’لو گرو’ کا رومانٹک سانگ ’بے خبریاں’ بھی مداحوں کو دیوانہ بنا گیا
اشاعت کی تاریخ: 27th, May 2025 GMT
پاکستانی شوبز انڈسٹری کے نامور اداکار و فلمساز ہمایوں سعید اور ماہرہ خان کی آنے والی رومانٹک فلم لو گُرو کے ٹائٹل سانگ ‘دل توڑن والیا‘ کے بعد اب رومانٹک سانگ ’بے خبریاں’ بھی مداحوں کیلئے ریلیز کر دیا گیا ہے۔
’لو گرو’ کا یہ گانا گزشتہ روز 26 مئی کو یوٹیوب چینل پر اپلوڈ کیا گیا جس نے چند ہی لمحات میں ہزاروں ویوز اور لائکس اپنے نام کرلیے۔
2منٹ 46 سیکنڈ پر مشتمل اس گانے کو شیراز اپل اور نرمل رائے نے اپنی سریلی آواز میں گایا ہے جبکہ کمپوزیشن اور موسیقی بھی شیراز اپل نے ہی ترتیب دی ہے اور گانے کے بول مبشر حسن نے لکھے ہیں۔
یہ گانا برطانیہ کے خوبصورت مقامات پر عکس بند کیا گیا ہے، جہاں ماہرہ خان مختلف حسین لُکس میں بے حد دلکش لگ رہی ہیں جنکے ساتھ رومانس کرتے ہمایوں سعید بھی خوب جچ رہے ہیں۔
یاد رہے ’بے خبریاں’ سے قبل ٹائٹل سانگ ‘دل توڑن والیا‘ اور پروموشنل سانگ ‘آ تینوں موج کراواں‘ بھی ریلیز ہو چکا ہے جس کی ویڈیو سوشل میڈیا پر پہلے ہی دھوم مچا چکی ہے۔
مداحوں کا ردعمل:
جیسے ہی یہ میوزک ویڈیو سوشل میڈیا کی زینت بنی وہیں اس گانے کو گلوکار شیراز اپل کی نرم آواز اور گانے کی ویژولز کی وجہ سے بے حد پسند کیا جانے لگا۔
ایک مداح نے تعریف کرتے ہوئے لکھا کہ،‘ماہرہ کی خوبصورتی لفظوں سے باہر ہے ، بالی وڈ اداکاراؤں سے کہیں مختلف اور بہتر لگتی ہیں۔’
ایک اور ماہرہ خان کے ڈائی ہارٹ مداح نے لکھا کہ،‘ہمیں اپنے اداکاروں کو سپورٹ کرنا چاہیے، یہ واقعی حق دار ہیں۔’
ایک اور صارف نے لکھا کہ،‘یہ گانا بہت خوبصورت ہے، شیراز اپل کی آواز بہت سکون بخش ہے، اور ماہرہ و ہمایوں ہی فلم کی جان ہیں۔’
فلم کے بارے میں:
فلم سے متعلق بات کریں تو ماہرہ اور ہمایوں کی یہ فلم ’لو گُرو’ کو ’عیدالاضحیٰ پر ریلیز کرنے کا اعلان کیا گیا ہے۔
فلم کی دیگر تفصیلات پر بات کریں تو اسکے پروڈیوسرز میں ہمایوں سعید، شہزاد نصیب اور جرجیس سیجا شامل ہیں، جبکہ سلمان اقبال اس کے ایگزیکٹو پروڈیوسر ہیں۔ فلم کا اسکرپٹ واسع چوہدری نے لکھا ہے، جنہوں نے اس سے قبل جوانی پھر نہیں آنی 1 اور 2 بھی لکھی تھیں۔
علاوہ ازیں فلم کی اسٹار کاسٹ میں ماہرہ خان اور ہمایوں سعید کے ساتھ مومنہ اقبال، میرا سیٹھی، سہائے علی ابرو، عمارہ ملک، عدنان شاہ ٹیپو، مرینہ خان، عثمان پیرزادہ، اور جاوید شیخ بھی شامل ہیں اور یہ بھی اطلاعات ہیں کہ فلم میں پاکستانی فلم انڈسٹری کے ایک معروف اداکار کی بطور سرپرائز لیڈنگ گیسٹ اپیئرنس بھی ہوگی۔
فلم میں ماہرہ خان ایک پشتون آرکیٹیکٹ صوفیہ خان کا کردار ادا کر رہی ہیں جو امریکہ میں مقیم ہوتی ہے اور وہاں کے ’لو گُرو’ یعنی ہمایوں سعید سے محبت کر بیٹھتی ہے۔
فلم کا ٹریلر اگرچہ کہانی کو مکمل طور پر واضح نہیں کرتا تاہم اسے دیکھنے کے بعد یہ اشارہ ملتا ہے کہ ہمایوں سعید فلم میں ایک دل پھینک عاشق کے کردار میں نظر آئیں گے جو بعد میں ماہرہ خان کے والد (جاوید شیخ) کی طرف سے ایک ذمہ داری ملنے کے بعد سچی محبت میں گرفتار ہو جاتے ہیں۔
پاکستانی میڈیا رپورٹس کے مطابق فلم کی شوٹنگ لندن میں کی گئی ہے جہاں ماہرہ خان کو ایک خوبصورت، بولڈ اور فنونِ لطیفہ سے دلچسپی رکھنے والی لڑکی کے طور پر پیش کیا گیا ہے۔
اس کے برعکس ہمایوں سعید کو لندن میں مختلف لڑکیوں کو محبت کے جال میں پھنسانے والے ‘پلے بوائے’ کے کردار میں دکھایا گیا ہے۔
Post Views: 4.
