حکومت ملک سے ٹی بی کے خاتمے کیلئے پرعزم ہے، وفاقی وزیر صحت
اشاعت کی تاریخ: 21st, May 2025 GMT
GENEVA:
وفاقی وزیر صحت مصطفیٰ کمال نے کہا ہے کہ حکومت پاکستان ٹی بی کے خاتمے کے لیے پر عزم ہے اور اس کے لیے بھر پور اقدامات یقینی بنا رہی ہے۔
وفاقی وزارت صحت کے ترجمان کی جانب سے جاری بیان کے مطابق جنیوا میں وزیر صحت مصطفیٰ کمال کی سائیڈ لائنز ملاقاتوں کا سلسلہ جاری ہے اور ایگزیکٹو ڈائریکٹر اسٹاپ ٹی بی پارٹنرشپ ڈاکٹر لوسیکا دیتیو سے ملاقات کی اور متعدی بیماریوں کے خاتمے کے لیے کیے گئے اقدامات پر روشنی ڈالی۔
مصطفیٰ کمال نے کہا کہ حکومت پاکستان ٹی بی کے خاتمے کے لیے پر عزم ہے اور پاکستان ٹی بی کے خاتمے کے لیے بھر پور اقدامات یقینی بنا رہا ہے۔
انہوں نے کہا کہ متعدی امراض کی روک تھام کے لیے مربوط حکمت عملی جاری ہے۔
ڈاکٹر لوسیکا دیتیو نے پاکستان میں ٹی بی کے خاتمے کی جاری کوششوں کو سرا ہا اور پاکستان میں ٹی بی کے خاتمے کے لیے مل کر کام کرنے کے عزم کا اعادہ کیا۔
.ذریعہ: Express News
کلیدی لفظ: ٹی بی کے خاتمے کے لیے
پڑھیں:
دہشتگردی کے مکمل خاتمے تک اس کیخلاف جنگ جاری رکھیں گے، شہباز شریف
وزیراعظم نے صوبہ خیبر پختونخوا میں مختلف کارروائیوں کے دوران بھارتی سرپرستی میں پاکستان میں دہشتگردی اور شر پھیلانے والے فتنہ الخوارج کے دہشتگردوں کو جہنم رسید کرنے پر سکیورٹی فورسز کی پذیرائی کی۔ اسلام ٹائمز۔ وزیراعظم محمد شہباز شریف نے کہا ہے کہ دشتگردی کی عفریت کے ملک سے مکمل خاتمے تک اس کے خلاف جنگ جاری رکھیں گے۔ وزیراعظم محمد شہباز شریف نے صوبہ خیبر پختونخوا میں مختلف کارروائیوں کے دوران بھارتی سرپرستی میں پاکستان میں دہشتگردی اور شر پھیلانے والے فتنہ الخوارج کے دہشتگردوں کو جہنم رسید کرنے پر سکیورٹی فورسز کی پذیرائی کی۔ وزیرِ اعظم نے لکی مروت میں 5، بنوں میں 2 اور میر علی شمالی وزیرستان میں 2 بھارتی حمایت یافتہ خارجیوں کو جہنم واصل کرنے پر سکیورٹی فورسز کے افسران و اہلکاروں کی پیشہ ورانہ صلاحیتوں کی تعریف کی۔
محمد شہباز شریف نے شمالی وزیرِستان میں خارجیوں کے خلاف مؤثر کارروائی کرتے ہوئے ارض وطن کی خاطر جام شہادت نوش کرنے والے سپاہی فرہاد علی طوری اور لانس نائیک صابر آفریدی کو خراج عقیدت پیش کیا۔ وزیراعظم نے شہداء کی بلندی درجات اور انکے اہل خانہ کیلئے صبر کی دعا کی، انہوں نے کہا کہ ارض وطن کی حفاظت کے غیر متزلزل عزم میں مجھ سمیت پوری قوم افواج پاکستان کے شانہ بشانہ کھڑی ہے۔ وزیرِاعظم کا کہنا تھا کہ دہشتگردوں اور خطے میں موجود ان کے سرپرستوں کے پاکستان کا امن تباہ کرنے کے ناپاک عزائم کو یونہی خاک میں ملاتے رہیں گے۔
مخوص نشستیں ‘ عدالت میں سیاسی باتیں نہ کریں ‘ جسٹس امین : سنی اتحاد کونسل کے وکیل کی سماعت ملتوی کرنے کیلئے درخواست منظور