کراچی؛ سفاک شخص نے اپنی 2 کم عمر سوتیلی بیٹیوں کو بدترین تشدد کا نشانہ بنا ڈالا
اشاعت کی تاریخ: 28th, May 2025 GMT
کراچی:
شہر قائد میں ظالم سفاک شخص نے اپنی دو کم عمر سوتیلی بیٹیوں کو بدترین تشدد کا نشانہ بنا ڈالا۔
نارتھ کراچی شاہنوازبھٹوکالونی میں سفاک شخص نے 2 کم عمربہنوں (سوتیلی بیٹیوں) کوبدترین تشدد کانشانہ بنا ڈالا اور فرار ہوگیا۔ پولیس نے واقعے کا مقدمہ متاثرہ بچیوں کے ماموں عمران شفیع کی مدعیت میں سوتیلے باپ کے خلاف اقدام قتل کی دفعہ کے تحت درج کرلیا۔
خواجہ اجمیر نگری نارتھ کراچی سیکٹر 14 اے شاہنوازبھٹوکالونی میں مدعی مقدمہ کے مطابق میری بھانجیوں مقدس اوربشریٰ کواس کے سوتیلے باپ شہریارعرف شیری نے بدترین تشدد کانشانہ بنایا ہے اورتشدد کرنے کے بعد سوتیلا باپ فرارہوگیا ہے۔
مدعی مقدمہ کے مطابق میرے بہنوئی تابش علی کا2019ء میں انتقال ہو گیا تھا اور2 سال قبل میری بہن ندا نے اپنی مرضی سے شہریار عرف شیری سے نکاح کرلیا تھا۔ شادی کے بعد میری بہن ندا دونوں بچیوں کو بھی ساتھ لے گئی تھی جب کہ اس شادی کے بعد ہمارا ملنا جلنا نہیں تھا۔
انہوں نے مزید بتایا کہ سوتیلے باپ نے 22 اور 23 مئی کو دونوں بچیوں کو بدترین تشدد کا نشانہ بنایا تھا۔ سوتیلا باپ اس سے قبل بھی تشدد کا نشانہ بنا چکا تھا۔ انہوں نے بتایاکہ پہلے بچیوں کوسندھ گورنمنٹ اسپتال اورگزشتہ روزسول اسپتال لے کر پہنچے۔ بچیوں کے جسم پر تشدد کے نشانات بہت واضح ہیں۔
پولیس سرجن ڈاکٹر سمعیہ کے مطابق متاثرہ بچیوں کومنگل کے روز اسپتال لایا گیا تھا ، جن کے جسم پرتشدد کے نشانات 5، 6 روز پرانے معلوم ہوتے ہیں۔ انہوں نے مزید بتایا کہ بچیوں کےجسم سے نمونے حاصل کرلیے گئے ہیں۔ بچیوں سے زیادتی ہوئی ہے یا نہیں رپورٹ میں تصدیق ہوگی۔ دونوں بہنوں کی عمریں 8 سال اور 16 سال ہیں۔
.ذریعہ: Express News
کلیدی لفظ: تشدد کا نشانہ بنا بدترین تشدد کا بچیوں کو
پڑھیں:
اوچ شریف: بس نے موٹر وے پولیس کی گاڑی کو روند ڈالا، سب انسپکٹر سمیت 3 اہلکار جاں بحق
(فاران یامین،اسرار خان)موٹر وے ایم 5 پر اوچ شریف انٹر چینج کے قریب افسوسناک حادثہ پیش آگیا۔
موٹر وے پولیس حکام کے مطابق مسافر بس نے موٹر وے پولیس کی گاڑی کو روند ڈالا، موٹر وے پولیس کے دو افسروں سمیت تین اہلکار جاں بحق ہوگئے، جاں بحق ہونے والوں میں سب انسپکٹر مشتاق، اسسٹنٹ سب انسپکٹر ناصر اور کانسٹیبل اسامہ شامل ہیں۔
حکام کا کہنا ہے کہ افسوسناک واقعہ موٹر وے ایم 5 لوکیشن 662 پر اوچ شریف کے قریب پیش آیا، موٹر وے پولیس آفیسرز ڈیوٹی شفت ختم کرکے اوچ شریف اپنی رہائش گاہ پر آرہے تھے، مسافر بس کراچی سے ملتان جارہی تھی۔
وزیر اعلی پنجاب برازیل کے سرکاری دورہ کے بعد جاتی امراء پہنچ گئیں
موٹر وے پولیس نے مزید بتایا کہ بس کو تحویل میں لے لیا گیا ہے اور کارروائی کے لئے پولیس کے حوالے کرکے تفتیش شروع کردی۔
دوسری جانب ہربنس پورہ، کینال روڈ پر صحافی کالونی کے قریب خطرناک کرتب کا مظاہرہ کرتی تیز رفتار کار بے قابو ہو کر الٹ گئی،
جس سے 6 افراد زخمی ہو گئے،حادثے کی زد میں 2 موٹر سائیکل سوار بھی آئے، زخمیوں کو سروسز ہسپتال منتقل کر دیا ۔
وزیراعظم آزاد کشمیر چوہدری انوار الحق کیخلاف تحریک عدم اعتماد پر رائے شماری آج ہوگی
ابتدائی تحقیقات کے مطابق حادثہ کار ڈرائیور کی غفلت کے باعث پیش آیا۔
ایم اور ٹریفک حادثہ میں موٹروے ایم-4 پر شورکوٹ کے نزدیک بس اور ٹریلر میں ٹکر سے ڈرائیور جاں بحق، 2 زخمی ہوگئے ۔
ترجمان موٹروے پولیس کے مطابق بس کراچی سے لاہور جارہی تھی، 35 مسافر سوار تھے۔ زخمیوں کو فوری طور پر ہسپتال منتقل کر دیا گیا۔
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