مسئلہ کشمیر کے حل تک جنوبی ایشیاء پر جنگ کے بادل منڈلاتے رہیں گے، بیرسٹر سلطان
اشاعت کی تاریخ: 26th, May 2025 GMT
ایک انٹرویو میں آزاد کشمیر کے صدر کا کہنا تھا کہ آذربائیجان نے ہمیشہ کشمیری عوام کے موقف کی تائید اور حمایت کی ہے جس پر ہم آذربائیجان کی حکومت اور عوام کے مشکور ہیں۔ اسلام ٹائمز۔ صدر آزاد جموں و کشمیر بیرسٹر سلطان محمود چوہدری نے کہا ہے کہ پاکستان اور بھارت کے درمیان مخاصمت کی اصل وجہ مسئلہ کشمیر ہے اور جب تک اس مسئلے کا پرامن حل نہیں نکالا جاتا اس وقت تک جنوبی ایشیا پر جنگ کے بادل منڈلاتے رہیں گے۔ ذرائع کے مطابق بیرسٹر سلطان محمود چوہدری نے ان خیالات کا اظہار کشمیر ہائوس اسلام آباد میں آذربائیجان کے میڈیا اینڈ انفارمیشن لٹریسی سینٹر کی سربراہ و وائس ریکٹر ٹیلی ریڈیو اکیڈمی اے۔زیڈ ٹیلیویڑن الماز محمود نصیبووا کو ایک خصوصی انٹرویو دیتے ہوئے کیا۔ صدر آزاد جموں و کشمیر نے کہا کہ پاکستان اور بھارت کے درمیان مسئلہ کشمیر تقسیم برصغیر کے وقت سے چلتا آ رہا ہے، جموں و کشمیر ایک مسلم اکثریتی ریاست ہے لیکن بھارت نے جبری طور پر اس کے ایک بڑے حصے پر قبضہ جما رکھا ہے۔ انہوں نے کہا کہ کشمیر اقوام متحدہ کے ایجنڈے پر ایک حل طلب مسئلہ ہے۔بیرسٹر سلطان محمود چودھری نے کہا کہ بھارت پہلگام میں ایک فالس فلیگ آپریشن کر کے اور اس کا الزام پاکستان پر لگا کر دنیا کی حمایت حاصل کرنا چاہتا تھا لیکن اس کا یہ پروپیگنڈہ ناکام ہو گیا اور پاک فوج نے بھارت کی جارحیت کا منہ توڑ جواب دیتے ہوئے اس کے ناپاک عزائم کو خاک میں ملا دیا۔ انہوں نے مزید کہا کہ مسئلہ کشمیر کے اصل اور اہم فریق کشمیری عوام ہی ہیں۔ پاکستان اور بھارت کے درمیان مسئلہ کشمیر ایک فلیش پوائنٹ ہے جب تک اس مسئلے کا اقوام متحدہ کی قراردادوں کے مطابق حل نہیں نکالا جاتا جنوبی ایشیاء میں دیرپا امن و سلامتی کی کوئی ضمانت نہیں دی جا سکتی لہذا عالمی برادری کو چاہیے کہ اس تنازعے کے حل کیلئے کردار ادا کرے۔ انہوں نے مزید کہا کہ آذربائیجان نے ہمیشہ کشمیری عوام کے موقف کی تائید اور حمایت کی ہے جس پر ہم آذربائیجان کی حکومت اور عوام کے مشکور ہیں۔
.ذریعہ: Islam Times
کلیدی لفظ: مسئلہ کشمیر کہا کہ نے کہا
پڑھیں:
یوم تکبیر آزاد کشمیر میں جوش و جذبے سے منایا گیا
اس موقع پر کشمیری حریت رہنمائوں اور آزاد کشمیر کے قائدین سمیت مقررین نے کہا کہ پاکستان امت مسلمہ کا دفاعی حصار ہے ستاون اسلامی ممالک میں پاکستان واحد ایٹمی طاقت ہے۔ اسلام ٹائمز۔ یوم تکبیر آزاد کشمیر میں بھی جوش و جذبے سے منایا گیا، مظفر آباد اور راولاکوٹ میں ریلیاں نکالی گئیں۔ ذرائع کے مطابق ریلیوں میں بڑی تعداد میں شہریوں نے شرکت کی اور ہاتھوں میں پاکستان اور آزاد کشمیر کے پرچم اٹھا کر مارچ کیا۔ ریلیوں کے شرکاء نے "لا الہ الااللہ محمد رسول اللہ، آزادی کے تین نشان اللہ، محمد اور قرآن، پاکستان سے رشتہ کیا لا الہ الااللہ اور دل دل ہے کشمیر جان جان پاکستان، چھین کے لیں گے آزادی، ہے حق ہمارا آزادی اور جس کشمیر کو خون سے سینچا وہ کشمیر ہمارا ہے” جیسے فلک شگاف نعرے لگائے۔ مظاہرین نے مظفر آباد میں برہان وانی شہید چوک سے شہید افضل گورو چوک تک مارچ کیا۔ اس موقع پر کشمیری حریت رہنمائوں اور آزاد کشمیر کے قائدین سمیت مقررین نے کہا کہ پاکستان امت مسلمہ کا دفاعی حصار ہے ستاون اسلامی ممالک میں پاکستان واحد ایٹمی طاقت ہے۔ فلسطین و غزہ اور جموں و کشمیر کے عوام پاکستان کو اپنا نجات دہندہ سمجھتے ہیں۔ انہوں نے اسلامی جمہوریہ پاکستان کے عوام، مسلح افواج بالخصوص ذوالفقار علی بھٹو مرحوم، محمد نواز شریف، ڈاکٹر عبدالقدیر خان، ڈاکٹر ثمر مند مبارک اور دیگر سائنسدانوں اور انجینئروں کو خراج تحسین پیش کیا۔
مقررین نے کہا کہ پاکستان نے بھارت کے ایٹمی دھماکوں کے جواب میں 6 دھماکے کر کے خود کو ایٹمی طاقت کے طور پر منوایا۔ ریاست جموں و کشمیر کے عوام، پاکستان کے عوام اور مسلح افواج کو معرکہ حق آپریشن بنیان مرصوص کی کامیابی پر خراجِ تحسین پیش کرتے ہیں۔ مقررین نے کہا کہ پاکستان مسئلہ کشمیر کا اہم فریق اور کشمیری عوام کا وکیل ہے۔ پاکستان نے ہمیشہ مسئلہ کشمیر کے اقوام متحدہ کی قراردادوں کے مطابق حل کی حمایت کی ہے۔ مقررین نے مزید کہا کہ کشمیری عوام بھارت کے فوجی تسلط کو کبھی قبول نہیں کریں گے۔ انہوں عالمی برادری پر زور دیا کہ وہ جنوبی ایشیا میں پائیدار امن کے قیام کیلئے مسئلہ کشمیر کو سلامتی کونسل کی قراردادوں کے مطابق حل کیلئے اپنا کردار ادا کرے۔
تعمیراتی شعبے کیلئے بری خبر ،سیمنٹ کی قیمت میں اضافہ، کتنا ؟جانئے