موجودہ قیادت اور فوج نے بھارت کو دن میں تارے دکھا دیئے: احسن اقبال
اشاعت کی تاریخ: 19th, May 2025 GMT
نارووال(ڈیلی پاکستان آن لائن )وفاقی وزیر منصوبہ بندی احسن اقبال نے کہا ہے کہ جنگیں تعداد سے نہیں صلاحیت سے لڑی جاتی ہیں جبکہ موجودہ قیادت اور افواج پاکستان نے بھارت کو دن میں تارے دکھا دیئے۔
نجی ٹی وی جیو نیوز کے مطابق نارووال میں ریسکیو سروس کی افتتاحی تقریب سے خطاب کرتے ہوئے احسن اقبال نے کہا کہ پاکستان میں اس وقت ایسی قیادت نہیں تھی جو کہتی کہ کیا اب میں حملہ کروں ؟
انہوں نے کہا کہ ہماری مسلح افواج نے ثابت کیا کہ جنگیں تعداد سے نہیں صلاحیت سے لڑی جاتی ہیں، موجودہ قیادت اور افواج پاکستان نے بھارت کو دن میں تارے دکھا دیئے۔
احسن اقبال کا کہنا تھا کہ بھارت کے کروڑوں کے خریدے گئے جہاز کباڑیوں کی دکانوں کی زینت بن گئے، 2 گھنٹے میں بھارت کی چیخیں امریکہ تک پہنچ گئیں۔
انھوں نے مزید کہا کہ ہم نے 32 ارب ڈالر کی ایکسپورٹ کو 100 ارب تک لے کر جانا ہے۔
پاکستان کا بیرونی مالیاتی خلا 28-2027 تک 88 کھرب روپے رہیگا: آئی ایم ایف
مزید :.ذریعہ: Daily Pakistan
کلیدی لفظ: احسن اقبال
پڑھیں:
ایران، اسرائیل جنگ بندی کے پیچھے بھی وردی ہے: وزیر داخلہ محسن نقوی کا انکشاف
اسلام آباد (ڈیلی پاکستان آن لائن) وفاقی وزیر داخلہ محسن نقوی نے کہا ہے کہ ایران اور اسرائیل کے درمیان جنگ بندی میں وزیراعظم شہباز شریف نے اہم کردار ادا کیا، اور اس پیشرفت کے پیچھے ہماری عسکری قیادت کا بھی نمایاں حصہ ہے۔ اس جنگ بندی کے پیچھے بھی وردی ہے۔
اسلام آباد میں محرم الحرام کے حوالے سے تمام مکاتب فکر کے علمائے کرام سے گفتگو کرتے ہوئے محسن نقوی نے کہا کہ 14 اگست کو فیصل مسجد میں تمام مکاتب فکر کے علما کو ایک ساتھ نماز ادا کرنے کی دعوت دی گئی ہے تاکہ دنیا کو اتحاد و یکجہتی کا پیغام دیا جا سکے۔ انہوں نے علما سے محرم کے دوران مذہبی ہم آہنگی اور اتحاد کے فروغ میں اپنا کردار ادا کرنے کی اپیل بھی کی۔
پاکستان یارن مرچنٹس ایسوسی ایشن نے ایف بی آر آرٹیکل 37 اے اور 37 بی کے کالے قانون کو مسترد کردیا
اس موقع پر وزیر داخلہ نے انکشاف کیا کہ بھارت کے ایک حملے کے دوران پاکستان کو "غیبی مدد" حاصل ہوئی۔ ان کے مطابق، بھارت نے ایک پاکستانی بیس پر 11 میزائل داغے جہاں 9 یا 11 پاکستانی طیارے موجود تھے، مگر تمام میزائل بیس سے باہر گرے اور کوئی نقصان نہیں ہوا۔ محسن نقوی نے مزید بتایا کہ پاکستان نے جواباً میزائل فائر کیے، جن میں سے ایک میزائل تکنیکی خرابی کی وجہ سے بھارتی شہری آبادی کی طرف جا سکتا تھا، لیکن وہ اللہ کے فضل سے بھارت کے سب سے بڑے آئل ڈپو پر جا لگا، جو کہ ان کے بقول غیبی مدد کی ایک اور مثال ہے۔
محرم الحرام ، مذہبی رواداری اور پیغام پاکستان
وزیر داخلہ نے یہ بھی کہا کہ بھارت کے حملے کے وقت آرمی چیف پوری ثابت قدمی کے ساتھ ڈٹے رہے اور ان کا عزم تھا کہ اگر بھارت نے جارحیت کی تو پاکستان اس کا چار گنا جواب دے گا۔
ایران اسرائیل جنگ بندی پر بات کرتے ہوئے محسن نقوی نے دوبارہ زور دیا کہ سیزفائر میں وزیراعظم شہباز شریف اور عسکری قیادت دونوں کا بڑا کردار ہے، جبکہ عالمی قیادت کو قائل کرنے میں بھی پاکستان کی قیادت نے مؤثر سفارتی کردار ا
دا کیا۔
مزید :
اسرائیل کیساتھ غزہ میں جنگبندی کیلئے حماس کی شرائط سامنے آ گئیں