بھارتی کرکٹراور مہوش ہوٹل میں ملتے پھر پکڑے گئے،ویڈیو وائرل
اشاعت کی تاریخ: 31st, May 2025 GMT
چندی گڑھ (ویب ڈیسک)بھارتی کرکٹ ٹیم کے اسپنر یوزویندر چہل اور مشہور خاتون ریڈیو جوکی (آر جے) مہوش ان دنوں اپنے مبینہ تعلق کی خبروں کے باعث توجہ کا مرکز بنے ہوئے ہیں۔دونوں کی بڑھتی قربتیں اور انکے افیئر کی افواہوں نے زور پکڑ لیا ہے،مگر دونوں اسٹارز نے ابھی تک ان افواہوں کی باضابطہ طور پر تصدیق نہیں کی ۔
میڈیا رپورٹس کےمطابق یوزویندر چہل اورآر جےمہوش کی ایک ساتھ موجودگی اور سوشل میڈیا پر مسلسل سرگرمیاں ان قیاس آرائیوں کو ہوا دے رہی ہیں کہ دال میں کچھ کالا ہے۔اس معاملے نے اس وقت مزید زور پکڑا جب جمعرات 29 مئی 2025 کو ار جے مہوش کو چندی گڑھ کے ایک ہوٹل میں چہل سے ملتے ہوئے دیکھا گیا اور اس موقع پر مہوش اپنا چہرہ چھپاتے ہوئے نظر آئیں۔ انسٹاگرام پر وائرل ہونے والی ویڈیو میں دیکھا جاسکتا ہے کہ آر جے مہوش اپنے چہرے پر ماسک لگائے ایک اوور سائز (hoodie) میں ملبوس یوزویندر کے ہوٹل میں موجود ہیں۔پاپارازی کو دیکھنے کے بعد مہوش اپنے چہرے کو چھپانے کی کوشش کرتی نظر آئیں لیکن ان تمام تدبیروں کے باوجود بھی وہ اپنی شناخت چھپانے میں ناکام رہیں۔صرف یہی نہیں بلکہ جیسے ہی مہوش نے کیمروں کو دیکھا وہ لفٹ کی طرف بھاگیں لیکن تب تک وہ کیمروں کی زد میں آ چکی تھیں۔فری پریس جرنل کی رپورٹ کے مطابق مہوش یوزویندر چہل سے ملنے ہوٹل میں اس وقت آئی تھیں جب ان کی ٹیم پنجاب کنگز کا مقابلہ ویرات کوہلی کی ٹیم رائل چیلنجرز بنگلور سے چندی گڑھ کے اسٹیڈیم میں ہونا تھا۔
یہاں یہ امر قابل ذکر ہے کہ آر جے مہوش پورے ٹورنامنٹ میں اپنے ممکنہ بوائے فرینڈ یوزویندر کے ساتھ سفر کر رہی ہیں اور انہیں کئی بار اسٹینڈز میں پنجاب کنگز کی حوصلہ افزائی کرتے ہوئے بھی دیکھا گیا ہے۔چیمپئنز ٹرافی 2025 کے فائنل میں یوزویندر اور مہوش کو ایک ساتھ بیٹھے اور میچ میں مگن دیکھا گیا یہی نہیں بلکہ یوزویندر چہل کو آر جے مہوش کے قریب جھک کر ان کے کان میں کچھ کہتے ہوئے بھی دیکھا گیا جس کے بعد ان کے رشتے کے حوالے سے قیاس آرائیاں مزید تیز ہو گئیں۔یہ پہلا موقع نہیں جب آر جے مہوش اور یوزویندر چہل کے رشتے کی خبریں وائرل ہو رہی ہیں، گزشتہ سال کرسمس کے موقع پر بھی ایک تصویر وائرل ہوئی تھی جس میں دونوں کو ایک ساتھ دیکھا گیا تھا، ان قیاس آرائیوں کے جواب میں، آر جے مہوش نے انسٹاگرام پر وضاحت دی کہ یہ افواہیں بے بنیاد ہیں۔حال ہی میں ایک انٹرویو کے دوران اپنے رومانوی تعلقات کے بارے میں جاری قیاس آرائیوں کے باوجود آر جےمہوش نے ان افواہوں کو مسترد کرتے ہوئے واضح کیا کہ وہ اور یوزویندر محض دوست ہیں اور فی الحال سنگل ہیں۔
A post shared by Viral Bhayani (@viralbhayani)
مزیدپڑھیں:نان فائلرز کے لیے بینک سے کیش نکلوانا مزید مہنگا ؟بڑی خبرآگئی
ذریعہ
ذریعہ: Daily Ausaf
کلیدی لفظ: یوزویندر چہل دیکھا گیا ر جے مہوش ہوٹل میں
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
بھارت سے جنگ اور افغانستان میں کارروائی خارج ازامکان نہیں، وزیردفاع