ذریعہ
ذریعہ: Daily Mumtaz
کلیدی لفظ: ہمایوں سعید ماہرہ خان کیا گیا گیا ہے فلم کی
پڑھیں:
اداکار شان بیگ اور روما مائیکل رشتۂ ازدواج میں منسلک، مداحوں کو خوشخبری سنا دی
پاکستانی شوبز انڈسٹری کے معروف اداکار شان بیگ اور ماڈل سے اداکارہ بننے والی روما مائیکل نے خاموشی سے شادی کرلی۔
اس خوشخبری کا اعلان شان بیگ نے سوشل میڈیا کے ذریعے کیا، جہاں انہوں نے اپنی اہلیہ روما مائیکل کے ساتھ ایک تصویر شیئر کی، جس پر ’Wifey‘ کا اسٹیکر بھی نمایاں تھا۔ بعد ازاں روما مائیکل نے بھی یہی تصویر اپنے انسٹاگرام اکاؤنٹ پر شیئر کرکے اس خبر کی تصدیق کردی۔
شادی کی خبر سامنے آتے ہی مداحوں، شوبز شخصیات اور ساتھی فنکاروں کی جانب سے مبارکباد اور نیک تمناؤں کا سلسلہ شروع ہوگیا۔ روما مائیکل نے اپنی انسٹاگرام اسٹوریز پر موصول ہونے والے متعدد مبارکبادی پیغامات بھی شیئر کیے، جن میں ان کی خوشحال ازدواجی زندگی کے لیے دعائیں کی گئیں۔
اس خوشخبری کے کچھ ہی دیر بعد شان بیگ نے ایک تفصیلی بیان جاری کرتے ہوئے مداحوں اور میڈیا سے اپنی نجی زندگی کا احترام کرنے کی درخواست کی۔ انہوں نے بتایا کہ ان کی سابقہ اہلیہ سے طلاق کا عمل کافی عرصہ پہلے مکمل ہوچکا تھا اور دونوں اپنی اپنی زندگی میں آگے بڑھ چکے ہیں۔ اداکار کے مطابق اب انہوں نے امید، خوشی اور شکرگزاری کے ساتھ زندگی کے ایک نئے باب کا آغاز کیا ہے۔
شان بیگ نے اپنے پیغام میں لوگوں سے اپیل کی کہ وہ ماضی کو ماضی رہنے دیں اور افواہوں، قیاس آرائیوں یا غیر ضروری موازنوں سے گریز کریں۔ ان کا کہنا تھا کہ اس وقت ان کی تمام تر توجہ اپنی نئی ازدواجی زندگی، خاندان، بطور والد اپنی ذمہ داریوں اور مستقبل پر مرکوز ہے۔
شان بیگ پاکستان میں متعدد کامیاب ڈراموں میں اداکاری کے جوہر دکھا چکے ہیں، جبکہ بین الاقوامی سطح پر بھی انہوں نے اپنی صلاحیتوں کا لوہا منوایا ہے۔ وہ حال ہی میں ہالی ووڈ سیریز ’Deli Boys‘ کے دوسرے سیزن میں بھی نظر آئے تھے۔ اداکاری کے ساتھ ساتھ وہ فیشن انفلوئنسر کے طور پر بھی خاصی شہرت رکھتے ہیں اور انہیں 2023 اور 2024 میں فلم فیئر مڈل ایسٹ کی جانب سے ’فیشن انفلوئنسر آف دی ایئر‘ کا اعزاز بھی دیا جا چکا ہے۔
دوسری جانب روما مائیکل نے بطور ماڈل اپنی شناخت قائم کرنے کے بعد اداکاری کے میدان میں قدم رکھا۔ وہ 2023 اور 2024 میں پاکستان کی نمائندگی کرتے ہوئے ’مس چارم‘ اور ’مس گرینڈ بیوٹی‘ پیجنٹس میں بھی شریک رہیں، جبکہ فلم ’کہے دل جدھر‘ سمیت متعدد پراجیکٹس میں اپنی اداکاری کے باعث بھی توجہ حاصل کر چکی ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم