بھارتی ریاست کیرالہ میں بحری جہاز سے تیل اور خطرناک مواد کے رساﺅ جاری
اشاعت کی تاریخ: 26th, May 2025 GMT
دہلی(اردوپوائنٹ اخبارتازہ ترین-انٹرنیشنل پریس ایجنسی۔ 26 مئی ۔2025 ) بھارتی ریاست کیرالہ میں حکام نے تیل اور خطرناک مواد لے جانے والے بحری جہاز کے ساحل کے قریب ڈوبنے اور اس کے کارگو سے رساﺅکے بعد الرٹ جاری کر دیا ہے یہ رساﺅ لائبیریا کے جہاز سے ہو رہا ہے جو گزشتہ روز کیرالہ کے ساحلی شہر کوچی کے قریب ڈوبا گیاتھا یہ کارگو جہاز وزنجم بندرگاہ سے کوچی کی طرف جا رہا تھا.
(جاری ہے)
حکام کو خدشہ ہے کہ جہاز اور اس کے کارگو سے تیل، ایندھن اور دیگر نقصان دہ مواد کا اخراج وہاں کے رہائشیوں اور سمندری حیات کی صحت کو خطرے میں ڈال سکتا ہے ریاست کے وزیراعلیٰ کے دفتر سے جاری ایک بیان میں کہا گیا ہے کہ کیرالہ کے ساحل کے ساتھ ساتھ تیل بہہ کر کہیں بھی پہنچ سکتا ہے اس ہی لیے پوری ساحلی پٹی کے لیے الرٹ جاری کیا گیا ہے.
حکام نے سمندر کے قریب رہنے والے افراد کو مشورہ دیا ہے کہ وہ پانی کے ساتھ بہہ کر آنے والے کسی بھی کنٹینر یا تیل کو ہاتھ نہ لگائیں جبکہ ماہی گیروں سے کہا گیا ہے کہ وہ ڈوبنے والے جہاز کے بہت قریب جانے سے گریز کریں انڈین کوسٹ گارڈ نے آلودگی پر قابو پانے کے آلات سے لیس ایک جہاز کو اس مقام پر تعینات کر دیا ہے اس کے علاوہ کوسٹ گارڈز نے علاقے کا سروے کرنے کے لیے اپنا ایک طیارہ بھی بھیجا ہے جس میں تیل کے اخراج کا پتہ لگانے کا نظام موجود ہے.ذریعہ: UrduPoint
کلیدی لفظ: تلاش کیجئے گیا ہے
پڑھیں:
مقبوضہ کشمیر: فیلڈ مارشل عاصم منیر کی تصاویر، پاکستانی پرچم والے پوسٹر آویزاں
سری نگر (نوائے وقت رپورٹ / کے پی آئی) مقبوضہ کشمیر میں آپریشن بنیان مرصوص سے بھارت کو منہ توڑ جواب کے پوسٹر آویزاں کر دئیے گئے۔ پوسٹروں پر پاکستانی پرچم‘ فیلڈ مارشل عاصم منیر کی تصاویر موجود ہیں۔ پوسٹروں پر رافیل سمیت بھارتی جنگی طیاروں کو مار گرانے والے جے 10 سی لڑاکا طیاروں کی تصاویر بھی موجود ہیں۔ مقبوضہ جموں و کشمیر میں نئی دہلی کے زیرکنٹرول سٹیٹ انویسٹی گیشن ایجنسی نے کئی اضلاع میں بڑے پیمانے پر چھاپے مارے اور تلاشی کی کارروائی عمل میں لائی ہے۔ ایس آئی اے کی ٹیموں نے بھارتی پیرا ملٹری اور پولیس اہلکاروں کے ہمراہ پونچھ، راجوری، رام بن اور ادھم پور اضلاع میںکم از کم 18 مقامات پر چھاپے مارے۔ جبکہ جنوبی کشمیر کے شوپیاں ضلع میں شہریوں نے پینے کے پانی کی جاری قلت کے خلاف احتجاجی مظاہرہ کیا گیا۔ خواتین اور بچوں سمیت سینکڑوں لوگوں نے علاقے کی مرکزی سڑک بلاک کر دی۔ انہوں نے عوام دشمن پالیسیوں پر انتظامیہ کے خلاف نعرے بھی لگائے۔ دوسری جانب ضلع پونچھ میں بھارتی فوج کی بچھائی ہوئی بارودی سرنگیں زور دار دھماکوں سے پھٹنا شروع ہو گئی۔ ضلع پونچھ کے کرشنا گھاٹی سیکٹر میں لائن آف کنٹرول کے ساتھ جنگل میں آگ لگنے سے کئی بارودی سرنگیں پھٹ گئیں تاہم کسی جانی نقصان کی کوئی اطلاع نہیں ہے۔
معاشی پالیسیاں بنانا اقتصادی ماہرین کا کام ہے نہ کہ ماہرین صحت کا: امین ورک، چئیرمین فئیر ٹریڈ ان ٹوبیکو