکورٹی ورکشاپ سے خطاب کرتے ہوئے کہا ہے کہ گلگت بلتستان کی آئینی حیثیت سمیت گورننس و قانون کی بالادستی میں کئی چیلنجز کا سامنا ہے مگر اس کے باوجود گلگت بلتستان کی نوجوان نسل نے اپنی استعداد اور محنت سے حالات کا بھرپور مقابلہ کیا ہے۔ فیض اللہ فراق نے نیشنل سیکورٹی ورکشاپ کے چوتھے سیزن کے انعقاد پر کمانڈر ایف سی این اے اور اس کی پوری ٹیم کو مبارکباد دیتے ہوئے اس امید کا بھی اظہار کیا کہ اس نوعیت کی ورکشاپس کے ذریعے گلگت بلتستان کی نوجوان نسل کے دماغوں میں ڈس انفارمیشن اور مس انفارمیشن کے ذریعے پیدا شدہ سوالات کو حل کرنے اور انفارمیشن وآر فئیر کا مقابلہ میں مدد ملے گی۔ ترجمان نے کہا کہ قومی سلامتی ایک بڑا موضوع ہے، اس کا تعلق محض میدان کار زار اور حرب سے جڑے ہوئے امور سے نہیں بلکہ قومی سلامتی تو وہ موضوع ہے جس میں وہ تمام اجتماعی کوششیں اور اقدامات جو ریاست کے تحفظ میں اٹھائے گئے ہوں اور جس میں قومی دلچسپی شامل ہو اسے قومی سلامتی کہا جاتا ہے، اس میں اقتصادی و سیاسی سلامتی سرفہرست ہیں، ماحولیاتی سلامتی، فوڈ سیکورٹی، سائبر سیکورٹی سمیت انگنت اور کئی امور بھی اس میں شامل ہیں۔
ترجمان نے واضح کیا کہ گلگت بلتستان جیو اسٹریٹجک کے اعتبار سے بہت اہم خطہ ہے، اس خطے سے جہاں گلوبل سیکورٹی جڑی ہوئی ہے وہاں پر دو عالمی قوتوں کا مرکز نگاہ بھی ہے، ایسے میں یہاں کی نوجوان نسل کے کندھوں پر بھاری ذمہ داری عائد ہوتی ہے کہ وہ حالات کی نزاکت کو سمجھتے ہوئے قومی وحدت اور ترقی کے لئے مشترکات پر بات کریں، گلگت بلتستان کا سماج مسلکی، لسانی و علاقائی تنوع پر مبنی ہے، ہمیں چاہیئے کہ اس تنوع کو مواقع میں بدل لیں، گلگت بلتستان کا سیاسی سوال نہ چاہتے ہوئے بھی تنازعہ کشمیر سے جڑا ہوا ہے لیکن حقوق و استعداد متنازعہ نہیں ہوتا، گلگت بلتستان کو عبوری آئینی صوبہ دینے سمیت وفاقی اداروں میں مسئلہ کشمیر تک کنڈیشنلی نمائندگی دینے سے مسئلہ کشمیر پر کوئی فرق نہیں پڑتا اور نہ ہی اقوام متحدہ کی قراردادوں پر فرق پڑتا ہے، اس دوران یوتھ آف گلگت بلتستان اور شرکا ورکشاپ کے ساتھ دلچسپ مکالمہ اور سوال و جواب کا سیشن بھی ہوا اور آخر میں ایف سی این اے ہیڈ کورٹر کی جانب سے ترجمان صوبائی حکومت و مہمان سپیکر کو سوینئر بھی پیش کیا گیا۔
سینیٹر عرفان صدیقی کی وفات پر سیاسی و صحافتی حلقوں میں گہرے دکھ کا اظہار