افریقی ممالک کے ساتھ مشترکہ ترقی کے منصوبوں میں وسعت کا خواہاں ہے، فیصل کریم کنڈی
اشاعت کی تاریخ: 25th, May 2025 GMT
اسلام آباد:
گورنر خیبر پختونخوا فیصل کریم کنڈی نے افریقہ کے ساتھ پاکستان کی دوستی کو "دیرپا اور خلوص پر مبنی” قرار دیتے ہوئے کہا ہے کہ پاکستان افریقی ممالک کے ساتھ تجارت، تعلیم، ثقافتی تبادلے اور مشترکہ ترقی کے منصوبوں میں وسعت کا خواہاں ہے۔
اسلام آباد میں افریقہ ڈے کے موقع پر منعقدہ ایک پروقار تقریب سے بحیثیت مہمان خصوصی خطاب کرتے ہوئے گورنر خیبر پختونخوا فیصل کریم کنڈی نے افریقی عوام اور افریقی ممالک کو یوم افریقہ پر دلی مبارکباد دی۔
انہوں نے کہا کہ اس سال کا موضوع "ہماری تاریخ پر نظر ثانی، ہمارے مستقبل کی تشکیل” نہ صرف افریقہ بلکہ پاکستان کے لیے بھی گہری اہمیت رکھتا ہے۔
ان کا کہنا تھا کہ یہ موقع ہمیں ماضی کی جدوجہد سے سبق سیکھ کر ایک بہتر اور مساوات پر مبنی مستقبل کی تعمیر کا پیغام دیتا ہے۔
فیصل کریم کنڈی نے افریقی اقوام کی ثقافتی ورثے، اتحاد اور خود انحصاری کی کاوشوں کو سراہتے ہوئے کہا کہ پاکستان، خاص طور پر خیبر پختونخوا، افریقہ کے ساتھ مشترکہ اقدار رکھتا ہے جن میں خودمختاری، ثقافتی تنوع، اور عوامی ترقی شامل ہیں۔
گورنر خیبرپختونخوا نے کہا کہ پاکستان افریقی ممالک کے ساتھ اپنے تعلقات کو انتہائی اہمیت دیتا ہے اور مختلف شعبوں میں تعاون کو فروغ دینے کا خواہاں ہے۔
تقریب میں اقوامِ متحدہ کے ریزیڈنٹ کوآرڈینیٹر محمد یحییٰ، افریقی ممالک کے سفیروں، ہائی کمشنرز، اراکین پارلیمنٹ اور دیگر ممالک کے سفرا اور دیگر مہمانوں نے بڑی تعداد میں شرکت کی۔
.ذریعہ: Express News
کلیدی لفظ: افریقی ممالک کے فیصل کریم کنڈی کہ پاکستان کے ساتھ
پڑھیں:
خیبر پختونخوا کے بیشتر اضلاع میں آج رات سے بارش کا امکان
چترال، دیر، سوات، کوہستان، شانگلہ، بٹگرام، مانسہرہ، ایبٹ آباد، ہری پور، مالاکنڈ، بونیر، باجوڑ، مہمند، خیبر، اورکزئی، کرم، وزیرستان، پشاور، چارسدہ، نوشہرہ، صوابی، بنوں، کرک اور کوہاٹ میں گرج چمک کے ساتھ بارش کا امکان ہے۔ اسلام ٹائمز۔ خیبر پختونخوا کے بیشتر اضلاع میں آج رات سے بارش کا امکان ہے۔ پی ڈی ایم اے کے مطابق بارش کا یہ سلسلہ کل تک وقفے وقفے سے جاری رہے گا، اس دوران چترال، دیر، سوات، کوہستان، شانگلہ، بٹگرام، مانسہرہ، ایبٹ آباد، ہری پور، مالاکنڈ، بونیر، باجوڑ، مہمند، خیبر، اورکزئی، کرم، وزیرستان، پشاور، چارسدہ، نوشہرہ، صوابی، بنوں، کرک اور کوہاٹ میں گرج چمک کے ساتھ بارش کا امکان ہے۔ پی ڈی ایم اے کی جانب سے تمام اضلاع کی انتظامیہ کو بارشوں باعث کسی بھی ناخوشگوار واقعے سے پیشگی نمٹنے کے لیے مراسلہ جاری کردیا گیا ہے، کسی بھی نا خوشگوار واقعے سے پیشگی نمٹنے کے لئے ضلعی انتظامیہ کو چھوٹی بڑی مشینری کی دستیابی یقینی بنانے کی بھی ہدایت کی گئی ہے۔
پی ڈی ایم اے کا کہنا ہے کہ بارش کے دوران عوام بجلی کی تاروں، بوسیدہ عمارتوں و تعمیرات، سائن بورڈز اور بل بورڈز سے دور رہیں، کسان حضرات موسمیاتی پیش گوئی کو مد نظر رکھتے ہوئے اپنے معمولات ترتیب دیں۔ مراسلے میں کہا گیا ہے کہ حساس بالائی علاقوں میں سیاح اور مقامی آبادی موسمی حالات سے باخبر رہیں اور احتیاتی تدابیر اختیار کریں۔ سیاح موسمی صورتحال اور سڑکوں کی بندش کے پیش نظر سیاحتی مقامات کا رخ کرنے سے پہلے پی ڈی ایم اے کی ہیلپ لائن پر رابطہ کریں۔
امریکی اخبار نے آپریشن ’بنیان مرصوص‘ پاک فوج کی بڑی کامیابی قرار دیدیا