محسن نقوی سری لنکن ٹیم سے ملنے اسٹیڈیم پہنچ گئے، فول پروف سیکورٹی کی یقین دہانی
اشاعت کی تاریخ: 14th, November 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی: محسن نقوی نے سری لنکن ٹیم سے اسٹیڈیم میں ملاقات کی اور انہیں فول پروف سیکورٹی کی یقین دہانی بھی کرائی۔
نجی ٹی وی کی رپورٹ کے مطابق وفاقی وزیر داخلہ اور چیئرمین پی سی بی محسن نقوی نے راولپنڈی کرکٹ اسٹیڈیم کا دورہ کرکے سری لنکن کرکٹ ٹیم کے جاری دورۂ پاکستان کے حوالے سے نہ صرف سیکورٹی انتظامات کا جائزہ لیا بلکہ خود کھلاڑیوں سے ملاقات بھی کی۔
چیئرمین پی سی بی کے ہمراہ سری لنکا کے ہائی کمشنر فریڈ سری ویراتنے اور وزیر مملکت طلال چوہدری بھی موجود تھے، جنہوں نے مختلف حصوں کا جائزہ لیتے ہوئے مجموعی انتظامات پر اطمینان کا اظہار کیا۔
اس موقع پر محسن نقوی نے ڈیوٹی پر تعینات پولیس، رینجرز اور دیگر قانون نافذ کرنے والے اداروں کے اہلکاروں کی کارکردگی کو سراہا اور انہیں ہدایت دی کہ کھلاڑیوں کی نقل و حرکت سے لے کر اسٹیڈیم کی بیرونی حدود تک ہر مقام پر مکمل چوکسی برقرار رکھی جائے۔
اس موقع پر محسن نقوی نے پریکٹس سیشن میں مصروف سری لنکن کھلاڑیوں سے فرداً فرداً ملاقات بھی کی اور پاکستان آنے پر ان کا خصوصی شکریہ ادا کیا۔ انہوں نے کہا کہ سری لنکن ٹیم کا دورہ پاکستان جاری رکھنا امن کی فتح اور دہشت گردی کی ناکامی کا واضح ثبوت ہے اور پاکستانی عوام اس دوستی اور اعتماد کو ہمیشہ یاد رکھیں گے۔
انہوں نے اس بات پر زور دیا کہ کھلاڑی پاکستان میں خود کو مکمل طور پر محفوظ سمجھیں، کیوں کہ ان کی سیکورٹی ریاستِ پاکستان کی ذمہ داری ہے۔ محسن نقوی نے پاکستانی اسکواڈ سے بھی بات چیت کی اور ان کے پریکٹس سیشن کا تفصیلی جائزہ لیا، جبکہ کھلاڑیوں کے مورال اور تیاری پر اطمینان کا اظہار کیا۔
سری لنکا کے ہائی کمشنر فریڈ سری ویراتنے نے میڈیا نمائندوں سے گفتگو کرتے ہوئے کہا کہ انہوں نے دنیا کے مختلف ممالک میں ذمہ داریاں نبھائی ہیں، مگر پاکستان ہمیشہ ان کے لیے دوسرے گھر جیسا رہا ہے۔ انہوں نے حکومتِ پاکستان کی جانب سے مہیا کی گئی سیکورٹی کو تسلی بخش قرار دیتے ہوئے کہا کہ ان کی ٹیم نہ صرف خود کو محفوظ سمجھتی ہے بلکہ پاکستانی عوام کی مہمان نوازی نے بھی ان پر گہرا اثر چھوڑا ہے۔
.ذریعہ: Jasarat News
کلیدی لفظ: محسن نقوی نے انہوں نے
پڑھیں:
اسلام آباد دھماکے کے مرکزی ملزم تک پہنچ گئے ہیں: محسن نقوی
اسلام آباد(نیوزڈیسک)وفاقی وزیر داخلہ محسن نقوی کا کہنا ہے کہ اسلام آباد دھماکے کے مرکزی ملزم تک پہنچ گئے ہیں، اسلام آباد حملہ آور کا تعلق افغانستان سے ہے۔
سینیٹ اجلاس کے دوران اظہار خیال کرتے ہوئے انہوں نے کہا کہ وانا کیڈٹ کالج حملے کے حملہ آور افغانستان سے ہے، وہ بعض نہیں آرہے، دہشت گردوں کی حمایت کر رہے ہیں۔
محسن نقوی کا کہنا تھا کہ ہمارے لیے مشکل ہو رہا ہے جیسے افغانستان کے لوگ یہاں آکر حملے کر رہے ہیں، ہمارا بڑا ٹارگٹ غیرقانونی افغان کو نکالنا ہے۔
وزیر داخلہ نے کہا کہ سری لنکا کے واپس جانے پر ہماری ٹیم سے بات ہوئی، سری لنکا کی ٹیم کے تمام خدشات دور کیے، ٹیم کو باکس سیکیورٹی دینے کا کہا، سری لنکن بورڈ اور کھلاڑیوں نے بڑی بہادری سے یہاں رہنے اور کھیلنے کا فیصلہ کیا۔
ان کا کہنا تھا کہ سری لنکن ٹیم کو یہاں رہنے پر بہت زیادہ تشویش تھی، سری لنکن صدر نے کل خود اپنی ٹیم سے بات کی اور کھیلنے پر آمادہ کیا، ہمارے فیلڈ مارشل نے خود سری لنکا کے ڈیفنس منسٹر اور سیکریٹری سے بات کی اور کنونس کیا۔
وفاقی وزیر نے کہا کہ سری لنکن اتھارٹی کو یقین دہانی کرائی گئی کہ پاکستان آرمی، رینجرز اور پولیس سیکیورٹی سنبھالے ہوئے ہیں، سری لنکن ٹیم کے ارکان ہمارے اسٹیٹ گیسٹ ہیں ان کو ہم اسی طرح کا پروٹوکول اور سیکیورٹی دے رہے ہیں۔
وفاقی کابینہ نے 27 ویں آئینی ترمیم کی منظوری دیدی