مورو احتجاج میں ہلاک نوجوان کی پوسٹمارٹم رپورٹ، دماغ سے دھاتی ٹکڑا برآمد
اشاعت کی تاریخ: 27th, May 2025 GMT
مورو احتجاج میں ہلاک نوجوان عرفان لغاری کی یادگار تصاویر—بشکریہ سوشل میڈیا
مورو احتجاج میں ہلاک نوجوان عرفان لغاری کی پوسٹ مارٹم رپورٹ جاری کردی گئی۔
پوسٹ مارٹم رپورٹ کے مطابق عرفان علی لغاری کا پوسٹ مارٹم 23 مئی 2025ء کو کیا گیا ہے، عرفان کے جسم پر متعدد زخم اور چوٹیں پائی گئیں۔
رپورٹ میں کہا گیا ہے کہ نوجوان کی کھوپڑی کی ہڈی دائیں جانب سے ٹوٹی ہوئی پائی گئی، نوجوان کے دماغ پر گہری چوٹ تھی، جو دماغ کی نچلی سطح تک تھی۔
یہ بھی پڑھیے کالعدم قوم پرست جماعت کے کارکن عرفان لغاری کی زبردستی تدفین کینالز کی تعمیر کیخلاف احتجاج، پولیس فائرنگ سے زخمی عرفان لغاری ہلاک مورو، عرفان لغاری کو تشویشناک حالت میں سول اسپتال حیدرآباد منتقل کردیاپوسٹ مارٹم رپورٹ میں بتایا گیا ہے کہ نوجوان کے دماغ کے درمیانے حصے سے ایک دھات کا ٹکڑا ملا ہے، جبکہ اس کی ریڑھ کی ہڈی کے زخم میں بھی دھاتی چیز برآمد ہوئی ہے۔
عرفان علی لغاری پوسٹ مارٹم رپورٹ کے مطابق اس کے دماغ اور پھیپھڑوں میں سوجن پائی گئی ہے۔
واضح رہے کہ سندھ کے شہر مورو میں دریائے سندھ پر کینالز کی تعمیر کے خلاف احتجاجی مظاہرے اور وزیرِ داخلہ سندھ ضیاء الحسن لنجار کے گھر پر حملے کے دوران پولیس کی فائرنگ اور شیلنگ کے دوران زخمی ہونے والا عرفان لغاری جمعے کو سول اسپتال میں زخموں کی تاب نہ لاتے ہوئے چل بسا تھا۔
سول اسپتال کے مردہ خانے میں غسل کی کوشش کے دوران پولیس کی بھاری نفری نے چھاپہ مار کر عرفان لغاری کی لاش تحویل میں لی تھی اور مزاحمت کرنے والے قوم پرستوں کے خلاف کارروائی کے دوران قوم پرست رہنما ٹک ٹاکر سمیت متعدد افراد کو گرفتار کر لیا تھا۔
سندھ یونائیٹڈ پارٹی و کنوینر دریائے بچاؤ کمیٹی سید زین شاہ نے واقعے کی شدید مذمت کرتے ہوئے الزام عائد کیا تھا کہ شہید عرفان لغاری کی میت کو اس کے والدین اور ورثاء کے حوالے کرنے کے بجائے پولیس کے ذریعے زبردستی دفنایا گیا۔
.
ذریعہ
ذریعہ: Jang News
کلیدی لفظ: پوسٹ مارٹم رپورٹ عرفان لغاری کی کے دوران
پڑھیں:
واشنگٹن میں لبنان اور اسرائیل کے درمیان مذاکرات شروع
اسرائیل کی جانب سے لبنان پر خون ریز حملوں کے بعد دونوں ممالک کے درمیان واشنگٹن میں مذاکرات شروع ہوگئے ہیں۔
الجزیرہ کی رپورٹ کے مطابق لبنان اور اسرائیل کے درمیان واشنگٹن میں شروع ہونے والے مذاکرات جنگ بندی مذاکرات کا تسلسل اور چوتھا دور ہے۔
لبنان کی سرکاری خبرایجنسی نے بتایا کہ لبنان اور اسرائیل کے درمیان مذاکرات کا چوتھا دور واشنگٹن میں امریکی اسٹیٹ ڈپارٹمنٹ کے ہیڈکوارٹرز میں شروع ہوگئے ہیں۔
رپورٹ میں بتایا گیا کہ مذاکرات کے لیے دونوں فریق کے نمائندے واشنگٹن پہنچے، جس کے بعد مذاکرات شروع ہوئے ہیں۔
قبل ازیں امریکی صدر ڈونلڈ ٹرمپ نے اسرائیلی وزیراعظم کو لبنان پر حملوں کے حوالے سے ٹیلی فون پر سخت الفاظ کا استعمال کیا تھا۔
رپورٹ میں دعویٰ کیا گیا تھا کہ ٹرمپ نے نیتن یاہو کو پاگل قرار دیا اور کہا کہ ہر کوئی تم سے نفرت کرتا ہے، اسی وجہ سے لوگ اسرائیل سے بھی نفرت کرتے ہیں۔
دوسری جانب لبنان پر اسرائیل کے حملے جاری ہیں جہاں جنوبی لبنان کے بڑے شہروں میں سے ایک نباطیہ پر شدید بم باری کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