چین اور روس کا چاند پر ایٹمی بجلی گھر بنانے کا منصوبہ کیا ہے؟
اشاعت کی تاریخ: 20th, May 2025 GMT
اسلام آباد (اُردو پوائنٹ ۔ DW اردو۔ 20 مئی 2025ء) چین اور روس سن 2035 تک چاند پر خودکار ایٹمی پاور اسٹیشن بنانے کا ارادہ رکھتے ہیں۔ رواں ہفتے روس کی خلائی ایجنسی روس کوسوموس اور چائنا نیشنل اسپیس ایڈمنسٹریشن (سی این ایس اے) کے درمیان اس منصوبے کے لیے تعاون کی ایک مفاہمت پر دستخط کیے گئے۔
مجوزہ جوہری پاور اسٹیشن انٹرنیشنل لونر ریسرچ اسٹیشن (آئی ایل آر ایس) کا ایک حصہ ہو گا اور یہ چاند پر طویل مدتی دریافت اور سائنسی تحقیق کو قابل بنانے کے لیے توانائی فراہم کرے گا۔
آئی ایل آر ایس کو امریکی قیادت والے آرٹیمس پروگرام کا حریف سمجھا جاتا ہے، جو سن 2027 سے "گیٹ وے" کے نام سے مدار والے قمری خلائی اسٹیشن بنانے کا ارادہ رکھتا ہے۔
آرٹیمس میں ناسا اور یورپی خلائی ایجنسی کے رکن ممالک سمیت 55 دیگر ممالک کی خلائی ایجنسیاں شامل ہیں۔
(جاری ہے)
چین نے اپنے خلائی اسٹیشن کے لیے شینزو 17 مشن روانہ کر دیا
بین الاقوامی قمری ریسرچ اسٹیشن کیا ہے؟انٹرنیشنل لونر ریسرچ اسٹیشن (آئی ایل آر ایس) پروجیکٹ کا مقصد چاند پر ایک ایسی سائنسی تحقیقی بنیاد قائم کرنا ہے، جو قطب جنوبی کے 100 کلومیٹر کے اندر ہی واقع ہو۔
اس میں طویل مدتی خود مختار آپریشنز اور مختصر مدت کے انسانی مشن شامل ہوں گے۔روسی خلائی ادارے روس کوسموس نے اس حوالے سے ایک بیان میں کہا کہ "یہ اسٹیشن آئی آر ایل ایس کے بغیر انسانوں کی شمولیت کے طویل مدتی بنیادی خلائی تحقیق اور ٹیکنالوجی کے ٹیسٹ جیسے کام انجام دے گا اور چاند پر انسان کی موجودگی کے امکانات کے بارے میں بھی تحقیق کرے گا۔
"چین کے پہلے خلائی اسٹیشن کی تعمیرکے لیے چینی خلا باز روانہ
آئی ایل آر ایس کا پہلی بار سن 2017 میں اعلان کیا گیا تھا، جس میں پاکستان، وینزویلا، بیلاروس، آذربائیجان، جنوبی افریقہ، مصر، نکاراگوا، تھائی لینڈ، سربیا، سینیگال اور قازقستان جیسے ممالک شامل ہیں۔
چین کے چاند کی دریافت کے پروگرام کے چیف ڈیزائنر وو ویرن نے گزشتہ سال ایک بیان میں کہا تھا کہ چائنا اس میں 50 ممالک، 500 بین الاقوامی سائنسی تحقیقی اداروں اور 5000 بیرون ملک مقیم محققین کو بھی اپنے "555 پروجیکٹ" کے حصے کے طور پر اس میں شامل کرنے کا ارادہ رکھتا ہے۔
گرچہ آئی ایل آر ایس کا بنیادی مقصد سائنسی تحقیق کا مرکز بننا ہے، تاہم خلائی سفر کرنے والی قوموں کے لیے چاند کے قدرتی وسائل بھی پرکشش ہیں۔
