اسلام آباد: انسانی اسمگلنگ اور ویزہ فراڈ میں ملوث 2 ایجنٹ گرفتار
اشاعت کی تاریخ: 31st, May 2025 GMT
اسلام آباد:
ایف آئی اے انسداد انسانی اسمگلنگ سرکل اسلام آباد نے کارروائیاں کرتے ہوئے انسانی سمگلنگ اور ویزہ فراڈ میں ملوث 2 ملزمان کو گرفتار کرلیا۔
گرفتار ملزمان کی شناخت ارشد منگا اور اقرار حمید کے نام سے ہوئی، ملزمان کو اسلام آباد کے مختلف علاقوں سے گرفتار کیا گیا۔
گرفتار ملزمان بغیر لائسنس شہریوں کو بیرون ملک ملازمت کا جھانسہ دے کر لاکھوں روپے بٹورنے میں ملوث ہیں۔
ملزم ارشد منگا نے شہری کو سوئٹزرلینڈ ملازمت کا جھانسہ دے کر 9 لاکھ روپے بٹورے جبکہ ملزم اقرار حمید نے شہری کو کینیڈا ملازمت کا جھانسہ دے کر 27 لاکھ روپے ہتھیائے۔
ملزمان شہریوں کو بیرون ملک بھجوانے میں ناکام رہے اور بھاری رقوم وصول کر کے روپوش ہو گئے تھے، ملزمان کو گرفتار کر کے تفتیش کا آغاز کر دیا گیا ہے۔
.ذریعہ: Express News
پڑھیں:
لاہور میں زیورات اور نقدی چوری کی بڑی واردات کا ڈراپ سین؛ قریبی رشتے دار ملوث نکلا
لاہور:گلشن راوی کے علاقے میں شہری کے گھر سے لاکھوں روپے مالیت کی نقدی اور زیورات کی چوری کا معما حل ہو گیا، جب پولیس نے واردات میں ملوث 2 ملزمان کو گرفتار کر لیا۔
پولیس کے مطابق واردات کا مرکزی ملزم متاثرہ شہری کا اپنا رشتہ دار نکلا۔
ڈی آئی جی انویسٹی گیشن سید ذیشان رضا نے واردات کا نوٹس لیتے ہوئے ایس پی اقبال ٹاؤن انویسٹی گیشن سدرہ خان کو ملزمان کی گرفتاری اور مال مسروقہ کی برآمدگی کا ٹاسک سونپا، جس پر عمل کرتے ہوئے انچارج انویسٹی گیشن تھانہ گلشن راوی شاہد محمود نے اپنی ٹیم کے ہمراہ کارروائی کرتے ہوئے دونوں ملزمان کو جدید ٹیکنالوجی اور ہیومن انٹیلیجنس کی مدد سے گرفتار کر لیا۔
گرفتار ملزمان میں مرکزی ملزم اور اس کا ساتھی شامل ہیں، جنہوں نے اہل خانہ کی غیر موجودگی میں دیوار پھلانگ کر گھر میں داخل ہو کر 12 لاکھ روپے نقدی اور 3 تولہ سونے کے زیورات چوری کیے تھے۔ پولیس نے تمام چوری شدہ رقم اور زیورات برآمد کر لیے ہیں۔
پولیس حکام کے مطابق کیس کی تفتیش میں تمام شواہد کو پیشِ نظر رکھتے ہوئے مضبوط چالان تیار کیا جا رہا ہے تاکہ ملزمان کو قرار واقعی سزا دلائی جا سکے۔
وزیر خارجہ اسحاق ڈار کا ازبک ہم منصب سے رابطہ، علاقائی صورتحال پر تبادلہ خیال