پاکستان نے گولڈن ٹیمپل کو نشانہ بنانے کی کوشش کے بھارتی الزام کو مسترد کر دیا
اشاعت کی تاریخ: 20th, May 2025 GMT
ویب ڈیسک: پاکستان نے بھارت کی جانب سے گولڈن ٹیمپل کو نشانہ بنانے کی مبینہ کوشش سے متعلق الزامات کو بے بنیاد اور گمراہ کن قرار دے کر سختی سے مسترد کر دیا ہے۔
ترجمان دفتر خارجہ نے کہا کہ پاکستان نے کبھی گولڈن ٹیمپل کو نشانہ بنانے کی کوشش نہیں کی اور اس حوالے سے بھارتی دعوے میں کوئی صداقت نہیں۔ گولڈن ٹیمپل سکھ عقیدے کا سب سے مقدس اور قابل احترام مقام ہے۔ پاکستان نہ صرف اس کا احترام کرتا ہے بلکہ سکھ مذہب کے متعدد مقدس مقامات کا قابل فخر محافظ بھی ہے۔
انجلینا جولی کا شہید خاتون فلسطینی صحافی کو خراج عقیدت ، ویڈیو وائرل
ترجمان کے مطابق پاکستان نے الزام عائد کیا کہ عبادت گاہوں کو نشانہ بنانے کا ریکارڈ بھارت کا اپنا ہے۔ بھارت کی جانب سے 6 اور 7 مئی کی درمیانی شب پاکستان میں مختلف عبادت گاہوں کو نشانہ بنایا گیا، جس کا مقصد مذہبی منافرت کو ہوا دینا ہے۔
ترجمان نے کہا کہ پاکستان ہر سال دنیا بھر سے آنے والے ہزاروں سکھ یاتریوں کا کھلے دل سے خیرمقدم کرتا ہے اور کرتارپور راہداری کے ذریعے ویزہ فری رسائی فراہم کر کے مذہبی رواداری کا عملی مظاہرہ کرتا ہے۔
اسلام آباد ائیرپورٹ پر اے ایس ایف اہلکار کا مسافر پر مبینہ تشدد، واقعے کی ویڈیوز وائرل
یاد رہے کہ بھارتی میڈیا کی جانب سے حالیہ دنوں میں یہ دعویٰ کیا گیا تھا کہ پاکستان کی جانب سے گولڈن ٹیمپل کو نشانہ بنانے کی کوشش کی گئی۔ اس بیان کو پاکستان نے فالس فلیگ پروپیگنڈا قرار دیتے ہوئے مسترد کر دیا۔ ماہرین کے مطابق یہ بھارتی الزامات سیاسی مقاصد کے تحت عائد کیے جا رہے ہیں تاکہ بین الاقوامی برادری کی توجہ انسانی حقوق کی خلاف ورزیوں اور اقلیتوں کے خلاف مظالم سے ہٹائی جا سکے۔
.
ذریعہ
ذریعہ: City 42
کلیدی لفظ: پاکستان نے کی جانب سے
پڑھیں:
اسحاق ڈار ایس سی او وزرائے خارجہ اجلاس کیلئے کرغزستان پہنچ گئے
دفتر خارجہ کے ترجمان کے مطابق نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ اسلام ٹائمز۔ نائب وزیراعظم اور وزیر خارجہ سینیٹر محمد اسحاق ڈار شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کے لیے کرغزستان کے شہر چولپون آتا پہنچ گئے۔ ترجمان دفتر خارجہ کے مطابق چولپون آتا پہنچنے پر کرغزستان کے نائب وزیر خارجہ کیرات تورسنکولوف نے نائب وزیراعظم کا استقبال کیا۔ اس موقع پر کرغزستان میں پاکستان کے سفیر التمش وزیر اور ایس سی او کے لیے قومی رابطہ کار ڈاکٹر محمد فیصل بھی موجود تھے۔ ترجمان نے بتایا کہ نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ دفتر خارجہ کے ترجمان کے مطابق ملاقاتوں میں کل ہونے والے ایس سی او وزرائے خارجہ کونسل کے اجلاس کے ایجنڈے پر بھی بات چیت کی جائے گی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی