خیبر پختونخواہ میں سکیورٹی فورسز کی کارروائی میں 9 دہشتگرد ہلاک
اشاعت کی تاریخ: 25th, May 2025 GMT
آئی ایس پی آر کے مطابق ڈیرہ اسماعیل خان میں چار، ٹانک میں دو اور خیبر کے علاقے باغ میں کارروائی میں تین انڈین حمایت یافتہ دہشتگرد مارے گئے ہیں۔ اسلام ٹائمز۔ خیبر پختونخوا میں سکیورٹی فورسز کی کارروائیوں میں 9 دہشتگرد ہلاک ہو گئے ہیں۔ آئی ایس پی آر کے مطابق یہ تمام انڈین سپانسرڈ شدت پسند تھے۔ آئی ایس پی آر کے مطابق ڈیرہ اسماعیل خان میں چار، ٹانک میں دو اور خیبر کے علاقے باغ میں کارروائی میں تین انڈین حمایت یافتہ دہشتگرد مارے گئے ہیں۔ آئی ایس پی آر کے مطابق مارے گئے تمام شدت پسند دہشتگردی کی متعدد وارداتوں میں ملوث تھے۔ ترجمان پاک فوج کے مطابق مارے گئے شدت پسندوں سے اسلحہ و گولہ بارود بھی برآمد کیا گیا۔
.ذریعہ: Islam Times
پڑھیں:
غزہ: القسام بریگیڈز کا اسرائیلی فورسز پر حملہ، ایک فوجی ہلاک، ہتھیار قبضے میں لے لیے
data-id="863a0a8" data-element_type="widget" data-widget_type="theme-post-content.default">
خان یونس : غزہ میں قابض اسرائیلی فوج کے خلاف فلسطینی مزاحمتی تنظیم حماس کے عسکری ونگ القسام بریگیڈز کے حملے شدت اختیار کرتے جا رہے ہیں، تازہ ترین جھڑپ میں القسام بریگیڈز کے مزاحمت کاروں نے جنوبی غزہ کے علاقے خان یونس میں اسرائیلی فوج کے قافلے پر بھرپور حملہ کیا، جس میں کئی فوجی اہداف کو نشانہ بنایا گیا۔
عالمی میڈیا رپورٹس کےمطابق ترجمان القسام بریگیڈز کاکہنا ہےکہ مزاحمت کاروں نے ایک ٹینک، دو بکتر بند گاڑیاں اور دو بلڈوزروں کو براہ راست حملے میں تباہ کر دیا، حملے کے بعد فلسطینی مزاحمت کاروں نے اسرائیلی فوج کے ایک یونٹ کے ساتھ انتہائی قریب سے آمنے سامنے کی جھڑپ کی۔
انہوں نے کہاکہ اس جھڑپ کے دوران مزاحمت کاروں نے ایک اسرائیلی فوجی کو گرفتار کرنے کی کوشش کی تاہم میدان جنگ کی پیچیدہ صورتحال اور شدید فائرنگ کے تبادلے کے باعث وہ اس کوشش میں کامیاب نہ ہو سکے چنانچہ مذکورہ فوجی کو ہلاک کر دیا گیا اور اس کے ذاتی ہتھیار کو قبضے میں لے لیا گیا۔
القسام بریگیڈز کے ایک کمانڈر نے کہا کہ ہم نے آج دشمن کی صفوں میں گہری ضرب لگائی ہے، اگرچہ ہم فوجی کو زندہ گرفتار نہ کر سکے، لیکن ہماری کارروائی جاری رہے گی اور ان شاءاللہ جلد دشمن کے مزید فوجی ہمارے قیدی ہوں گے۔
خیال رہےکہ القسام بریگیڈز کے ترجمان ابو عبیدہ نے کہا تھا کہ ہم بہت جلد ایسے آپریشن کریں گے جن میں قابض فوج کے اہلکاروں کو گرفتار کیا جائے گا۔ دشمن کو اپنی لاشوں کے ساتھ اپنے قیدیوں کی بھی واپسی کے لیے بھاری قیمت ادا کرنی ہو گی۔
واضح رہےکہ خان یونس اور غزہ کے دیگر جنوبی علاقوں میں قابض افواج اور فلسطینی مزاحمت کاروں کے درمیان گزشتہ کئی روز سے شدید جھڑپیں جاری ہیں، اسرائیلی فضائیہ اور توپخانے کے حملے وقفے وقفے سے جاری ہیں جب کہ زمینی فوج مسلسل پیش قدمی کی کوشش میں ہے، فلسطینی مزاحمت کار اسرائیلی پیش قدمی کو روکنے کے لیے سرنگوں، آئی ای ڈیز، راکٹ حملوں اور گھات لگا کر کی جانے والی کارروائیوں کا وسیع استعمال کر رہے ہیں۔
سرکاری ملازمین کی تنخواہوں میں اضافے کا نوٹیفکیشن جاری کردیا گیا