گلگت بلتستان اسمبلی، محکمہ خزانہ کیخلاف تحریک استحقاق کی منظوری
اشاعت کی تاریخ: 22nd, May 2025 GMT
سپیکر نے کمیٹی کے چیئرمین امجد حسین ایڈووکیٹ کو ہدایت کی کہ وہ مکمل تفصیلات کا بغور جائزہ لیں اور ذمہ داران کے خلاف سخت ترین کارروائی کی سفارشات مرتب کریں۔ اسلام ٹائمز۔ سپیکر گلگت بلتستان اسمبلی نے محکمہ خزانہ کے خلاف تحریک استحقاق کی کاروائی کی منظوری دے دی۔ سپیکر نزیر احمد ایڈووکیٹ نے گلگت بلتستان اسمبلی کے 36 ویں اجلاس کی صدارت کرتے ہوئے اسمبلی کی فنانس کمیٹی کے اختیارات میں مداخلت اور کمیٹی کے نوٹیفکیشنز کو محکمہ خزانہ کی جانب سے چیلنج کرنے کے معاملے پر اسے ممبران اسمبلی کے استحقاق کی خلاف ورزی قرار دیتے ہوئے تحریک استحقاق کی کارروائی کی باقاعدہ منظوری دی اور معاملہ استحقاق کمیٹی کے سپرد کر دیا۔ سپیکر نے کمیٹی کے چیئرمین امجد حسین ایڈووکیٹ کو ہدایت کی کہ وہ مکمل تفصیلات کا بغور جائزہ لیں اور ذمہ داران کے خلاف سخت ترین کارروائی کی سفارشات مرتب کریں۔ انہوں نے مزید کہا کہ اسمبلی کی خودمختاری اور کمیٹیوں کے آئینی و قانونی اختیارات کا تحفظ کیا جائے گا اور کسی بھی ادارے کو قانون سے بالاتر نہیں سمجھا جائے گا۔ سپیکر نے کہا کہ اسمبلی کی کارروائیوں میں رکاوٹ یا غیر ضروری مداخلت ناقابل برداشت ہے، اور اس حوالے سے آئندہ کے لیے واضح لائحہ عمل مرتب کیا جائے گا۔
.ذریعہ: Islam Times
کلیدی لفظ: استحقاق کی کمیٹی کے
پڑھیں:
421 منشیات فروشوں کو گرفتار، 26 گینگز کیخلاف کارروائی کی گئی: اے این ایف
---فائل فوٹواینٹی نارکوٹکس فورس (اے این ایف) کی رپورٹ میں بتایا گیا ہے کہ انسدادِ منشیات آپریشن کے دوران 421 منشیات فروشوں کو گرفتار جبکہ 26 گینگز کے خلاف کارروائی کی گئی ہے۔
سینیٹر ثمینہ زہری کی زیرِ صدارت قائمہ کمیٹی برائے انسانی حقوق کا اجلاس ہوا۔
اینٹی نارکوٹکس فورس (اےاین ایف) کے کرنل مصعب نے قائمہ کمیٹی کو تعلیمی اداروں میں منشیات کے استعمال کی روک تھام سے متعلق بریفنگ دی۔
اے این ایف کے حکام کے مطابق گزشتہ سال قومی سطح پر انسدادِ منشیات کمپین کا آغاز کیا گیا، اے این ایف کی جانب سے دو مراحل میں آپریشن کا آغاز کیا گیا تھا۔
اے این ایف کے حکام کا بتانا ہے کہ پہلے مرحلے میں ملک بھر کی 255 یونیورسٹیز میں انسدادِ منشیات آپریشن کیا، دوسرے مرحلے میں 363 آپریشنز میں 421 منیشات فروشوں کو گرفتار جبکہ منشیات کے 26 گینگز کے خلاف کارروائی کی گئی جبکہ گرفتار منشیات فروشوں سے 1420 کلو منشیات قبضے میں لی گئی۔
کمیٹی کے ارکان نے اجلاس کے دوران اے این ایف کے حکام سے سوال کیا کہ ہمیں بتایا جائے تعلیمی اداروں میں منشیات پر وزارت کی کیا کارکردگی ہے؟
اجلاس کے دوران چیئرپرسن چائلڈ رائٹس کمیشن عائشہ رضا فاروق نے کہا کہ بچوں کو اسکول لیول پر روکنے کی کوشش کرنی چاہیے، یونیورسٹی لیول پر بچوں کو روکنا مشکل ہو جاتا ہے، منشیات فروشی اور سپلائی میں مافیاز ملوث ہیں، بچوں کو پکڑنے کے بجائے برائی کی جڑ پر ہاتھ ڈالا جائے۔
عائشہ رضا فاروق کا کہنا تھا کہ اسکولز میں منشیات کے فروغ کو روکنے کے لیے نیشنل ایکشن پلان ضروری ہے، ایک سرکاری اسکول کے استاد نے بتایا دیواروں سے منشیات اندر پھینکی جا رہی ہیں۔
معرکہ حق میں تاریخی فتح پر ملک بھر میں آج یوم تشکر منایا جا رہا ہے