سستی آن لائن ٹیکسی اور بائیک سروس کے کرائے مہنگے ہونے والے ہیں؟
اشاعت کی تاریخ: 15th, May 2025 GMT
اسلام آباد(نیوز ڈیسک)نجی ویب سائٹ ”پرو پاکستانی“ نے دعویٰ کیا ہے کہ آئندہ مالی سال 2025-26 کے بجٹ میں وفاقی حکومت رائیڈ ہیلنگ سروسز پر چار فیصد سیلز ٹیکس عائد کرنے پر غور کر رہی ہے۔ ویب سائٹ نے ذرائع کے حوالے سے کہا کہ فیڈرل بورڈ آف ریونیو (ایف بی آر) کی جانب سے اسلام آباد کی حدود میں کام کرنے والے ان اداروں پر یہ ٹیکس لگانے کی تجویز زیر غور ہے۔
اس وقت وفاقی دارالحکومت اسلام آباد میں کام کرنے والی رائیڈ ہیلنگ سروسز پر کوئی سیلز ٹیکس لاگو نہیں ہے۔ تاہم پنجاب، سندھ اور خیبر پختونخوا کی صوبائی ریونیو اتھارٹیز پہلے ہی ان سروسز پر پانچ فیصد سیلز ٹیکس وصول کر رہی ہیں۔
ویب سائٹ نے ذرائع کے حوالے سے کہا کہ ایف بی آر نے موجودہ مالی سال کے بجٹ میں بھی رائیڈ ہیلنگ سروسز پر سیلز ٹیکس عائد کرنے کی تجویز پیش کی تھی، تاہم آخری لمحات میں یہ شق فنانس بل سے خارج کر دی گئی۔
پاکستان میں متعدد رائیڈ کمپنیاں سرگرم عمل ہیں جن میں InDrive، Careem، Bykea، Jugnoo اور Yango شامل ہیں۔ ان میں InDrive ملک بھر میں رائیڈ مارکیٹ کا 60 فیصد حصہ رکھتی ہے اور اس شعبے میں سب سے نمایاں کھلاڑی تصور کی جاتی ہے۔
ٹیکس عائد ہونے کی صورت میں اسلام آباد کے شہریوں کو رائیڈز کی قیمتوں میں ممکنہ اضافے کا سامنا کرنا پڑ سکتا ہے، جبکہ حکومت کے لیے اس سے آمدنی میں اضافے کا ایک نیا ذریعہ کھلے گا۔
عمران خان نے شہباز شریف کی مذاکرات کی پیشکش قبول کرلی
.
ذریعہ
ذریعہ: Daily Ausaf
کلیدی لفظ: اسلام ا باد سیلز ٹیکس
پڑھیں:
پیٹرولیم مصنوعات کی قیمتوں میں ایک بار پھر بڑا اضافہ، پیٹرول اور ڈیزل مہنگے
لاہور(ڈیلی پاکستان آن لائن) وفاقی حکومت نے پیٹرولیم مصنوعات کی قیمتوں میں اضافے کا اعلان کرتے ہوئے نیا نوٹیفکیشن جاری کر دیا ہے۔ پیٹرولیم ڈویژن کے مطابق پیٹرول اور ڈیزل کی قیمتوں میں اضافے کا یہ فیصلہ کیا گیا ہے جس کا اطلاق آج رات 12 بجے سے ہوگا۔
نوٹیفکیشن کے مطابق پیٹرول کی فی لیٹر قیمت میں 6 روپے 39 پیسے کا اضافہ کیا گیا ہے، جس کے بعد پیٹرول کی نئی قیمت 327 روپے 12 پیسے مقرر ہو گئی ہے۔ اسی طرح ہائی اسپیڈ ڈیزل کی قیمت میں 7 روپے 83 پیسے کا اضافہ کیا گیا ہے اور اب ڈیزل کی نئی قیمت 375 روپے 4 پیسے ہوگی۔ پیٹرولیم ڈویژن کی جانب سے جاری کردہ یہ نئی قیمتیں آج رات سے نافذ العمل ہوں گی اور 23 جولائی تک برقرار رہیں گی۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع