مذمت اپنی جگہ دھندہ اپنی جگہ
اشاعت کی تاریخ: 27th, May 2025 GMT
اسلام ٹائمز: عام آدمی کا زور بس اتنا چل رہا ہے کہ وہ کسی ایسی فوڈ چین کے شیشے توڑ دے جس کے بارے میں بتایا جائے کہ اس کے ڈانڈے کسی اسرائیلی کمپنی یا سرمایہ کار سے ملتے ہیں۔ اصل بائیکاٹ تو ان ممالک کا ہونا چاہیئے جو اسرائیل کو مسلسل اسلحہ اور اقتصادی امداد دے رہے ہیں۔ مگر موجودہ عالمی بے حسی کے ماحول میں کوئی بھی ایسا ویسا مطالبہ دیوانے کی بڑ اور پاگل کے خواب جیسا ہے۔ تحریر: وسعت اللہ خان
یورپی ممالک غزہ کی لاش پر ’’ غم زدہ‘‘ بھی ہیں اور اشک بار آنکھوں کے ساتھ اسرائیل کے ہاتھ میں لہراتے ’’ ساختہِ مغرب‘‘ خنجر کی دھار تیز کرنے کی مشین بھی کاندھے پر اٹھائے ساتھ ساتھ چل رہے ہیں۔ جب سے روس نے یوکرین پر فوج کشی کی کوئی مغربی ملک روس سے کاروبار نہیں کر رہا۔ نسل کشی کے الزام میں انٹرنیشنل کرائم کورٹ کے وارنٹ نکلنے کے بعد یورپی یونین نے بھی ولادی میر پوتن پر سفری پابندیاں عائد کر رکھی ہیں۔
مگر اسرائیل کے بارے میں پابندیوں کا مطالبہ چھوڑ ایسے امکانات کے بارے میں سوالات اٹھانا بھی قابلِ تعزیر ’’یہود دشمنی‘‘ کے دائرے میں آتا ہے۔ گزشتہ ہفتے برطانیہ، فرانس اور کینیڈا نے بس اتنا ہی کہا تھا کہ ہم اسرائیل کے خلاف ’’سخت‘‘ اقدامات پر سنجیدگی سے غور کر رہے ہیں کہ نیتن یاہو نے ان تینوں ممالک پر حماس نوازی اور یہود دشمنی کا فتوی داغ دیا۔ مغرب اسرائیل کی گالی کو محبوب کی گالی سمجھ کے کبھی بے مزہ نہیں ہوتا اور فلسطینی بھنوئیں بھی چڑھائیں تو قابلِ مذمت ہے۔
ٹسوے، مذمت، افسردگی اپنی جگہ دھندہ اپنی جگہ۔ گزشتہ برس اسرائیل نے دنیا سے لگ بھگ ایک سو تریپن ارب ڈالر کی تجارت کی۔ اس عرصے میں امریکا نے اسرائیل سے سترہ ارب ڈالر سے زائد کا سامان خریدا۔ دوسرے نمبر پر چین اور ہانک کانگ نے مجموعی طور پر چھ ارب ڈالر کی اسرائیلی مصنوعات خریدیں۔ تیسرے نمبر پر آئرلینڈ نے تقریباً تین ارب ڈالر سے زائد کی مصنوعات منگوائیں۔ (ویسے آئرلینڈ دو ریاستی حل کے پرجوش حامیوں میں شامل ہے)۔
اسرائیل کی برآمدی مصنوعات میں ہیرے، ہائی ٹیک الیکٹرونکس بشمول انٹیگریٹڈ سرکٹس، آپٹیکل اور ٹیلی کمیونکیشن آلات، کیمیکل مصنوعات، بھاری مشینری بشمول زرعی و طبی آلات و ادویات شامل ہیں۔ (اسرائیل کی ٹیووو فارماسوٹیکل دس بڑی عالمی دوا ساز کمپنیوں میں شامل ہے)۔ اسرائیل ہیروں کی تجارت کا بھی کلیدی بین الاقوامی مرکز ہے (خام ہیرے افریقہ سمیت متعدد خطوں سے درآمد کر کے ان کی تراش خراش اور تجارت کی جاتی ہے)۔
یوں سمجھیے کہ گزشتہ برس اسرائیل نے ایک سو سترہ ممالک کو اپنا مال فروخت کیا۔ ان ممالک میں امریکا، چین اور آئرلینڈ کے بعد علی الترتیب ہالینڈ، جرمنی، بھارت ، برطانیہ، بلجئیم، فرانس، اٹلی، برازیل، اسپین، جنوبی کوریا اور جاپان بھی شامل ہیں۔ جب کہ اسرائیل نے جن ممالک سے سال انیس سو چوبیس میں تقریباً بانوے ارب ڈالر کی مصنوعات خریدیں اس فہرست میں چین (انیس ارب ڈالر)، امریکا (ساڑھے نو ارب ڈالر)، جرمنی (ساڑھے پانچ ارب ڈالر) سمیت ایک سو بانوے ممالک شامل ہیں۔
چین نے زیادہ تر الیکٹرونک گاڑیاں، کمپیوٹر، موبائل فون اور دھاتیں فروخت کیں۔ جب کہ امریکا نے گولہ بارود، خام ہیرے، الیکٹرونکس اور کیمیکل مصنوعات فروخت کیں (اربوں ڈالر کے سامان حرب کی امداد و فروخت کی تفصیلات الگ ہیں)۔ جرمنی سے اسرائیل نے گزشتہ برس فوجی سامان کے علاوہ گاڑیاں، الیکٹرونکس، مشینری، ادویاتی مصنوعات خریدیں۔ ترکی سالِ گزشتہ اسرائیل کو اشیا فروخت کرنے والے ممالک کی فہرست میں پانچویں، روس چھٹے، فرانس ساتویں، جنوبی کوریا آٹھویں، بھارت نویں، اسپین دسویں، برطانیہ گیارہویں، جاپان بارہویں، ہالینڈ تیرہویں، ویتنام چودھویں اور سوئٹزرز لینڈ پندرھویں نمبر پر رہا۔
سال دو ہزار چوبیس میں اسرائیل نے باقی دنیا کو باسٹھ ارب ڈالر مالیت کی جو اشیا اور مصنوعات فروخت کیں ان میں اٹھارہ ارب ڈالر کی الیکٹریکل مشینری، الیکٹرونکس ، مکینیکل آلات ، دس ارب ڈالر کی کیمیکل اور فارماسوٹیکل مصنوعات ، نو ارب ڈالر کے قیمتی جواہرات و زیورات ، سات ارب ڈالر کے آپٹیکل ، ٹیکنیکل اور طبی آلات اور پانچ ارب ڈالر کی معدنیات شامل ہیں۔
اسلحے کی عالمی تجارت میں دو ہزار بیس تا چوبیس اسرائیل کا حصہ تین اعشاریہ ایک فیصد رہا۔ یعنی وہ اسلحہ فروخت کرنے والے ممالک کی فہرست میں علی اترتیب امریکا، فرانس، روس، چین، جرمنی، اٹلی اور برطانیہ کے بعد آٹھویں نمبر پر ہے۔ یہ ترقی یوں حیرت انگیز ہے کہ دو ہزار نو تا تیرہ کے پانچ برس میں اسرائیل اسلحہ فروخت کرنے والے ممالک کی فہرست میں سینتالیسویں نمبر پر تھا۔ (گزشتہ چار برس میں بھارت نے ساختہ اسرائیل چونتیس فیصد، امریکا نے تیرہ فیصد اور فلپینز نے آٹھ فیصد اسلحہ خریدا)۔
جب کہ اسرائیل دو ہزار انیس سے تئیس کے درمیان اسلحہ خریدنے والے ممالک کی فہرست میں پندھرویں نمبر پر رہا۔ امریکا اسرائیل کی انسٹھ فیصد اسلحہ جاتی ضروریات پوری کرتا ہے۔ جرمنی تیس فیصد اسلحہ فراہم کرتا ہے۔ اس کے بعد اٹلی، فرانس، برطانیہ اور اسپین لگ بھگ ایک فیصد دفاعی آلات و فاضل پرزے فراہم کرتے ہیں (اسپین نے گزشتہ برس اسلحہ کی فروخت معطل کردی مگر یہ فروخت ویسے بھی آٹے میں نمک کے برابر تھی)۔