چاند میں قیمتی دھاتی آکسائیڈز، ریگولتھ (چاند کی مٹی)، نایاب زمینی دھاتیں، اور ممکنہ طور پر قابل ذکر مقدار میں ہیلیم 3 ہے، جو کہ جوہری فیوژن پاور کے لیے ایک ممکنہ ایندھن ہے۔
یہ سوال کہ اصل میں چاند کے ٹکڑوں کا مالک کون ہو سکتا ہے، قانونی ماہرین کے درمیان اس پر گرما گرم بحث ہو رہی ہے۔
چینی خلائی راکٹ ’لانگ مارچ‘ کے ٹکڑے بحر ہند میں گر گئے
کیا چین مستقبل میں خلائی تحقیق کی قیادت کرے گا؟آئی ایل آر ایس خلائی تحقیق اور سائنسی تحقیق میں رہنما بننے کے چین کے مشن کا بھی ایک حصہ ہے۔
اس مشن کے ذریعے چاند سے حاصل ہونے والے پہلے ٹکڑے سن 2028 میں چین کے چانگ ای-8 کے ذریعے پیش کیے جانے کا امکان ہے۔
واضح رہے کہ چاند کی سطح پر کسی خلاباز کو اتارنے کی چین کی پہلی کوشش ہے، جس میں کامیابی اس کی دوسری بڑی فتح ہو گی۔چین 2013 سے چاند پر بغیر پائلٹ کے روور اتارتا رہا ہے اور اس کے سائنسدانوں نے ایسے مشنوں کی قیادت کی ہے، جس میں "چاند کے تاریک پہلو،" کی اس سطح کی نقشہ سازی کی گئی ہے، جو کہ چاند کا نصف کرہ ہے اور زمین سے ہمیشہ بہت دور ہوتا ہے۔
چینی خلائی گاڑی چاند سے نمونے لے کر زمین پر واپس
جون 2024 میں، چین اس نصف کرہ سے کامیابی سے چٹانیں جمع کرنے والا پہلا ملک بن گیا تھا۔ چین کی طرف سے اس مشن کو سراہا گیا اور سرکاری خبر رساں ایجنسی ژنہوا نے اسے "انسانوں کے ذریعے چاند کی دریافت کی تاریخ میں ایک بے مثال کارنامہ" قرار دیا تھا۔
صلاح الدین زین ( مصنف: فریڈیرک شوالر)
ادارت: جاوید اختر
.ذریعہ: UrduPoint
کلیدی لفظ: تلاش کیجئے آئی ایل آر ایس چاند کی چاند پر کے لیے چین کے
پڑھیں:
سی پیک کے تحت چلنے والے پراجیکٹ ایس ۔کے ۔ ہائیدروپاور اسٹیشن کے کمرشل آپریشن کا ایک سال
سی پیک کے تحت چلنے والے پراجیکٹ ایس ۔کے ۔ ہائیدروپاور اسٹیشن کے کمرشل آپریشن کا ایک سال WhatsAppFacebookTwitter 0 17 September, 2025 سب نیوز
اسلام آباد :پاک چین اقتصادی راہداری ( سی پیک )کے تحت چلنے والے فلیگ شپ پراجیکٹ ایس کے ہائیڈرو پاور اسٹیشن کے کمرشل آپریشن کا ایک سال مکمل ہوگیا ہے ، اس سلسلے میں ایک تقریب کا انعقاد کیا گیا ۔چائنا انجینئرنگ کارپوریشن ( سی ای ای سی ) ، جس کا نام گلوبل 500کمپنیوں میں آتا ہے ، نے اس پراجیکٹ پر سرمایہ لگایا ، تیار کیا اورآپریٹ کیا ۔اس تقریب میں وفاقی وزیر برائے منصوبہ بندی اور خصوصی اقدامات پروفیسر احسن اقبال،پاکستان میں قائم چین کے سفارت خانے میں تعینات چارج ڈی افئیر مسٹریوآن کیانگ،پرائیویٹ پاور اینڈ انفراسٹرکچر بورڈ کے مینجنگ ڈائریکتر شاہ جہان مرزا شریک تھے ۔
