اسلام آباد میں 95 فیصد بند یو ٹرنز اور چوراہے کھول دیے گئے
اشاعت کی تاریخ: 27th, May 2025 GMT
وفاقی دارالحکومت کے شہریوں کو ایک دہائی سے زائد عرصے کے بعد ٹریفک کے حوالے سے بڑی پیشرفت، ضلعی انتظامیہ نے شہر میں 95 فیصد سے زائد بند کیے گئے یو ٹرنز اور چوراہے دوبارہ کھول دیے گئے ہیں، جس سے ٹریفک کی روانی میں نمایاں بہتری آئی ہے۔
یہ فیصلہ شہریوں کے لیے باعثِ راحت ثابت ہوا ہے، کیونکہ بندشوں کے باعث ڈرائیوروں کو طویل راستے اختیار کرنا پڑتے تھے جس سے ایندھن اور وقت دونوں کا ضیاع ہوتا تھا۔ شہریوں کی ایک بڑی تعداد نے اس اقدام کا خیر مقدم کیا ہے اور امید ظاہر کی ہے کہ مستقبل میں ان یو ٹرنز اور چوکوں کو دوبارہ کسی بھی بہانے سے بند نہیں کیا جائے گا۔
ڈپٹی کمشنر اسلام آباد عرفان میمن نے میڈیا سے گفتگو کرتے ہوئے بتایا کہ یہ فیصلہ تمام اسٹیک ہولڈرز کی مشترکہ مشاورت اور تعاون سے کیا گیا ہے، اور یہ مستقل بنیادوں پر کیا گیا ہے۔
مزید پڑھیں: اسلام آباد ٹریفک پولیس نے ایک ہفتے میں کتنی گاڑیوں کے چالان کیے؟
تاہم بعض شہریوں اور ماہرین نے اندیشہ ظاہر کیا ہے کہ ان مقامات پر ٹریفک جام کا مسئلہ پیدا ہو سکتا ہے، خاص طور پر ان جگہوں پر جہاں ٹریفک سگنلز موجود نہیں ہیں۔ ایک سینئر پولیس افسر کے مطابق، ایسے چوراہوں پر ٹریفک کنٹرول کے لیے اضافی نفری درکار ہوگی۔
یاد رہے کہ 2011 میں سیکیورٹی خدشات اور نفری کی کمی کے پیشِ نظر شہر کے متعدد یو ٹرنز اور چوراہے بند کر دیے گئے تھے۔ اس فیصلے سے نہ صرف ڈرائیوروں کو مشکلات کا سامنا رہا، بلکہ پیدل چلنے والے افراد، خصوصاً اسکول جانے والے بچوں، کی جان کو بھی خطرہ لاحق ہوا۔
اسلام آباد شاید واحد شہر بن گیا تھا جہاں ’سگنل فری‘ نظام کے باعث زیبرا کراسنگ کا تصور قریباً ختم ہوچکا تھا۔ ترقی یافتہ ممالک میں پیدل چلنے والوں کو گاڑیوں پر فوقیت حاصل ہوتی ہے، اور وہاں سگنلز پر بٹن دبا کر گاڑیوں کو روکا جا سکتا ہے تاکہ پیدل افراد آرام سے سڑک پار کر سکیں۔
شہر کے مختلف سیکٹرز کے مکینوں نے بھی یو ٹرنز اور چوراہے کھلنے پر خوشی کا اظہار کیا ہے۔ ایف-10 مرکز کے بزرگ رہائشی نے بتایا کہ علاقے میں بند یو ٹرنز کے کھلنے سے انہیں مین سڑک عبور کرنے میں آسانی ہو گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد ڈپٹی کمشنر اسلام آباد عرفان میمن وفاقی دارالحکومت یو ٹرنز اور چوراہے.
ذریعہ
ذریعہ: WE News
کلیدی لفظ: اسلام آباد ڈپٹی کمشنر اسلام آباد عرفان میمن وفاقی دارالحکومت اسلام آباد
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار