یوم تکبیر پر عام تعطیل: کراچی انٹر بورڈ کے 28 مئی کو ہونیوالے امتحانات ملتوی
اشاعت کی تاریخ: 26th, May 2025 GMT
کراچی (نیوز ڈیسک) حکومت سندھ کی جانب سے 28 مئی 2025 کو یوم تکبیر پر عام تعطیل کے اعلان کے بعد اعلیٰ ثانوی تعلیمی بورڈ کراچی نے 28 مئی کو ہونے والے امتحانات ملتوی کر دیئے۔
چیئرمین اعلیٰ ثانوی تعلیمی بورڈ غلام حسین سہتو نے بتایا کہ 28 مئی کو لیے جانے والے پرچے کو سندھ حکومت کی جانب سے یوم تکبیر پر عام تعطیل کے اعلان کے بعد ملتوی کیا گیا ہے۔
غلام حسین سہتو کے مطابق 28 مئی کو صبح اور دوپہر کی شفٹ میں ہونے والے بوٹنی اور انگلش کے پرچے ملتوی کیے گئے ہیں، ملتوی شدہ پرچے 30 مئی کو انہی اوقات میں لیے جائیں گے۔
28 مئی کو صبح 9 بجے سے 11 بجے کے دوران ہونے والا بوٹنی پرچہ اول (نئے و پرانے کورسز، فیل طلبہ کے لیے) 30 مئی کو مقررہ وقت پر لیا جائے گا۔
28 مئی کو دوپہر 2 بجے سے شام 5 بجے تک ہونے والے انگلش (نارمل) پرچہ اول (نئے و پرانے کورسز، فیل طلبہ کے لیے)، انگلش ایڈوانسڈ پرچہ اول (فیل طلبہ کے لیے) 30 مئی کو سہ پہر 3 بجے سے شام 6 بجے تک لیا جائے گا۔
واضح رہے کہ مذکورہ اعلان میں امتحانی مراکز میں بھی کوئی تبدیلی نہیں کی گئی، طلبہ اپنے متعلقہ امتحانی مراکز پر جاکر امتحان دے سکیں گے۔
عید الاضحی : اسلام آباد میں 6 مویشی منڈیاں قائم کرنے کی منظوری
.
ذریعہ
ذریعہ: Daily Ausaf
کلیدی لفظ: مئی کو
پڑھیں:
کوہستان اسکینڈل منظر عام پر لانے والے صحافی کو اعزاز سے نواز دیا گیا
فائل فوٹوچیئرمین قومی احتساب بیورو (نیب) لیفٹیننٹ جنرل (ر) نذیر احمد نے کوہستان اسکینڈل منظر عام پر لانے والے صحافی کو اعزاز سے نواز دیا۔
کوہستان مالیاتی کرپشن کیس میں قومی احتساب بیورو (نیب) نے 6 ارب روپے کے اثاثے ریکور کرکے خیبرپختونخوا حکومت کے حوالے کردیے جبکہ مزید ریکوری کا عمل جاری ہے۔
پشاور میں ایک خصوصی تقریب کے دوران لیفٹیننٹ جنرل (ر) نذیر احمد نے جنگ اور جیو گروپ کے سینئر صحافی ارشد عزیز ملک کو خصوصی شیلڈ اور سرٹیفکیٹ دیا۔
جنگ اور جیو نے 30 اپریل 2025ء کو کوہستان میں سرکاری بینک اکاؤنٹس سے 40 ارب روپے کی خرد برد کی خبر بریک کی تھی، کوہستان اسکینڈل ملکی تاریخ کا بڑا مالیاتی اسکینڈل تھا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