عرب رہنماؤں کا غزہ میں جنگ بندی پر زور، علاقے کی تعمیر نو کا عزم
اشاعت کی تاریخ: 17th, May 2025 GMT
عرب رہنماؤں نے غزہ میں فوری جنگ بندی کی ضرورت پر زور دیتے ہوئے علاقے کی تعمیر نو کا عزم کیا ہے۔
عراق کے دارالحکومت بغداد میں ہونے والی عرب عرب کانفرنس میں ہسپانوی وزیراعظم پیدرو سانچیز نے فی الفور غزہ میں قتل عام روکنے کا مطالبہ کیا۔
یہ بھی پڑھیں غزہ کی تعمیر نو: اہم یورپی ممالک نے ٹرمپ پلان کیخلاف عرب منصوبے کی حمایت کردی
اجلاس میں اقوام متحدہ کے سیکریٹری جنرل انتونیو گوتریس نے خطاب کرتے ہوئے کہاکہ ہمیں اب مستقل جنگ بندی کی ضرورت ہے، جبکہ مصر کے صدر عبدالفتاح السیسی نے اپنے امریکی ہم منصب ڈونلڈ ٹرمپ پر زور دیا کہ وہ غزہ کی پٹی میں جنگ بندی کے لیے تمام ضروری کوششوں کا اطلاق کریں۔
یہ سربراہی اجلاس براہ راست امریکی صدر ڈونلڈ ٹرمپ کے خلیجی ممالک دورے کے بعد ہوا ہے۔ امریکی صدر نے اس سال کے شروع میں یہ اعلان کرکے ہنگامہ کھڑا کر دیا تھا کہ امریکہ غزہ پر قبضہ کر سکتا ہے۔
سیکریٹری جنرل اقوام متحدہ انتونیو گوتریس نے کہاکہ ہم غزہ کی آبادی کی بار بار نقل مکانی کے ساتھ ساتھ غزہ سے باہر جبری نقل مکانی کے کسی بھی سوال کو مسترد کرتے ہیں۔
انہوں نے یہ بھی کہا کہ وہ اسرائیل کی طرف سے غزہ میں کی جانے والی مزید کارروائیوں کے منصوبوں سے پریشان ہیں۔
عراق کے وزیراعظم محمد شیعہ السوڈانی نے سربراہی اجلاس کو بتایا کہ ان کا ملک خطے میں بحرانوں کے بعد تعمیر نو کی کوششوں میں مدد کے لیے عرب فنڈ کے قیام کی حمایت کرتا ہے۔
انہوں نے غزہ کی تعمیر نو کے لیے 20 ملین ڈالر اور لبنان کے لیے اتنی ہی رقم دینے کا وعدہ کیا۔
عراق کے وزیر خارجہ فواد حسین نے کہاکہ بغداد اجلاس غزہ کی تعمیر نو سے متعلق عرب لیگ کے سابقہ فیصلوں کی توثیق کرے گا۔
عرب لیگ کے اہم ترین اجلاس میں سعودی عرب کی جانب سے وزیرِ مملکت برائے امورِ خارجہ عادل الجبیر نے نمائندگی کی۔
یہ بھی پڑھیں فلسطینیوں کو بے گھر کرنے کی ہر تجویز کو رد کیا جائے، اسحاق ڈار کا او آئی سی اجلاس سے خطاب
واضح رہے کہ اسرائیل کی جانب سے غزہ پر بمباری کا سلسلہ مزید تیز کردیا گیا ہے، اور آئے روز درجنوں لوگ شہید ہورہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیلی بمباری عرب رہنما عرب سربراہی اجلاس غزہ تعمیر نو غزہ جنگ بندی وی نیوز.ذریعہ: WE News
کلیدی لفظ: اسرائیلی بمباری عرب سربراہی اجلاس وی نیوز کی تعمیر نو کے لیے غزہ کی
پڑھیں:
نیو کراچی ٹائون میں 600نئی گلیوں کی تعمیر کے منصوبے کا آغاز‘ منعم ظفر نے سنگ بنیاد رکھ دیا
data-id="863a0a8" data-element_type="widget" data-widget_type="theme-post-content.default">
251002-08-25
