ملک میں 5 سال بعد انتخابات ہوں گے، اس سے پہلے کوئی توقع نہ کریں: امیر مقام
اشاعت کی تاریخ: 19th, May 2025 GMT
وفاقی وزیر امیر مقام—فائل فوٹو
وفاقی وزیر امیر مقام کا کہنا ہے کہ ملک میں 5 سال بعد انتخابات ہوں گے، اس سے پہلے کوئی توقع نہ کریں۔
جیو نیوز سے گفتگو کرتے ہوئے انہوں نے کہا کہ چند اشخاص اکٹھے ہو کر اسے گرینڈ الائنس نہیں کہہ سکتے، چند اشخاص کے علاوہ پوری قوم یکجا ہے۔
انہوں نے کہا کہ سب نے دیکھ لیا کہ وزیرِاعظم نے کیسے دلیرانہ فیصلے کیے، وزیرِاعظم نے 4 دن ایل او سی پر ہر فوجی سے ملاقات کی۔
امیر مقام کا کہنا تھا کہ کے پی کو سیکیورٹی کی مد میں پورے پاکستان سے زیادہ پیسے مل رہے ہیں، صوبے کو سیکیورٹی کی مد میں 6 ارب روپے سے زیادہ دیے گئے ہیں، سی ٹی ڈی اور اداروں کو مضبوط کرنے کے لیے دیے گئے فنڈز کہاں اڑ گئے؟
وفاقی وزیر امیر مقام نے کہا ہے کہ شہباز شریف کی قیادت میں ملک ترقی کی راہ پر گامزن ہے، انھوں نے کہا لوگ تو پاکستان کے ڈیفالٹ ہونے کا انتظار کر رہے تھے۔
انہوں نے کہا کہ ہمیں تو نظر نہیں آرہا کہ کے پی والوں نے وہ پیسے کہیں لگائے ہوں، پولیس کو سہولیات، گاڑیاں، لیبارٹریاں کیا کیا دیا گیا، عوام جاننا چاہتی ہے، ان کو چاہیے کہ سیکیورٹی کی مد میں ملنے والا فنڈ سیکیورٹی پر ہی لگائیں۔
پاکستان مسلم لیگ (ن) کے رہنما نے کہا کہ 40 ارب روپے کا اسکینڈل سامنے آیا، ان کے اداروں نے کہاں اور کیسے یہ پیسے لگائے، کس کے اوپر چھتری تھی، کون اسکینڈل میں ملوث تھا؟ سامنے لائیں، یہ کہانی میں نے نہیں، ان کے اپنے اسپیکر اور اراکین اسمبلی نے سنائی ہے۔
ان کا یہ بھی کہنا تھا کہ خیبر پختونخوا کابینہ کے اراکین ایک دوسرے کو چور کہتے ہیں، کوئی کہتا ہے وزیرِ اعلیٰ چور، وزیرِ اعلیٰ کہتا ہے وزیر چور اور کیا گواہی دیں؟ کب تک بانی پی ٹی آئی کا نام چلے گا، ایک دن آئے گا یہ پارٹی اڑ جائے گی۔
.ذریعہ: Jang News
کلیدی لفظ: نے کہا کہ
پڑھیں:
کسی سے مذاکرات کی کوئی درخواست نہیں کریں گے، سلمان اکرم راجہ
پی ٹی آئی رہنما سلمان اکرم راجا نے کہا ہے کہ ہم کسی سے مذاکرات کی کوئی درخواست نہیں کریں گے۔
نجی ٹی وی سے گفتگو کرتے ہیں ان کا کہنا تھا کہ اسٹیبلشمنٹ سے بات چیت کے لیے ہم کچھ نہیں کریں گے، یہ کام ان کو کرنا ہے۔
سلمان اکرم راجا نے کہا ہے کہ پارٹی کی جانب سے کسی سے مذاکرات کی کوئی درخواست نہیں کی جائے گی۔
پاکستان تحریک انصاف کے سیکریٹری جنرل کا کہنا تھا کہ اسٹیبلشمنٹ سے بات چیت کے لیے بھی پی ٹی آئی کوئی قدم نہیں اٹھائے گی۔ یہ ذمہ داری ان کی ہے، ہماری نہیں۔ موجودہ نطام میں رعونت، کوئی گوشہ آئین اور جمہوری آزادی کے لیے نہیں چھوڑا گیا۔ پاکستانی عوام کو دھتکارا گیا، بھیڑ بکری سمجھا گیا۔
سلمان اکرم راجا نے واضح کیا کہ ہم اسیر رہنماؤں کی جانب سے بھی مذاکرات کے لیے کوئی پیغام یا دباؤ نہیں محسوس کر رہے، اور نہ ہی فی الحال اسمبلیوں سے باہر نکلنے کا کوئی ارادہ رکھتے ہیں۔ اسیر رہنما گاہے بہ گایے پہلے بھی خط لکھتے رہے ہین یہ کوئی نئی بات نہیں ہے۔
ان کا کہنا تھا کہ پی ٹی آئی کے مستقبل کے حوالے سے کوئی بھی حتمی فیصلہ پارٹی کے بانی عمران خان ہی کریں گے۔ محرم کے بعد سیاسی جدوجہد کا آغاز کریں گے، لائحہ عمل واضح ہے۔ پورے ملک میں آواز گونجے گی، عمران خان آئین، جمہوریت کی بحالی کے لیے بات کریں گے۔
سلمان اکرم راجہ کا مزید کہنا تھا کہ آج کوئی یہاں بیٹھا ہے کل نہیں بیٹھا ہوگا، ہمارے رہنما اسیر ہیں، جبر کا نظام ہے، یقین ہے خیبر پختون خوا میں حکومت نہیں بدلی جا سکتی، قومی اسمبلی میں کیا تعداد رہ جائے کوئی فرق نہیں پڑے گا، اسمبلی میں لوگ نہ بھی ہوں تو فرق نہیں پڑتا، ہمارا مطالبہ پاکستان کی عوام سے ہے۔
اسپیکر نے مجھے کہا وزیراعلیٰ کی تقریر کے دوران احتجاج مت کیجیے گا، ملک احمد بھچر