200 جگہ کارروائی کی ہائیڈرنٹ پھر بن گئے، مرتضیٰ وہاب
اشاعت کی تاریخ: 30th, May 2025 GMT
میئر کراچی مرتضیٰ وہاب نے کہا ہے کہ گزشتہ 15 ماہ میں 200 جگہوں پر کارروائی کی لیکن ہائیڈرنٹ پھر بن گئے۔
سٹی کونسل اجلاس سے خطاب میں مرتضیٰ وہاب نے کہا کہ کہیں نہ کہیں سے دباؤ ضرور آتا ہے، پانی چوری کے خلاف دوبارہ کارروائیاں شروع کریں گے۔
انہوں نے کہا کہ کےفور منصوبے کا 5 بار افتتاح ہوچکا ہے، کراچی واحد شہر ہے جہاں 125 کلو میٹر دور سے پانی آتاہے۔
میئر کراچی نے مزید کہا کہ کراچی میں پانی کی کمی کا مسلہ حل کرنے کےلیے متحد ہوکر بات کریں، شہر میں پانی کی منصفانہ تقسیم ہونی چاہیے۔
.ذریعہ: Jang News
پڑھیں:
سندھ رینجرز کی کارروائی، فتنہ الخوارج کے 3 انتہائی مطلوب دہشت گرد گرفتار
کراچی ( نیوزڈیسک) سندھ رینجرز نے خفیہ معلومات پر کارروائی کرتے ہوئے کراچی کے علاقے منگھوپیر روڈ کنواری کالونی سے فتنہ الخوارج کے 3 انتہائی مطلوب دہشت گردوں کو گرفتار کر لیا۔
ترجمان رینجرز کے مطابق گرفتار ملزمان کی شناخت زید اللہ عرف زیدو، نور زادہ اور حضرت عثمان کے نام سے ہوئی۔
رینجرز حکام کا کہنا ہے کہ گرفتار ملزمان خوارجی امیرشمس القیوم عرف زاویل عرف زعفران کے قریبی ساتھی تھے، دورانِ تفتیش ملزمان نے انکشاف کیا کہ وہ علاقے کے لوگوں کے فون نمبرز شمس القیوم کو فراہم کرتے تھے، جس کے بعد وہ ان نمبرز پر بھتہ وصولی کیلئے کال کرتا تھا۔
ترجمان کے مطابق گرفتار ملزمان نے بھتہ وصولی اور لینڈ گریبنگ میں ملوث ہونے کا بھی اعتراف کیا ہے، ملزم نور زادہ اور حضرت عثمان کے بھائی پہلے ہی خوارج کے نیٹ ورک میں مارے جا چکے ہیں۔
ترجمان نے بتایا کہ ملزم زید اللہ عرف زیدو تھانہ ایکسائز کورنگی اور اے این ایف کو بھی مطلوب تھا، گرفتار ملزمان کو مزید قانونی کارروائی کیلئے پولیس کے حوالے کر دیا گیا ہے۔
ہم طالبان کو دوبارہ غاروں میں دھکیلنے کی صلاحیت رکھتے ہیں: وزیر دفاع خواجہ آصف