لبِ لباب ان گذارشات کا یہ ہے کہ اس دنیا میں اسرائیلی نسل کشی کے خلاف شور محض عوامی سطح پر جلسے جلوسوں اور سوشل میڈیا کے ذریعے ہو رہا ہے۔ جب کہ ریاستیں محض خانہ پری کی حد تک لب ہلا رہی ہیں۔ اسرائیل سے اقتصادی تعلقات میں کوئی بنیادی تبدیلی نہیں آئی اور نہ ہی اسرائیل کو گزشتہ ڈھائی برس میں کسی شے کی قلت محسوس ہونے دی گئی۔ حتی کہ درآمد و برآمد کا نقشہ بھی غزہ کی نسل کشی سے پہلے کے نقشے سے کہیں بہتر دکھائی دے رہا ہے۔
عام آدمی کا زور بس اتنا چل رہا ہے کہ وہ کسی ایسی فوڈ چین کے شیشے توڑ دے جس کے بارے میں بتایا جائے کہ اس کے ڈانڈے کسی اسرائیلی کمپنی یا سرمایہ کار سے ملتے ہیں۔ اصل بائیکاٹ تو ان ممالک کا ہونا چاہیئے جو اسرائیل کو مسلسل اسلحہ اور اقتصادی امداد دے رہے ہیں۔ مگر موجودہ عالمی بے حسی کے ماحول میں کوئی بھی ایسا ویسا مطالبہ دیوانے کی بڑ اور پاگل کے خواب جیسا ہے۔
ذریعہ: Islam Times
کلیدی لفظ: ارب ڈالر کی کے بارے میں اسرائیل کو اسرائیل کی اسرائیل نے گزشتہ برس شامل ہیں اپنی جگہ فروخت کی رہے ہیں کے بعد رہا ہے
پڑھیں:
اسلام آباد ہائیکورٹ کے باہر پی ٹی آئی کا احتجاج، گولیاں چلیں گی تو ہم بھی اسلحہ لائیں گے، علی امین گنڈاپور
اسلام آباد ہائیکورٹ کے باہر پی ٹی آئی کا احتجاج، گولیاں چلیں گی تو ہم بھی اسلحہ لائیں گے، علی امین گنڈاپور WhatsAppFacebookTwitter 0 27 May, 2025 سب نیوز
اسلام آباد (سب نیوز)پاکستان تحریک انصاف (پی ٹی آئی)کے اراکین قومی اسمبلی اور کارکنان منگل کو اسلام آباد ہائی کورٹ کے باہر عدلیہ سے اظہارِ یکجہتی کے لیے جمع ہوئے۔ علیمہ خان اور وزیر اعلی خیبرپختونخوا علی امین گنڈا پور بھی ہائی کورٹ کے باہر پہنچے۔ احتجاج کے پیش نظر اسلام آباد ہائی کورٹ کے اطراف میں سکیورٹی کے غیر معمولی انتظامات کیے گئے۔
خیبرپختونخوا کے وزیر اعلی علی امین گنڈاپور نے اسلام آباد ہائی کورٹ کے باہر میڈیا سے گفتگو کرتے ہوئے کہا کہ اگر ہمارے خلاف گولیاں چلانے کا پروگرام ہے تو ہم بھی اگلی بار اسلحہ لے کر آئیں گے۔ ان کا کہنا تھا کہ رانا ثنا اللہ تو گھر میں بیٹھے ہوتے ہیں، جبکہ ہم پر ذمہ داری ہوتی ہے۔علی امین گنڈاپور نے رانا ثنا اللہ کو مخاطب کرتے ہوئے کہا کہ ہمارے خلاف فوج، پولیس اور فورسز نہ لائی جائیں۔ انہوں نے کہا کہ تم جگہ بتا، تم اپنے فیملی اور ورکر لے آ، پھر ہم بتائیں گے کہ بہادر کون ہے۔ انہوں نے مزید کہا کہ اسلحہ کس کے پاس زیادہ ہے پھر ہم بتائیں گے۔
علی امین گنڈاپور نے دعوی کیا کہ اگر اب ہم آئیں گے تو ہمارے پاس بھی اسلحہ بہت ہے، لیکن ہمارا اسلحہ ملکی دفاع کے لیے استعمال ہوگا۔ انہوں نے کہا کہ میرے اپنے پیسوں سے خریدی ہوئی بہت سی گولیاں موجود ہیں اور گولی پھر نہیں دیکھتی کہ وہ کہاں جا رہی ہے۔ ان کا کہنا تھا کہ وہ نقصان نہیں چاہتے لیکن انہیں اس طرف جانے پر مجبور کیا جا رہا ہے۔انہوں نے کہا کہ بانی پی ٹی آئی پھر بھی پاکستان کے لیے مذاکرات پر تیار ہیں۔