کراچی(اسٹاف رپورٹر) جماعت اسلامی نے نیو کراچی ٹائون میں ’’خوبصورت گلیاں ، خوبصورت ٹائون ‘‘ کے عنوان سے 600نئی گلیوں کی تعمیر کے ایک بڑے منصوبے کا آغاز کر دیا ہے ، امیر جماعت اسلامی کراچی منعم ظفر خان نے بدھ کے روز ٹائون چیئر مین نیو کراچی محمد یوسف ، وائس چیئر مین شعیب بن ظہیر اور امیر ضلع شمالی طارق مجتبیٰ کے ہمراہ منصوبے کا سنگ ِ بنیاد رکھا ، اس حوالے سے نیو کراچی ٹائون آفس میں منعقد ہ تقریب سے خطاب کرتے ہوئے منعم ظفر خان نے کہا کہ ہم عوام سے کیے گئے اپنے وعدے کے مطابق اختیارا ت و وسائل سے بڑھ کر کام کر رہے ہیں ۔نیو کراچی کے 27 سیکٹرز میں بیک وقت 600 گلیوں کی تعمیر و مرمت کا آغاز ہو رہا ہے۔ آنے والے دنوں میں مزید ترقیاتی کام ، گلیوں، محلوں اور ٹاؤنز میں نظر آئیں گے ۔قابض میئر سن لیں رونا دھونابند کریں ، الزام تراشیاں اور رکاوٹیں اب نہیں چلیں گی، کراچی کے عوام مسائل کا حل اور عملی کام چاہتے ہیں۔ آپ وفاقی حکومت سے 200 ارب روپے کا مطالبہ تو کر رہے ہیں لیکن یہ بھی بتائیے کہ پچھلے 15 برسوں میں پیپلز پارٹی کی صوبائی حکومت نے کراچی کے 3360 ارب روپے کہاں خرچ کیے؟ جن میں 1ہزار ارب روپے آکٹرائے ضلع ٹیکس ،1 ہزار ارب انفراسٹرکچر سیس اور 1360 ارب روپے ترقیاتی فنڈز کے تھے‘ لیکن کراچی کی حالت سب کے سامنے ہے۔ہمارا تو وفاق سے 500 ارب روپے کا مطالبہ ہے اور یہ فنڈز کراچی کے تمام اسٹیک ہولڈرز کی نگرانی میں خرچ ہوں تاکہ شہر کو واقعی ترقی مل سکے۔ آج بھی ہم یہ کہتے ہیں کہ چاہے ٹاؤن کسی بھی جماعت کا ہو، کراچی کی ضرورت تعمیر و ترقی ہے۔ ہر ٹاؤن کو 2 ارب روپے دیے جائیں تاکہ عوام کے مسائل حل ہوں۔منعم ظفر خان نے مزید کہا کہ کراچی پاکستان کا معاشی حب ہے، یہاں کے لوگ ملک میں سب سے زیادہ ٹیکس دیتے ہیں۔ ان کا حق ہے کہ انہیں بنیادی سہولتیں فراہم کی جائیں، ان کی گلیاں اور سڑکیں بہتر ہوں، انہیں پانی، بجلی اور بہتر انفراسٹرکچر مہیا کیا جائے ۔گزشتہ 2 برس میں جماعت اسلامی کی قیادت نے عملی اقدامات کے ذریعے یہ ثابت کیا ہے کہ خدمت اور ترقی ہی ہماری اصل ترجیح ہے۔ ہم نے اپنے ٹاؤنز میں 171 پارکوں کو بحال کیا، 42 اسکولوں کو اپ گریڈ کیا جہاں 7 ہزار سے زائد بچوں کی رجسٹریشن میں اضافہ ہوا، ہم نے نوجوانوں کے لیے کھیلوں کے میدان قابض مافیا سے آزاد کرائے، اوپن ایئر جم، واٹر پارک اور اربن فاریسٹ بارش اوروضو کے پانی کاہارویسٹنگ سسٹم جیسے نئے منصوبے متعارف کرائے۔ محمد یوسف نے کہا کہ آج کی اس تقریب سے ہم یہ پیغام دینا چاہتے ہیں کہ جماعت اسلامی نے اپنے وعدے کے مطابق خدمت کا سفر شروع کیا ہے اور یہ سفر ان شاء اللہ جاری رہے گا۔ ہم اپنی گلیوں اور محلوں کو سنواریں گے، ترقی کے کاموں میں تیزی لائیں گے اور ساتھ ہی صوبائی حکومت کا بھی تعاقب اور پوچھتے رہیں گے کہ عوام کا حق کہاں گیا؟ نیوکراچی کے عوام کسی کو اپنے حق پر ڈاکہ ڈالنے نہیں دیں گے۔ جماعت اسلامی عوام کے حق کے لیے آواز بھی اٹھائے گی اور اپنی بساط کے مطابق کام بھی کرتی رہے گی۔
امیر جماعت اسلامی کراچی منعم ظفر خان نیو کراچی ٹاؤن آفس میں’’ خوبصورت گلیاں، خوبصورت ٹاؤن ‘‘کے عنوان سے 600 نئی گلیوں کی تعمیر کے منصوبے کا سنگ بنیاد کر رہے ہیں جبکہ دوسری جانب تقریب سے خطاب کر رہے ہیں، ٹاؤن چیئر مین نیو کراچی محمد یوسف، وائس چیئر مین شعیب بن ظہیر اور امیر ضلع شمالی طارق مجتبیٰ و دیگر بھی موجود ہیں
پاکستان کا اقوام متحدہ میں بھارت کو منہ توڑ جواب، بھارتی مندوب بوکھلاہٹ میں ہال چھوڑ کر چلاگیا