یونانی جزیرے کریٹ کے قریب 6.1 شدت کا زلزلہ، جھٹکے مصر تک محسوس ہوئے
اشاعت کی تاریخ: 22nd, May 2025 GMT
یونان: امریکی جیولوجیکل سروے کے مطابق جمعرات کو یونان کے جزیرے کریٹ کے قریب 6.1 شدت کا زلزلہ آیا، جس سے لوگ خوفزدہ ہو گئے تاہم کسی بڑے نقصان یا جانی نقصان کی اطلاع نہیں ملی۔
زلزلہ کریٹ کے دارالحکومت ہیراکلیون سے 82 کلومیٹر شمال مشرق میں صبح 8:19 بجے (پاکستانی وقت) آیا، جس کی گہرائی 68 کلومیٹر بتائی گئی ہے۔
زلزلے کے جھٹکے ایتھنز اور یہاں تک کہ مصر میں بھی محسوس کیے گئے۔ یونانی ریاستی ٹی وی ERT کے مطابق ریثمینو اور لاسیتی علاقوں کے لوگ خوف کے مارے گھروں سے باہر نکل آئے۔ مقامی میڈیا نے کچھ راستوں پر چٹانوں کے گرنے اور سپر مارکیٹوں میں سامان بکھرنے کی تصاویر دکھائیں۔
ماہرین کا کہنا ہے کہ زلزلہ زیادہ گہرائی میں آیا تھا، اس لیے عوام کو زیادہ گھبرانے کی ضرورت نہیں ہے۔ کریٹ کی فائر بریگیڈ کو الرٹ پر رکھا گیا ہے اور علاقے میں گاڑیاں صورتِ حال کا جائزہ لینے کے لیے گشت کر رہی ہیں۔
ہیراکلیون کے میئر نے بتایا کہ شہر میں کوئی خاص نقصان نہیں ہوا اور اسکول بند کرنے کی ضرورت نہیں ہے۔ یہ زلزلہ ایک ہفتے کے اندر دوسرا بڑا جھٹکا ہے، اس سے پہلے کریٹ کے مشرق میں واقع کاسوس جزیرے کے قریب بھی 6.
یونان کا ایجیئن سمندر زلزلوں کا مرکز سمجھا جاتا ہے کیونکہ یہاں افریقی اور اناطولیائی پلیٹس آپس میں ٹکرا رہی ہیں۔ حالیہ مہینوں میں سنتورینی اور دیگر قریبی جزیروں میں ہزاروں چھوٹے زلزلے ریکارڈ کیے جا چکے ہیں، لیکن خوش قسمتی سے ابھی تک کوئی بڑی تباہی نہیں ہوئی۔
ذریعہ
ذریعہ: Express News
کلیدی لفظ: کریٹ کے
پڑھیں:
بھارت: میسی کا 70 فٹ بلند مجسمہ حفاظتی خدشات کے باعث ہٹا دیا گیا
بھارتی شہر کولکتہ کے علاقے لیک ٹاؤن میں نصب فٹبال لیجنڈ لیونل میسی کا 70 فٹ بلند مجسمہ مقامی رہائشیوں کی شکایات کے بعد ہٹا دیا گیا ہے۔
بھارتی میڈیا رپورٹس کے مطابق شہریوں کا کہنا تھا کہ تیز ہواؤں کے دوران یہ دیوقامت ڈھانچہ ہلتا محسوس ہوتا تھا جس سے حفاظتی خطرات پیدا ہو رہے تھے۔
میسی کا یہ مجسمہ گزشتہ سال دسمبر میں نصب کیا گیا تھا اور اسے 2022 فیفا ورلڈ کپ کے فاتح کپتان کو خراجِ تحسین پیش کرنے کے لیے تیار کیا گیا تھا۔
مجسمے میں ارجنٹائن کے سپر اسٹار کو ورلڈ کپ ٹرافی تھامے ہوئے دکھایا گیا تھا جو ان کی تاریخی کامیابی کی یادگار کے طور پر بنایا گیا تھا۔
یہ یادگار میسی کے مداحوں کی جانب سے ان کے بھارت کے دورے کے موقع پر وی آئی پی روڈ کے کنارے قائم کی گئی تھی۔
View this post on Instagramتاہم حالیہ دنوں میں مقامی افراد نے انتظامیہ کو آگاہ کیا کہ تیز ہوا چلنے پر مجسمہ معمولی طور پر جھولتا نظر آتا ہے جس سے راہگیروں اور قریبی آبادی کے لیے خطرات بڑھ سکتے ہیں۔
حکام نے عوامی تحفظ کو مدنظر رکھتے ہوئے مجسمے کو عارضی طور پر ہٹانے کا فیصلہ کیا ہے جبکہ اس کے مستقبل کے بارے میں تاحال کوئی باضابطہ اعلان نہیں کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