مزید بات کرتے ہوئے علی امین گنڈاپور نے کہا کہ جب ہم نے فیصلہ کیا کہ کس طریقے سے آنا ہے، تو وہ پہلے سے نہیں بتا سکتے۔وزیراعلی پنجاب مریم نواز سے متعلق ایک سوال کے جواب میں علی امین گنڈاپور نے شدید تنقید کی اور کہا کہ ان کا کام کاروبار کرنا اور پیسے لوٹنا ہے۔ انہوں نے دعوی کیا کہ لکھ کر دیتا ہوں کہ ان کا بھارت میں بھی کاروبار ہے۔علی امین گنڈاپور نے الزام لگایا کہ مودی کے ساتھ ان کی پارٹنرشپ کی تصویریں لگی ہوئی ہیں اور کہا کہ ہر کرپٹ ملک اور حکمران کے دوست نواز شریف کے دوست ہیں۔ انہوں نے یہ بھی کہا کہ مریم نواز اپنی بیٹی کی شادی میں مودی کو دعوت دیتی ہے۔ گنڈاپور نے کہا کہ کیا وہ پاکستان کی بات کرے گی؟ وہ تو مودی کی سائیڈ ہی لے گی۔ انہوں نے کہا کہ جب میں بات کرتا ہوں تو عورت کارڈ کھیل دیا جاتا ہے۔
انہوں نے کہا کہ مریم نواز ایک صوبے کی وزیراعلی ہیں اور اس صوبے کے لوگ شہید ہوئے۔ ان کا کہنا تھا کہ مودی نے اندر گھس کر لوگوں کو شہید کیا۔علی امین گنڈاپور نے مزید کہا کہ آئی ایم ایف نے کہا ہے کہ ہمارے صوبے میں ٹارگٹ حاصل ہوئے ہیں۔انہوں نے کہا کہ ہم نے احتجاج سے کسی کو نہیں روکا، جے یو آئی نے 15 جلسے کیے ہیں۔ریڈ زون کے حوالے سے ان کا کہنا تھا کہ وہاں ایس او پیز ہوتے ہیں، جہاں پر مظاہرین پر شیلنگ ہوئی۔انہوں نے واضح کیا کہ یہ شیلنگ ان کے حکم پر نہیں بلکہ ریڈ زون کے ایس او پیز کے تحت ہوئی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرفیلڈ مارشل سید عاصم منیر کی ملٹری ڈپلومیسی نے پاکستان کو تنہائی سے نکالا، وار ویٹرنز کا خراج تحسین فیلڈ مارشل سید عاصم منیر کی ملٹری ڈپلومیسی نے پاکستان کو تنہائی سے نکالا، وار ویٹرنز کا خراج تحسین فیلڈ مارشل عاصم منیر کا ایران کا سرکاری دورہ، خطے کی سیکیورٹی اور دفاعی تعاون پر اہم بات چیت عدالت نے انتخابی نشان کافیصلہ کیا، پی ٹی آئی نے خود سمجھ لیا وہ سیاسی جماعت نہیں رہی، ججز سپریم کورٹ نوشکی، انسداد پولیو ٹیم پر حملہ، فائرنگ سے ایک پولیس اہلکار شہید، دوسرا زخمی،صدر اور وزیراعظم کی مذمت مودی کی حالیہ تقریر نفرت انگیز، پرتشدد اور عالمی اصولوں کی خلاف ورزی، عالمی برادری نوٹس لے،پاکستان ججز ٹرانسفر و سینیارٹی کیس میں جوڈیشل کمیشن کے اجلاسوں کے منٹس طلبCopyright © 2025, All Rights Reserved
رابطہ کریں ہمارے بارے ہماری ٹیم
اہم شخصیت کو عہدے سے ہٹانے کا فیصلہ کر لیا گیا