پنجابی ادب کا درخشاں ستارہ غروب، معروف شاعر تجمل کلیم انتقال کرگئے
اشاعت کی تاریخ: 23rd, May 2025 GMT
پنجابی ادب کی فکری اور تخلیقی روایت کو نئی جہت دینے والے ممتاز شاعر تجمل کلیم خالقِ حقیقی سے جا ملے۔ ان کا انتقال چونیاں، ضلع قصور میں ہوا۔ خاندانی ذرائع کے مطابق وہ کچھ عرصے سے علیل تھے۔
’استاد کلیم‘ کے نام سے معروف تجمل کلیم پنجابی شاعری میں ایک الگ شناخت رکھتے تھے۔ ان کی شاعری میں روایت، مزاحمت، درد اور عوامی جذبات کی بھرپور ترجمانی نظر آتی ہے، جبکہ زبان و بیان میں جدت اور فکر کی وسعت ان کی پہچان رہی۔
تجمل کلیم کی اہم کتب میں “برفاں ہیٹھ تندور” (1996)، “ویہڑے دا رکھ” (2010)، “ہان دی سولی” (2012) اور “چیکدا منظر” (2017) شامل ہیں۔ ان کی شاعری نہ صرف ادبی حلقوں میں سراہی گئی بلکہ نوجوان نسل کو بھی شعوری بصیرت اور فکری رہنمائی فراہم کرتی رہی۔
پنجابی زبان و ادب کے فروغ میں ان کی خدمات کو ناقابلِ فراموش قرار دیا جا رہا ہے۔ ان کے انتقال پر ادبی حلقوں، علمی اداروں اور پنجابی زبان کے چاہنے والوں میں گہرے رنج و غم کی لہر دوڑ گئی ہے۔
ادبی تنظیموں اور تجمل کلیم کے احباب نے ان کی وفات پر افسوس کا اظہار کرتے ہوئے کہا ہے کہ اُن کا تخلیقی ورثہ آئندہ نسلوں کے لیے مشعلِ راہ رہے گا۔ وہ چلے گئے، مگر ان کا کلام ہمیشہ زندہ رہے گا اور دلوں کو جھنجھوڑتا رہے گا۔
وعدے پُورے کر نئیں جاندا
سوچ رہیاں آں کیوں مر نئیں جاندا
جس دن نہ مزدوری لبھے
بُوہے ولوں گھر نئیں جاندا
کانواں تک نوں ذات پیاری
بندہ سُن کے مر نئیں جاندا
میرا سینہ دم کرواؤ
میرے اندروں ڈر نئیں جاندا
سرِ ساہنواں دی پَنڈ نئیں ہوندی
مردہ ایویں تر نئیں جاندا
اِنج کلیمؔ نے نِیویں سُٹی
جسراں بندا ہر نئیں جاندا
تجمل کلیم
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجابی ادب تجمل کلیم چونیاں، ضلع قصور سوچ رہیاں آں کیوں مر نئیں جاندا.ذریعہ: WE News
کلیدی لفظ: تجمل کلیم چونیاں ضلع قصور تجمل کلیم
پڑھیں:
معروف صحافی مشرف زیدی وزیراعظم کے ترجمان برائے غیرملکی میڈیا مقرر
وزیراعظم شہباز شریف نے معروف صحافی اور پالیسی تجزیہ کار مشرف زیدی کو غیر ملکی میڈیا کے لیے اپنا ترجمان مقرر کردیا۔ یہ تقرری فوری طور پر عمل میں لائی گئی ہے اور اگلے احکامات تک برقرار رہے گی۔
وفاقی وزیر اطلاعات عطا اللہ تارڑ نے ’ایکس‘ پر مشرف زیدی کی تقرری کا نوٹیفکیشن جاری کیا۔
Many congratulations @mosharrafzaidi
Welcome on board brother. A great addition to our team. Its been great working with you these past few months, looking forward to continue this teamwork. Lets take Pakistan’s narrative notches higher inshaaAllah pic.twitter.com/rEzCBoyiIm
— Attaullah Tarar (@TararAttaullah) November 2, 2025
نوٹیفکیشن کے مطابق یہ فیصلہ وزیراعظم کے 4 جون کے سابق احکامات اور کابینہ ڈویژن کے 10 جون کے سرکلر کو منسوخ کرتے ہوئے کیا گیا ہے۔
دستاویز میں وزارت اطلاعات و نشریات اور کابینہ ڈویژن کو متعلقہ امور نمٹانے کی ہدایت بھی کی گئی ہے۔
عطا اللہ تارڑ نے اپنی پوسٹ میں مشرف زیدی کو ٹیم میں خوش آمدید کہتے ہوئے کہاکہ گزشتہ چند ماہ ان کے ساتھ کام کرنا خوشگوار تجربہ رہا، اور امید ہے کہ مستقبل میں بھی اسی جذبے کے ساتھ ٹیم ورک جاری رہے گا۔
مشرف زیدی اس وقت وزیراعظم کے سرکاری کارکردگی اور اختراعات کے کوآرڈینیٹر کے طور پر ذمہ داریاں نبھا رہے ہیں۔
مشرف زیدی نے لمز سے اکنامکس میں بی ایس سی آنرز اور نیویارک کے بارک کالج سے پالیسی تجزیہ اور نان پرافٹ مینجمنٹ میں ماسٹر آف پبلک ایڈمنسٹریشن کی ڈگری حاصل کی۔
وہ 2011 سے 2013 تک وزارت خارجہ میں بطور پالیسی مشیر فرائض انجام دے چکے ہیں۔ بعد ازاں، 2013 سے 2018 تک وہ الف اعلان کے کیمپین ڈائریکٹر اور چیف ایگزیکٹو رہے۔
2018 میں مشرف زیدی نے اسلام آباد میں تھنک ٹینک ’تبادلہ‘ قائم کیا اور جون 2025 تک ادارے کے سی ای او کے طور پر خدمات انجام دیں، جبکہ بعد ازاں اگست تک سینیئر فیلو بھی رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ترجمان مقرر شہباز شریف عطااللہ تارڑ غیرملکی میڈیا مشرف زیدی معروف صحافی وزیر اطلاعات وزیراعظم پاکستان وی نیوز
سہیل آفریدی کی عمران خان سے پھر ملاقات نہ ہوسکی، توہین عدالت کی درخواست دائر کرنے کا اعلان