کراچی، پکنک کا سفر خوفناک خواب بن گیا، تیز رفتار کوسٹر الٹنے سے 7 افراد زخمی
اشاعت کی تاریخ: 26th, May 2025 GMT
کراچی:
شہر قائد سے دھابیجی کی جانب جانے والی ایک کوسٹر گھگھر پھاٹک کے قریب تیز رفتاری کے باعث الٹ گئی، جس کے نتیجے میں خواتین سمیت 7 افراد زخمی ہو گئے۔
حادثے کے بعد زخمیوں کو فوری طور پر ایدھی ایمبولینس کے ذریعے جناح اسپتال منتقل کیا گیا، جہاں ان کا علاج جاری ہے۔
ایدھی فاؤنڈیشن کے حکام کے مطابق حادثہ تیز رفتاری کے باعث پیش آیا، جب کوسٹر ڈرائیور گاڑی پر قابو نہ رکھ سکا اور وہ الٹ گئی۔ متاثرہ افراد تفریحی سفر پر کینجھر جھیل جا رہے تھے کہ یہ افسوسناک واقعہ پیش آ گیا۔
مزید پڑھیں: کراچی میں المناک حادثہ: ٹرالر کے نیچے سویا شخص ٹائروں تلے آکر جاں بحق
زخمیوں میں 18 سالہ باقر ولد عبدالغنی، 50 سالہ ممتاز زوجہ الطاف حسین، 30 سالہ انیلا دختر الطاف حسین، 19 سالہ عروبہ دختر محمد علی، 35 سالہ اشفاق ولد الطاف حسین، 27 سالہ بلال حسن ولد محمد حسن اور 45 سالہ فرینہ شامل ہیں۔
اسپتال ذرائع کے مطابق تمام زخمیوں کی حالت خطرے سے باہر ہے، تاہم انہیں طبی نگرانی میں رکھا گیا ہے۔
Tagsپاکستان.
ذریعہ: Al Qamar Online
کلیدی لفظ: پاکستان
پڑھیں:
(سندھ بلڈنگ) صدر ٹاؤن میں عدالتی حکم کے برخلاف تعمیرات جاری
ڈائریکٹر جنرل شاہ میر بھٹو کی ڈائریکٹر الطاف کھوکھر پر نوازشات ، ناقص میٹرل کا استعمال جاری
29 اموات کے بعد بھی میر کرم علی تالپور روڈ کے پلاٹ نمبر 7 پر ناجائز تعمیرات کا سلسلہ شروع ہے
سندھ بلڈنگ ڈائریکٹر جنرل شاہ میر خان بھٹو سسٹم پر قابو پانے میں ناکام ساتھ میں ڈائریکٹر الطاف کھوکھر کے چرچے عام علاقے کو کنکریٹ کا جنگل بنادیاصدر ٹاؤن پلاٹ نمبر 7 میر کرم علی تالپور روڈ مین صدر میں عدالتی احکامات کے بر خلاف تعمیر جاری جرآت سروے ٹیم کی موقف لینے کی کوشش کامیاب نہ ہو سکی ۔ سندھ بلڈنگ کنٹرول اتھارٹی میں ڈائریکٹر جنرل شاہ میر خان بھٹو سسٹم پر قابو پانے میں ناکام دکھائی دیتے ہیں گزشتہ دنوں مخدوش عمارتوں کے زمین بوس ہونے والے حادثات میں 29 قیمتی جانوں کی قربانی کے باوجود ڈپٹی ڈائریکٹر الطاف کھوکھر کا منظم سسٹم نہ صرف موجود ہے بلکہ غیر قانونی امور کے جاری دھندوں میں تیزی دیکھنے میں آرہی ہے منظم انداز سے بلند عمارتوں کی تعمیر کی چھوٹ خطیر رقوم بٹورنے کے بعد دی جارہی ہیملکی محصولات کو بھاری نقصان پہنچانے اور خطیر رقوم کی کرپشن کے ثبوت زمین پر موجود ہونے کے باوجود بھی الطاف کھوکھر جیسے بدعنوان افسران احتساب سے بالاتر دکھائی دے رہے ہیں نمائندہ جرآت سے بات کرتے ہوئے صفدر نامی شخص کا کہنا ہے کہ ہم اہل علاقہ تحقیقاتی اداروں سے پر زور اپیل کرتے ہیں کہ علاقے کو کنکریٹ کا جنگل بننے سے روکنے کے لئے عملی اقدامات کیئے جائیں اور ساتھ ہی بدعنوان افسران کے خلاف محکمہ جاتی کاروائی عمل میں لاکر قیمتی انسانی جانوں کو محفوظ رکھنے کے لئے ٹھوس اقدامات عمل میں لائے جائیں زمینی حقائق کے مطابق اسوقت بھی صدر ٹان پلاٹ نمبر 7 میر کرم علی تالپور روڈ پر عدالتی احکامات کے بر خلاف تعمیرات کی جارہی ہیں جرآت سروے ٹیم کی جاری ناجائز تعمیرات پر موقف لینے کی کوشش کی گئی مگر رابطہ ممکن نہ ہو سکا۔
گورنر سندھ کالیاری کادورہ ‘بلڈنگ متاثرین سے ملاقاتیں