انہوں نے اس بات کو سراہا ہے کہ کس طرح اسٹیشن نے توانائی کی ضروریات کو پورا کرنے کے سلسلے میں اہم کردار ادا کیا ہے ،اور جس سے چین پاکستان کے درمیان تعاون کو فروغ ملا ہے گزشتہ سال 14ستمبر2024 میں ایس کے ، ہائیڈرو پاور اسٹیشن نے اپنی سرگرمیوں کا آغاز کیا تھا تب سے اب تک ، 2.8بلین کلوواٹ بجلی کی ترسیل،اس عرصے میں پیداور میں کوئی نقصان یا حادثہ نہیں ہوا، کنسٹرکشن کے دوران 6000سے زائد افراد کے لیے روزگار دیا گیا اور آپریشن کے بعد 100افرادکے لیے پائیدار ملازمت، کمیونٹی کے لیے اقدامات: شجرکاری( 150,000سے زائد درخت )، مقامی طلباوطلبات کے لیے سکالرشپس، انفراسٹرکچر اپ گریڈز، آفت متاثرہ افراد کے لیےخصوصی ریلیفیہ منصوبہ دریائے کنہار ، مانسہرہ ،خیبرپختونخوا میں لگایا گیا ہے ،
سی پیک کے تحت بننے والا یہ سب سے بڑا ہائیڈرو پاور پراجیکٹ ہے اور گرین پرل آن سی پیک ـ” کے طورپر جانا جاتا ہے ۔توانائی کی فراہمی کے ساتھ ساتھ یہ استیشن تعلیم ، ماحولیاتی پروٹیکشن اور مقامی روزگار کے لیے بھی اپنے حصے کا کردار ادا کرتا ہے ۔اسی اعتراف میں ، ایس کے ہائیدروپاور اسٹیشن کوحکومت پاکستان ، کی جانب سے اعزازت سے نواز ا گیا جس میں سماجی زمہ داریوں اور پائیدار ترقی کے لیے “ ایکسی لینٹ ٹیکس پئیر یونٹ “ ایکٹو کنٹربیویشن ایوارڈ “ شامل ہے اور اس کے ساتھ اکوپیشنل ہیلتھ ، سیفٹی اینڈ انوائرمنٹ ایکسی لینٹ ایوارڈ بھی دیا گیا ہے ۔آگے دیکھتے ہوئے، SK ہائیڈرو پاور سٹیشن CPEC کے تحت چین پاکستان تعاون کو مزید مستحکم کرتے ہوئے پریشنز کو بہتر بنائے گا، مزید کلین انرجی کی فراہمی جاری رہے گی اور پاکستان کی انرجی سیکیورٹی مزید مضبوط ہوگی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبربنوں اور کرک میں دہشت گردوں کے تھانوں پر حملے ناکام، 3 دہشت گرد ہلاک، 4 زخمی سیلاب کے نقصانات کا مکمل تخمینہ لگنے کے بعد بحالی کے کاموں کی حکمت عملی بنائی جائیگی، وزیراعظم راول ڈیم میں پانی کی سطح بلند،سپل ویز کل بروز بدھ صبح 8 بجے کھولے جائیں گے جعلی فٹبال ٹیم کے ذریعے انسانی اسمگلنگ، جاپان سے 22افراد ڈی پورٹ عمران خان کا ٹوئٹر اکاونٹ بھارت سے آپریٹ ہو رہا ہے، وزیر ریلوے حنیف عباسی کا دعوی ایمان مزاری نے جسٹس ثمن رفعت کو ہٹانے پر جسٹس ڈوگر کیخلاف سپریم جوڈیشل کونسل سے رجوع کرلیا سپریم کورٹ نے ریٹائرڈ ججز کی بیوائوں کو تاحیات سکیورٹی دینے کا حکم واپس لے لیاCopyright © 2025, All Rights Reserved
رابطہ کریں ہماری ٹیم
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام