آئی ایم ایف کو پاکستان کیلئے ایک ارب ڈالر کے قرض پر نظر ثانی کرنا چاہئے، راج ناتھ سنگھ
اشاعت کی تاریخ: 17th, May 2025 GMT
مقبوضہ کشمیر، سری نگر (نیوز ڈیسک)بھارتی وزیر دفاع راج ناتھ سنگھ نے گزشتہ روز کہا کہ بین الاقوامی مالیاتی فنڈ (آئی ایم ایف) کو پاکستان کیلئے ایک ارب ڈالر کے قرض پر نظر ثانی کرنا چاہئے ،انہوں نےالزام لگایا گیا ہے کہ پاکستان دہشت گردی کی مالی معاونت کر رہا ہے،جبکہ پاکستان نے اس اقدام کو بھارت کی مایوسی کے ثبوت کے طور پر مسترد کرتے ہوئے کہا کہ انڈیا ایک بار پھر ناکام ہوا ۔راج ناتھ سنگھ نے مغربی بھارت میں فضائیہ کے ایک اڈے پر فوجیوں کو بتایا کہ مجھے یقین ہے کہ آئی ایم ایف سے آنے والے ایک ارب ڈالر کا بڑا حصہ دہشت گردی کے بنیادی ڈھانچے کی فنڈنگ کے لیے استعمال کیا جائے گا۔انہوں نے کہا کہ میرا ماننا ہے کہ پاکستان کو کوئی بھی معاشی امداد دہشت گردی کی مالی معاونت سے کم نہیں ہے۔پاکستانی وزارت خارجہ نے کہا اقدام بھارت کی مایوسی کا ثبوت ہے، انڈیا ایک بار پھر ناکام ہوا ہے۔ خیال رہے کہ بھارت کے اعتراضات کے باوجود، آئی ایم ایف نے گزشتہ ہفتے پاکستان کے لیے قرض پروگرام کے جائزے کی منظوری دے دی، پاکستان کے اسٹیٹ بینک کا کہنا ہے کہ ایک ارب ڈالر موصول ہو چکا ہے۔آئی ایم ایف کے کلائمیٹ ریزیلینس فنڈ کے تحت ایک ارب 40 کروڑ ڈالر کا نیا قرض بھی منظور کیا گیا۔بھارت آئی ایم ایف بورڈ میں بھوٹان، سری لنکا اور بنگلہ دیش کی بھی نمائندگی کرتا ہے۔
Post Views: 4.ذریعہ: Daily Mumtaz
کلیدی لفظ: ایک ارب ڈالر ا ئی ایم ایف
پڑھیں:
ریلوے پروجیکٹ ایم ایل 1کی نظر ثانی شدہ لاگت کی منظوری
قومی اقتصادی کونسل کی ایگزیکٹو کمیٹی (ایکنک نے ریلوے پروجیکٹ مین لائن 1 منصوبے کے پی سی 1 میں ترمیم کی منظوری دے دی۔ اب منصوبے کی لاگت 6.678 بلین ڈالر طے کی گئی ہے۔
پارلیمانی سیکریٹری برائے ریلوے محمد عثمان اویس نے جمعہ کو وقفہ سوالات کے دوران قومی اسمبلی کو بتایا کہ چینی وزیر اعظم اور وزیر اعظم پاکستان کے درمیان اعلیٰ سطحی ملاقات میں دونوں فریقوں نے ایم ایل1 کے کراچی حیدرآباد سیکشن کو پائلٹ بنیادوں پر تعمیر کرنے پر اتفاق کیا۔
انہوں نے کہا کہ ایک مسودہ فنانسنگ کمٹمنٹ ایگریمنٹ (ایف سی اے)، جسے کابینہ ڈویژن نے منظور کیا ہے، چین کی نیشنل ریلوے ایڈمنسٹریشن (این آر اے) کے ساتھ شیئر کیا گیا ہے لیکن باضابطہ جواب کا ابھی انتظار ہے۔
انہوں نے کہا کہ جوائنٹ ورکنگ گروپ کے اجلاس کے دوران چین نے پیکج I کی تعمیراتی اسکیم کو بہتر بنانے کے لیے ایک تکنیکی ورکنگ گروپ پاکستان بھیجنے پر آمادگی ظاہر کی۔ تاہم یہ دورہ ابھی باقی ہے۔
محمد عثمان اویس نے کہا کہ پروجیکٹ کی نظرثانی شدہ لاگت چینی کنسلٹنٹس کے ایڈجسٹ ڈیزائن پر مبنی ہے۔
پارلیمانی سیکریٹری نے مزید کہا کہ چین پاکستان اقتصادی راہداری (سی پی ای سی) کے فریم ورک کے تحت منصوبے کے لیے 85 فیصد چینی رعایتی فنانسنگ کا انحصار مشترکہ فنانسنگ کمیٹی (جے ایف سی) کے اجلاس کے بلانے پر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایم ایل 1 ایم ایل 1 کی لاگت تبدیل ریلوے پروجیکٹ
آپریشن بُنیان مّرصُوص کی کامیابی، وزیراعظم کا آج ملک بھر میں یوم تشکر منانے کا اعلان