کراچی، سہراب گوٹھ میں پولیس کا مبینہ مقابلہ، ایک ڈاکو ہلاک
اشاعت کی تاریخ: 21st, May 2025 GMT
کراچی:
شہر قائد میں سہراب گوٹھ کے علاقے انڈس پلازہ گراؤنڈ کے قریب ہونے والے مبینہ پولیس مقابلے کے دوران ایک ڈاکو ہلاک ہو گیا، جس کی لاش کو ایدھی ایمبولینس کے ذریعے عباسی شہید اسپتال منتقل کیا گیا۔
ترجمان کراچی پولیس نے بتایا کہ ہلاک ڈاکو کے دو ساتھی پولیس پارٹی پر فائرنگ کرتے ہوئے موقع سے فرار ہو گئے۔
پولیس نے ہلاک ملزم سے ایک پستول بمعہ گولیاں اور ایک موبائل فون برآمد کر لیا ہے۔ مزید تفتیش کے لیے علاقہ پولیس ملزم کا کرائم ریکارڈ اکھٹا کر رہی ہے۔
.ذریعہ: Express News
پڑھیں:
کراچی: ڈکیتی مزاحمت پر شہری قتل
—فائل فوٹوکراچی کے علاقے اورنگی ٹاؤن سیکٹر 13 سی میں ڈاکوؤں نے دکان پر لوٹ مار کی کوشش کی۔ مزاحمت پر ڈاکوؤں نے فائرنگ کر کے شہری کو قتل کردیا۔
پولیس کے مطابق دکاندار کی فائرنگ سے ڈاکو ہلاک ہوگیا جبکہ دوسرا ساتھی فرار ہوگیا۔
کراچی میں 5 روز کے دوران ڈاکوؤں نے مزاحمت پر 5 شہریوں کو قتل کر دیا۔
اورنگی ٹاؤن میں جوس کی دکان میں فائرنگ کے واقعے عینی شاہدین کا کہنا ہے کہ موٹر سائیکل سوار 2 ڈاکو دکان میں آئے، دکان میں کام کرنے والے نوجوان عابد نے بھاگنے کی کوشش کی۔
عینی شاہدین نے بتایا کہ ڈاکوؤں نے عابد پر فائرنگ کر دی، جواب میں دکان کے مالک نے ڈاکوؤں پر فائرنگ کی، دکان کے مالک کی فائرنگ سے ایک ڈاکو مارا گیا جبکہ دوسرا فرار ہوگیا۔
بینک ڈیفالٹر ہونے کے بعد حسن نواز کے برطانیہ میں تمام کاروبار ٹھپ،تمام کمپنیاں تحلیل